МУСТАҚИЛЛИК БАЙРАМИГА МУНОСИБ СОВҒА, 22-МАКТАБ ҚАЙТА РЕКОНСТУКЦИЯ ҚИЛИНИБ ФОЙДАЛАНИШГА ТОПШИРИЛДИ

Булоқбоши туманидаги 320 ўринга мўлжалланган 22-умумтаълим мактаби 1963 йилда қурилган бўлиб, ўқувчилар 2 сменада ўқитилар эди.

Мактаб 2022 йилда инвестиция дастурига киритилиб, лойихавий сметаси 5,5 млрд сўм бўлиб, асосий биноси капитал реконструкция қилинди, спорт зали қуриб битказилди.

Қурилиш ишлари “Нетал кондир” МЧЖ томонидан бажарилиб, эндиликда мактабда 650 нафар ўқувчи 1 сменада тахсил оладилар.

Мактабни очилиш маросимида туман Ҳокими Ў.Мамуров, 3-сектор рахбари, туман ИИБ бошлиғи Ж.Қосимов, маҳалла фаоллари, фахрийлари ва мактаб жаоаси иштирок этдилар.

Туман ҳокими Ў.Мамуров барчани Ўзбекистон Республикаси Мустақиллигининг 31 йиллиги билан табриклаб, ушбу кўркам, замонавий андозалар асосида қурилган мактаб байрам совғаси бўлганлигини қайд этди ва янги мактаб билан муборак этди.

👉🏻https://t.iss.one/buloqboshipress

Пахтаобод туманининг Ҳаётбахш маҳалласида жойлашган 38-умумтаълим мактаби 310 ўринга мўлжалланган бўлиб, бу сиғим ҳудудда истиқомат қилувчи мактаб ёшидаги болаларни таълим билан тўлиқ қамраб олиш талабига жавоб беролмай қолган эди.

Шу сабабли мактабга 300 ўринли қўшимча бино қуриш мақсадга мувофиқ деб топилиб, инвестиция дастури асосида қурилиш ишлари бошланган эди.

Бугун қуриб битказилган ана шу зиё масканининг очилиш маросими бўлиб ўтди.

Айтиш жоиз-ки, мустақиллик байрами шукуҳи билан уйғунлашиб кетган маросим ҳудуд аҳолиси учун ҳақиқий тантанага айланиб кетди.

Маросимда иштирок этган вилоят ҳокими Шуҳратбек Абдураҳмонов йиғилганларни замонавий ва барча қулайликларга эга билим масканининг фойдаланишга топширилиши билан самимий қутлаб, ёшларни ушбу имкониятлардан тўла фойдаланишга, чуқур билим олиб, юрт учун яроқли кадрлар бўлишга чақирди.

Facebook | Twitter | Instagram | YouTube | Telegram

Ўзбекистон Республикаси Давлат мустақиллигининг 31 йиллик шодиёнаси арафасида Асака туман халқ таълими бўлими тасарруфидаги 59-умумий ўрта таълим мактабининг бошланғич синфлари учун 660 ўринли қўшимча ўқув биносининг очилиш маросими бўлиб ўтди.

7.5 миллиард сўм инвестиция маблағлари ҳисобидан қуриб битказилган мазкур ўқув биносида ўқувчи учун Book-cafe, тадбирлар учун зал мавжуд бўлиб, энг эътиборлиси ушбу бинода бошланғич синф ўқувчилари таълим олишини кўзда тутган ҳолда, ҳар бир синф хонасида қўл ювиш мосламаси, сув иситгич, бино ичи ва ташқарисида хожатхона мавжуд.

Мазкур бинонинг фойдаланишга топширилиши Янги Ўзбекистон ҳаётида давлат ташаббуслари, устувор эътибор ва ғамхўрлик, аввало, таълим ва тарбияни ривожлантириш, илм-фан ва инновацияларни тараққий эттиришга қаратилаётганидан далолат беради.