Тошкент ахборот технологиялари университети томонидан анъанвий тарзда ўтказилиб келинадиган “Май 2022” математика фан олимпиадасининг Республика босқичи бўлиб ўтди.

Қувонарлиси, ушбу олимпиадада вилоятимиз шарафини ҳимоя этган Шаҳрихон тумани 44-ихтисослашган давлат умумтаълим мактабининг 11-синф ўқувчиси Турдибоев Шукурулло фахрли 3-ўринни эгаллаб, 5 млн сўм пул мукофотини қўлга киритди.

Иқтидорли ўқувчимизнинг келажакдаги ўқиш ва ишларида улкан зафарлар тилаб қоламиз.

ХАЛҚ ТАЪЛИМИ ВАЗИРИ ЎРИНБОСАРИ МАКТАБЛАРНИ КЎЗДАН КЕЧИРДИ

Халқ таълими вазирлиги томонидан ўқувчи-ёшларни бўш вақтини самарали ташкил этиш ва ёзги таътил даврида уларни мароқли ҳордиқ чиқаришларини таъминлаш юзасидан бир қатор ташаббуслар илгари сурилмоқда.

Жорий йилнинг 27 май куни Халқ таълими вазири ўринбосари Вахобжон Ражабов Андижон вилоятидаги таълим муассасаларида бўлиб, ушбу йўналишларда амалга оширилаётган ишлар билан танишди.

Хусусан вазир ўринбосари Қўрғонтепа тумани 51-умумтаълим мактабида бўлиб, мактаб қошида ташкил этилиши режалаштирилган кундузги соғломлаштириш оромгоҳидаги шарт-шароитларни кўздан кечирди.

Вазир ўринбосари томонидан мактаблардаги шу каби кундузги оромгоҳларнинг кун тартибини янада ўқувчилар учун фойдали ва қизиқарли ташкил этиш бўйича керакли тавсиялар бериб ўтилди.

Хабарингиз бор, Ўзбекистон Республикаси халқ таълими вазирининг 2018 йил 15 ноябрдаги “Экстернат тўғрисидаги Низомга ўзгартириш ва қўшимчалар киритиш тўғрисида”ги 13-мх-сонли буйруғи ҳамда 2022 йил 28 февралдаги 02-02/2-280-сонли хатига асосан Андижон шаҳридаги 17-умумтаълим мактабида “Экстернат мактаби” ташкил этилган.

Жорий йилнинг 26 май куни Андижон шаҳридаги 17-умумтаълим мактабида Экстернат имтихон синовлари бошланди.

Мазкур Экстернат имтихонларида жорий йилда 1 минг 294 нафар (198 нафар 9-синф, 1096 нафар 11-синф) фуқаролар иштирок этиш учун рўйхатдан ўтган.

Экстернат имтихонлари 16-июнга қадар давом этади.

Андижон вилоят халқ таълими бошқармаси матбуот хизмати