Ўқувчи-ёшларни бўш вақтларни мазмунли ташкил этиш мақсадида жорий этилган “Бешта муҳим ташаббус” доирасида Шаҳрихон туманидаги 40-сонли умумий ўрта таълим мактабида “Ёш иҳтирочилар” кўрик-танлови бўлиб ўтди.

Робототехника йўналишида ўтказилган кўрик-танловда Андижон давлат унверситети физика математика фанлари доктори Ўзбекистон фанлар академияси академиги Сирожиддин Зайнобиддинов хамда туман халқ таълими бўлими ходимлари иштирок этиб, ўқувчи-ёшларга робототехника воситаларини ясашга кўмаклашувчи билим ва кўникмаларни бўлишдилар.

Танлов якунида ғолиб ўқувчилар туман халқ таълими бўлимининг дипломи ва эсдалик совғалари билан тақдирландилар.

Жанубий Кореялик мутахассислар иштирокида бўлиб ўтадиган ўқув-тренинг АНДИЖОНДА...

🔹Бугун Халқ таълими вазирлиги ҳузуридаги Республика "Баркамол авлод" болалар мактаби томонидан Жанубий Кореялик мутахассислар билан ҳамкорликда “Баркамол авлод” болалар мактаблари АКТ йўналишидаги мутахассисларининг малакасини ошириш, уларда замонавий билим-кўникмаларни шакллантириш мақсадида ҳудудларда ўқув-тренинглар ташкил этилиши режалаштирилган эди.

⚡️Шу муносабат билан бугун АНДИЖОНда ўқув-тренингга старт берилиб, унинг 1-кун учун мўлжалланган машғулотлари ўз ниҳоясига етди.

✅ Ўқув тренингда мутахассислар томонидан иштирокчиларга педагогик дастурий таъминот таълими чуқурлаштириб ўргатилди.

☝️ Эслатиб ўтамиз, ўқув-тренинг эртага ҳам давом этади...

Андижон вилояти халқ таълими бошқармаси, вилоят "Ёшлик" жисмоний тарбия ва спорт жамияти минтақавий бўлими томонидан жорий йилнинг 18 май куни Қўрғонтепа туманида умумтаълим мактабларининг 8-10 синф ўқувчилари ўртасида "Ёшлик спорт жамоалари" спорт мусобақаларининг гандбол тури бўйича вилоят босқичи ўтказилди.

Мусобақа якуний натижасига кўра фахрли 1-ўринни Қўрғонтепа тумани 42-мактаб, 2-ўринни Асака тумани 11-мактаб, 3-ўринни Пахтаобод тумани 9-мактаб ўқувчилари эгаллаб, ташкилотчилар томонидан диплом ва эсдалик совғалари билан тақдирланди.

Қўрғонтепа тумани 42-мактаб ўқувчилари Республика финал босқичига йўлланмани қўлга киритди.

Андижон вилояти халқ таълими бошқармаси ҳамда Андижон давлат тиббиёт институти ҳамкорлигида умумтаълим мактабларининг 8-9-синф ўқувчилари ўртасида кимё ва биология фанлари Андижон давлат тиббиёт институтида “Абу Али Ибн Сино” номидаги вилоят олимпиадаси бўлиб ўтмоқда.

Олимпиада якунлари бўйича батафсил маълумот берилади.