Халқ таълими вазирлиги мутасаддилари Андижон мактабларида

Халқ таълими вазирлиги мутасаддилари Наманган вилоятидан сўнг ўрганиш жараёнини Андижон вилоятида давом эттирди. Бугун вилоятнинг Балиқчи туманидаги 36, 45-сонли мактаб, 32-сонли мактаб филиали ҳамда 9-сонли алоҳида таълим эҳтиёжлари мавжуд болалар учун мўлжалланган мактаб-интернатда яратилган шароитлар билан танишди.

36-мактабда 7-синф ўқувчиларининг дарс жараёнларида иштирок этиб, ўқувчилар билан турли фанлардан савол-жавоб орқали билимлари синовдан ўтказилди ва ҳозирданоқ қизиқишлари ва қобилиятига кўра касб-ҳунарга йўналтириш борасида тавсиялар берилди. Мазкур мактаб 640 ўқувчига мўлжалланган бўлиб, бугун унда қарийиб 2 баравар кўп ўқувчи (1206 нафар) таълим олмоқда.

Мактабни Инвестиция дастурига киритган ҳолда ўқувчиларга муносиб шароит яратиш учун мактаб биносини мукаммал таъмирлаш ва қўшимча бино қуриш таклиф этилди.

Шунингдек, 32-сонли мактаб филиали учун янги қурилаётган 260 ўринли мактаб биносида қурилиш жараёнлари кўздан кечирилди. Янги ўқув йилида филиалга алоҳида мактаб мақоми берилиб, 200 нафардан ортиқ ўқувчилар замонавий шароитга эга бўлган бинода таълим олишни бошлайди. Бу эса ўқувчиларнинг узоғини яқин қилиб, ота-оналарга қулайлик яратади.

Тумандаги 45-сонли мактабда ҳам 9-синф ўқувчилари ва педагогик жамоаси билан мулоқот қилинди. Педагогларга Ўзбекистон тараққиёти учун муносиб авлодни тарбиялашдаги масъулияти тушунтирилиб, соҳани ривожлантиришга оид таклифлар тингланди.

Ишчи гурух 9-сонли ихтисослаштирилган мактаб-интернатида бўлиб, болаларни таълим олиши билан бирга даволаш ва соғломлаштириш учун шароитлар яратилганлиги эътироф этилди.

Туман ҳокимига ҳудуд хусусиятидан келиб чиқиб, халқ таълими тизими нуфузини ошириш учун алоҳида “бренд” (логотип, шиор, ўқувчилар формаси) яратишга келишиб олинди.

Андижон вилоятидаги таълим муассаларини ўрганиш ишлари давом этмоқда.

Андижонлик ўқитувчи ва ўқувчилар билан учрашувлар давом этмоқда

Хабарингиз бор, Халқ таьлими вазирлиги мутасаддилари халқ таълими соҳасидаги ислоҳотларни мактабларгача етказиш мақсадида Андижон вилоятида бўлиб турибди.

Бугун вилоятнинг Хўжаобод туманидаги 11- ва 12-сонли умумтаълим мактаблари, 17-сонли ҳамда Хўжаобод туманидаги алоҳида таълим эҳтиёжлари мавжуд мактаб-интернатларида бўлиб, яратилган шароитлар билан танишди.

Ўрганилган мактабларда битирувчи синф ўқувчилари билан мулоқот қилиниб, касб танлаш юзасидан “Махорат дарси” ўтилди.

Чуқур билим, юксак тафаккур, кенг дунёқарашга эга битирувчи эртанги ҳаётда ўз ўрнини топа олади, бунинг учун тўғри касб танлаш ўта муҳимлиги, битирувчилар орасида 6-7 та касб билан чегараланмаслик лозимлиги, мамлакатимиз тараққиёти барча соҳаларни бирдек ривожланишига боғлиқлиги шу боис касблар ҳақида кенгроқ ва кўпроқ маълумот бериш кераклиги ҳақида мактаб педагогик жамоасига тавсиялар берилди.

12-мактабнинг 11-синф битирувчиси Ниҳола Комиловага ҳозирданоқ аниқ мақсад қўйиб, касбини тўғри танлаганлиги, ўқишдаги муваффақиятлари учун ноутбук тақдим этилди, синфдошларига жаҳон адабиётидан жамланмалар тақдим этилди.

12-мактаб биноси шу йили “Обод қишлоқ” дастури доирасида таъмирланади, 11-мактабни эса келгуси йил Инвестиция дастурига киритиш орқали ўқувчиларга муносиб шароит яратилади.

Алоҳида таълим эҳтиёжлари мавжуд мактаблар бинолари мукаммал таъмирланиб, ўқувчиларга замонавий шароитлар яратилганлиги эътироф этилди, ушбу муассаса педагогларига болаларга алоҳида ғамхўрлик кўрсатиб, чуқур билим бериш зарурлиги таъкидланди.

❓️Халқ таълими ривожи учун ишлаб чиқилаётган беш йиллик дастур айнан қайси йўналишларга қаратилган?

Хабарингиз бор, куни кеча Халқ таълимини ривожлантиришнинг 5 йилга мўлжалланган дастурини ишлаб чиқиш масалаларига бағишланган учрашув ташкил этилди.

Таълим бўйича глобал ҳамкорлик фонди (GPE) ҳомийлигида ташкил этилган учрашувда 20 га яқин халқаро ташкилотлар иштирок этди.

Юқоридаги видео лавҳада батафсил.