"САЙЁР ҚАБУЛ"ЛАР ДАВОМ ЭТМОҚДА

Юртбошимиз томонидан халқ билан мулоқот ва инсон қадрини улуғлаш йўналишида қатор ислоҳотларни йўлга қўйиш, халқни рози қилиш масалаларида тизимлар мутасаддиларини бевосита жойларга чиққан ҳолда ўрганиш ишларини амалга ошириши юзасидан бир қатор кўрсатма ва топшириқлар белгилаб берилган.

Ушбу топшириқлар ижросини таъминлаш мақсадида жорий йилнинг 13 май куни Булоыбоши туманида “Сайёр қабул”лар ўтказилмоқда.

Хусусан, сайёр қабулда халқ таълими тизими йўналишидаги мурожаат, шикоят ҳамда таклифлар Халқ таълими вазирлиги вакиллари ва вилоят халқ таълими бошқармаси масъуллари иштирокида тингланиб, тегишлилиги бўйича ижрога йўналтирилмоқда.

“Сайёр қабул” давом этмоқда...

"БИР МИЛЛИОН ДАСТУРЧИ" ЛОЙИҲАСИ ДОИРАСИДА ЗАМОНАВИЙ КОМПЬЮТЕРЛАР МАКТАБЛАРГА ЕТКАЗИЛДИ

Муҳтарам Президентимиз Ш.Мирзиёевнинг умумтаълим мактабларда ёшларни "Бир миллион дастурчи" лойиҳаси доирасида ўқитиш юзасидан берган топшириқларига асосан умумтаълим мактабларини замонавий компьютер техникалари билан таъминлаш белгиланган эди.

Мазкур вазифа ижросини таъминлаш мақсадида Республика бюджетидан режалаштирилган 65 та синф комплект компьютер техникалари Халқ таълими вазирлиги томонидан Андижон вилоятидаги умумтаълим мактабларига етказиб берилди.

Маълумот ўрнида, Вазирлар Маҳкамасининг 716-сонли қарорига асосан Маҳаллий бюджетидан режалаштирилган 60 та синф комплект компьютер техникалари ҳам умумтаълим мактабларига етказиш чоралари кўрилмоқда.

Ўқувчиларга етказилган ушбу замонавий компьютерлар учун Муҳтарам Президентимизга ва Халқ таълими вазирлигига миннатдорчилигимизни билдирамиз.