Андижон вилояти ҳокими Шуҳрат Абдураҳмонов Андижон шаҳрида жойлашган 31-умумтаълим мактабида бўлиб, у ердан туриб вилоят телевиденияси орқали жонли эфирда вилоятдаги барча устозлар, ўқувчи ва талабаларни янги ўқув йили бошланиши билан қутлади.
Ҳокимнинг қайд этишича, сўнгги беш йил давомида вилоятда 50 та янги мактаб қурилган, 234 та мактаб реконструкция қилиниб, тубдан таъмирланган ва жиҳозланган. Жорий ўқув йилида қайта қурилган, капитал таъмирланган ва реконструкция қилинган 36та мактаб фойдаланишга топширилган. Бунинг учун 317 млрд. сўм бюджет маблағлар йўналтирилган.
Тантанали маросимдан сўнг вилоят ҳокими мактаб фаолияти, педагогик жамоанинг келгусидаги режалари билан танишди. Шунингдек, мактабнинг 30 нафар 1-синф ўқувчиларига Президент совғаларини топширди.
Kanalga ulanish uchun:
@Jurnalist_kotib