ВИЛОЯТИМИЗДАГИ МАКТАБЛАР "ЗАМОНАВИЙ МАКТАБ" СЕРТИФИКАТЛАРИНИ ҚЎЛГА КИРИТДИЛАР

Хабарингиз бор, Халқ таълими вазирлиги томонидан умумтаълим мактабларида таълим жозибадорлигини янада ошириш ҳамда ўқувчиларга сифатли таълим бериш фаолиятларини баҳолашга доир “Замонавий мактаб” лойиҳаси эълон қилинган.

2021 йилда Андижон вилоятидан жами 42 та таълим муассасаси мазкур лойиҳада иштирок этиш истагини билдириб, мактабларда яратилган шарт-шароитлар ва амалга оширилган муваффақиятли тажрибалар лойиҳа комиссияларига тақдим этилган эди.

Жорий йилнинг 17 февраль куни Андижон вилояти халқ таълими бошқармасида Халқ таълими вазирлиги вакиллари иштирокида лойиҳада етарли бал тўплаган муассасаларни тақдирлаш маросими бўлиб ўтди.

Лойиҳа якунларига кўра вилоятимиздаги 6 та (Андижон ш 13-, Булоқбоши 30-,43-ИДУМ, Улуғнор 20-,21- ва Шаҳрихон 64-) мактаблар “Замонавий мактаб” сертификатларини қўлга киритди.

МАКТАБЛАРДА “ҲАФТА КУНЛАРИ”НИ ЖОРИЙ ЭТИШ БЎЙИЧА МАСТЕР КЛАСС

Хабарингиз бор, Андижон вилояти халқ таълими бошқармаси томонидан таълим сифатини янада яхшилаш ва ўқувчиларнинг иқтидорларини ҳар томонлама қўллаб-қувватлаш ишларини тизимли равишда йўлга қўйиш мақсадида “Ҳафта кунлари” эълон қилинган.

Шу муносабат билан, жорий йилнинг 17 февраль куни туман (шаҳар) халқ таълими бўлими мудирларининг маънавият бўйича ўринбосарлари, синф раҳбарлари ва илғор таълим вакиллари иштирокида мактабларда “Ҳафта кунлари”ни ўтказиш ва профилактика ишларини тизимли ташкил этишга қаратилган ўқув семинари бўлиб ўтди.

Мазкур семинарда бошқарма бошлиғи томонидан ушбу тажрибани барча таълим муассасаларига жорий этиш тартиби ва механизмлари бўйича мастер-класс ҳам ўтказилди.

Қолаверса, семинарда вилоят ИИБ вояга етмаганлар масалалари бўйича катта инспектори М.Хусанов иштирок этиб, ўқувчилар билан профилактик тадбирларни ўтказиш юзасидан керакли тавсиялар бериб ўтди.

ЎҚУВЧИЛАР БИЛАН ИШЛАШДА ЯНГИ ПСИХОЛОГИК МЕТОДЛАРДАН ФОЙДАЛАНИШГА ДОИР СЕМИНАР БЎЛИБ ЎТДИ

Жорий йилнинг 17 февраль куни Андижон вилояти халқ таълими бошқармасида Ўзбекистон Республикаси Халқ таълими вазири маслаҳатчиси Ғайрат Шоумаров томонидан туман (шаҳар) халқ таълими бўлимлари психолог методистлари ва Андижон шаҳридаги умумтаълим мактаблари психологлари учун семинар-тренниг ўтказилди.

Семинар тренингда модератор томонидан умумтаълим мактаблари ўқувчилари билан ишлашда янги психологик методлардан фойдаланиш, ўқувчилар ўртасида турли кўнгилсиз ҳолатлар юзага келишини олдини олиш юзасидан керакли кўрсатма ва тавсиялар берилди.