#mobile_photo

"Театр бу - ибратхонадир!" шиори остида мактаб ўқувчилари учун спектакл намойиши бўлиб ўтди
——————
Бола азиз, одоби ундан азиз, дея таъкидлаб келади доно халқимиз. Элимиз азалдан ёш авлод тарбияси, уларнинг маънавияти ва одобига ҳар қайси замонда жиддий эътибор билан ёндашиб келади.

Бугунда ҳам ёш авлодни ватанга садоқат ва жамиятга ҳурмат туйғуларини шакллантириш мақсади юксалиб, турли тадбирлар орқали болаларга дунёни танитиш, оламга яхшилик келтирувчи инсонлардан бўлишга ундаш уаби эзгу ҳаракатлар янада бўй чўзган.

Жумладан, ўқувчилар учун театр томошалари ҳамда ибратли спектакллар намойишларини ташкил этиш йўналишида қатор ташаббуслар илгари сурилмоқда.

Ушбу ташаббусларни қўллаб-қувватлаган ҳолда, Андижон шаҳридаги 31-умумтаълим мактаби томонидан 500 нафарга яқин ўқувчи ёшлар, устоз ва педагоглар ҳамда мактаб раҳбарияти вакиллари учун театр томошаси ташкил этилди.

Устоз ва шогирдлар шаҳардаги Заҳириддин Муҳаммад Бобур номидаги драма театрида саҳналаштирилган “Давлат болалари” номли спектакл намойишида бўлдилар.

Саҳифа: @andpress