Donald Tramp kecha AQSHda "Stargate" loyihasini e'lon qildi. Loyihadan maqsad sunʼiy intellekt sohasida xalqaro raqobatda ustunlikka ega bo'lish. Loyiha doirasida Oracle, Openai va Softbank (Yaponiya) birlashib harakat qilishadi. Loyihaga 4 yilda 500 milliard AQSh dollari, ilk bosqichda 100 mlrd AQSh dollari investitsiya qilinadi. Loyiha Texasda yangi data markazi ham quriladi.
Bu yoʻnalishda shundoq ham AQSh dunyoda eng ilgʻor texnologiyalarga ega edi.

Trampning populistik, amalga oshishi qiyin chiqishlaridan farqli ravishda bu real loyiha va sohada katta oʻzgarishlarga sabab boʻlishi mumkin.


#ai #tramp
@allaevuzb

Ўзбек алломаларининг дунё тан олган илмий мероси

Бугун дунё ўзбек алломаларининг жаҳон илм-фани ривожидаги ўрнини янада кўпроқ эътироф этмоқда. Яқинда CNN Муҳаммад Хоразмий, Аҳмад Фарғоний, Абу Райҳон Беруний ва Абу Али Ибн Сино ҳақида мақолалар чоп этиб, уларнинг бой илмий меросини алоҳида таъкидлади.

Ушбу олимларнинг кашфиётлари илм-фаннинг турли соҳаларида революцион ўзгаришлар қилишга ёрдам берди. Улар орасида Хоразмийнинг алгебра ҳақидаги тадқиқотлари, Фарғонийнинг коинот ҳақидаги билимлари ва Ибн Синонинг тиббий асарлари алоҳида ўрин тутади.

Шарқ алломаларининг билимлари нафақат ўтмишда, балки ҳозирги замонда ҳам тараққиёт учун муҳим қадам бўлиб келмоқда.



#matbuot
@allaevuzb

Yves Guillemot ни танқид қилишда баъзи муаммоларни кўриб чиқиш мумкин. Биринчидан, унинг раҳбарлигида Ubisoft баъзан яратган ўйинларининг сифати паст бўлиб, бу ўйинлар кўплаб фойдаланувчилар ва танқидчилар томонидан салбий баҳоланган. Иккинчидан, компания бир неча марта ўзининг йирик лойиҳа ва релизларини кечиктирган, бу эса бренднинг ишончлилигига путур етказган. Шунингдек, Ubisoft'нинг баъзи қарорлари, хусусан микротўловлар ва "лоот box" тизимлари, ўйинчилар томонидан кенг танқид қилинди. Бундай ёндашувлар компаниянинг обрўсига салбий таъсир кўрсатди.

Тўлиқ видеога ҳавола:
https://youtu.be/60f94IeJ9KM?si=j6FLh30WNHnWNf8C

Fransiyaga 2024-yilda 100 million sayyoh tashrif buyuribdi. Bu bilan Fransiya oʻzining oldingi rekordini yangilagan.
Mamlakat bir necha oʻn yildan beri dunyoda eng koʻp turist tashrif buyuradigan davlat boʻlib qolmoqda.

Ikkinchi oʻrinni 94 million turist bilan Ispaniya qoʻlga kiritgan.

AQSh 66.5 million turist bilan Italiyani quvib oʻtib uchinchi oʻringa chiqib olgan.

#turizm
@allaevuzb

Oʻgʻlini oʻqitgan bitta bolani, qizini oʻqitgan millatni oʻqitadi deyishadi.
Qiz farzand tarbiyasi har birimiz uchun dolzarb. Qizlarimizni o'qitaylik.

#tarbiya #farzand
@allaevuzb

Tez-tez har xil tanishlarimiz xayriya qilib kitob tarqatish uchun pul tashlab turishadi. Oldin yig'ilgan pullardan o'zimiz manzil tanlab kitoblar hadya qilgandik.

Bu safar formatni sal o'zgartiramiz. Xayriyadan tushgan pullar yig'ilib qolibdi, uning evaziga 30 dona Talaba kitobini maktablarga yetkazib beramiz.

Nima uchun aynan "Talaba"?
"Talaba" chiqarganimizdan eng ko'p farxlanadigan kitoblarimizdan biridir. U ta'limning, ayniqsa qiz farzandning ta'limi ahamiyatini ochib bergan. Shuningdek, ota va qiz munosabatlari kabi nozik mavzu ham kitobda yaxshigina ochib berilgan. Bu kitobni har bir o'zbek o'qishi foydali deb o'ylayman.

Kitobni qaysi maktablarga berilishini bo'lsa siz hal qilasiz.

Kitobni jo'natish uchun shunchaki @asaxiy_talaba telegram akkauntiga maktab manzili va u yerda qabul qilib oladigan biror shaxsning raqamini jo'natish yetarli.

Birinchi 30ta yozgan maktabga kitobdan yetkazib beramiz.

Kichik summadan bo'lsada, har oy xayriya qilib borayotgan do'stlarimizga alohida tashakkur.

#talaba #mutolaa
@allaevuzb

30ta maktab manzili keldi. Barchaga rahmat. Yana boʻlganda eʼlon qilib boramiz.

Gazeta uzda "Nazorat" degan OAV jurnalistlari ovqatlanish tarmoqlarini qanday qilib kuydirishganini oʻqib achindim. Voqeaga koʻra, qasddan ovqatlar orasiga tarakan solinib, keyin uni tarqatish bilan qoʻrqitib pul talab qilingan.

Bugun 4ta ish oʻrni yaratib, soliq toʻlab, kundan kunga oshib borayotgan nazoratlardan oʻtib, jarima toʻlab biznes qilish shundoq ham oson emas. Bir nechta tadbirkorlar bizneslarni yopib pulni bankka qoʻyayotgan yoki uy-joy olib ijaraga berayotgan holatlarni ham koʻrdim.

Oʻzi shundoq ham oson boʻlmagan vaqtda, adolat himoyachisi boʻlgan, xalq ishongan jurnalist va blogerlar bu ishni qilishi achinarli. Reklama olishni, piarni, bor ana pulini olib yaxshi tomonini koʻrsatishni tushunaman, lekin aybi yoʻq tadbirkorni bunaqa shantaj qilish hech qanaqa professionalizmga toʻgʻri kelmaydi.
Keyin, juda koʻp hollarda sarlavha bilan manipulyatsiya qilinmoqda. Ichini oʻqisangiz butunlay boshqa narsa boʻladi. Bu ham biror etikaga toʻgʻri kelmaydi.


Shunchaki afsus


#biznes
@allaevuzb

TEMU ҳақида

Телеграм каналларда TEMU ҳақида танқид, эътирозлар кўпайди. Уларга қарши ўз фикрларимни билдиришни маъқул деб билдим. Одатда бу каби масалаларга аввало истеъмолчи сифатида қарайман. Рақобат қўмитаси раиси бўлмасак ҳам ҳар биримиз аслида истеъмолчимиз.

TEMUʼдан келадиган маҳсулотларнинг тагида барча маълумотлар ёзиб қўйилган бўлади. Аввало буюртма бераётганда барча ҳолларда маҳсулот остидаги ёзувларга қарашни тавсия қиламан. Маҳсулот ва унинг остидаги ёзувлар икки хил бўлиши камдан-кам учрайдиган ҳолат. Тўғри, реклама масаласида бўрттириш бўлган бўлиши мумкин. Расмга алдангандирсиз. Бироқ бу масала ушбу арзон товарлар киришига тақиқ қўйилиши ёки қўшимча солиқ юкланиши, ёки бўлмаса, қайсидир "эркатой" компаниягагина имтиёз бериш билан ҳал қилинмаслиги керак.

Асосий масала — истеъмолчида қўлидаги пулга яраша доим танлови қолиши керак деб қаралишида. Бир тарафдан машиналарга қўйилган қўшимча божхона тўловларига қарши чиқсак, вой-дод монополия десак лекин бошқа тарафдан айнан TEMU каби халқаро компанияларга қийинчилик, тўсиқ сўрасак, энг камида кулгили вазиятга қоламиз. Тўғрими? Ёмон маҳсулот бўлса, нархига арзимаса, истеъмолчи ўзи ҳаммасини тартибга келтириб қўяди. Сотволмай қўяди, тамом. Доим "нархга яраша маҳсулот" олтин қоидасини унутмаслик керак.

Шунингдек, эртага ЖСТга қўшилишни кўзлаган давлатнинг тадбиркорлари рақобатдан қўрқмаслиги, қочмаслиги керак. Ҳали тўлиқ очилмаган бозорда битта рақибдан қўрқадиган бўлса, бу кабилар эртага нима қилади? Рақобат бўлиши фақат ва фақат сифат ўсишига хизмат қилади. Қадрияти ошган истеъмолчилар эса яхшисини ажрата оладиган бўлади, вақт ўтиб. Ҳам TEMUʼда сифат назорати айрим бизнинг компаниялардан кўра яхши бўлиши керак, ўрганилса.

Мени хурсанд қилган томони шундаки, UzPost ҳам соққага интиляпти. TEMU билан ҳамкорлик қилса, соққали ишларга кирса, бюджет ҳисобига кун кўришдан бориб-бориб тийилади. Молиявий мустақил бўлади. Бизам ортиқча солиқ юкидан қутуламиз. Мамлакатда логистика ривожланади. Янги иш ўринлари, бюджетга тушум ва бошқалар яхшиланади. Доим узоқни кўзлайвериш керак.

👉 @Zafarbek_Solijonov

Donald Tramp Jon Kennedi, Robert Kennedi va Marten Lyuter King o'limiga oid barcha tergov hujjatlarini ommaga ochish boʻyicha qarorni imzoladi.
Hujjatlar 45 kun ichida omma eʼtiboriga taqdim etilishi aytilmoqda.
Ushbu suiqasdlar insonning oyga chiqishi va 11-sentyabr voqealaridan keyin konspirologlarning eng sevimli mavzulari hisoblanadi. Nihoyat, tergovda nimalar koʻrilganini bilib olamiz.

Tramp oʻzining ilk prezidentlik davrida ham bu hujjatlarni ochiqlashga va'da bergan, lekin ular bilan tanishgach buni qilmaslikka qaror qilgan edi. Bu hujjatlar atrofida bahslarni yanada koʻpaytirgan edi.

#tramp
@allaevuzb

15-fevral kuni man uchun yilning eng muhim konsert dasturi bo'ladi.

Mirshakar Humo arenada "Chempion" dasturi bilan hammamizni kuldiradi va o'ylashga majbur qiladi.
Aqlli (intellektual) yumori uchun Mirshakarni juda hurmat qilaman.

Biletlar iticketda sotuvda!

Chin ko'ngildan
#tavsuyu

@allaevuzb

Малколм Гладуэллнинг “Talking to Strangers” китобини ўқимоқдаман. Китоб Сандра Бланд воқеаси билан бошланади.

2015 йилда Сандра Бланд Техасда полиция томонидан йўл ҳаракати қоидаларини бузгани учун тўхтатилди. Полиция ходими билан мулоқот жараёнида нотўғри тушуниш ва кескинлик юзага келиб, натижада Сандрани ҳибсга олишади. Уч кун ўтиб, у ҳибсхонада вафот этади.

Гладуэлл ушбу воқеа орқали таниш бўлмаган одамлар билан мулоқотдаги тизимли муаммоларни ёритиб беради. У полиция ходими Бландни шубҳали шахс сифатида қабул қилганини ва бу нотўғри қарорлар ортидан қайғули натижага олиб келганини кўрсатади.

Сандра қора танли эди. Шу вокеа “Black lives matter” харакати пайдо булишига сабаб вокелардан бири экан. Бу мисол орқали Гладуэлл таниш бўлмаган одамларга нисбатан фикр ва қарорларимизни қайта кўриб чиқиш зарурлигини таъкидлайди. Қандайдир ҳаракатлар ёки ташқи кўриниш инсоннинг аслини акс эттирмаслиги мумкинлигини уқтиради.

Бизнинг жамиятда ҳам умумлаштириш ёки ёрлиқ қўйиш кенг тарқалган. Масалан, миллатларга ажратиш, касби, жинси, кийиниши ёки туғилган жойига қараб хулоса чиқариш каби ҳолатлар.

@paiziev24

Siyosatda hissiyotga o‘rin yo‘q. Unda pragmatik bo‘lish muhim talab.

Afsuski, ko'pchilik siyosatchilarning nima qilganiga qarab emas, aksincha hissiy tomondan baholaydi.
Siyosatchining qanchalik buyuk bo‘lganligi uning qaysidir g‘oyaga yoki hissiyotga bog‘lab emas, aksincha natijalar bilan baholanadi.

Quyidagi mezonlar muhimroq hisoblanadi:

- Davlatchilikni mustahkamlash
- Iqtisodiyotni yuksaltirish
- Aholi farovonligini oshirish
- Ijtimoiy adolatni yaxshilash
- Kelajakdagi taraqqiyotga fundament yaratish
- Oldindan yaxshi ishlab kelgan tizimlarni yaxshilash, yomonini reforma qilish

va shu kabilar.

Umuman olganda, qabul qilib olganidan ko‘ra yaxshiroq davlat qoldirgan siyosatchi doim yaxshi siyosatchi hisoblanadi. Uning faoliyati siz yoki mani ideologiyamga mos bo‘lganlik darajasidan kelib chiqib baholanmaydi.

Baholashda ham natijalar bir yoki 10 kishining taqdiridan kelib chiqib emas, umumiy natijadan kelib chiqiladi. Deylik, bir rahbar kelganda real ishsizlik darajasi 7 foiz bo‘lsa-yu, u ketganda 4 foizga tushsa, demak u aynan shu KPI bo‘yicha yaxshi ishlagan bo‘ladi. Albatta, alohida taqdirlarni olsa, orasida ishsizlik kamaygan vaqtda ishsiz qolganlar, demak norozilar baribir topiladi.

O‘rtacha maoshlar ham shundan kelib chiqib baholanadi. Deylik, u rahbarligi davrida o‘rtacha maoshlar real inflatsiyadan tezroq o‘sgan bo‘lsa, bu borada u yaxshi ishlagan bo‘ladi. O‘rtada alohida shaxsning daromadi pasayishi kuzatilishi tabiiy holat.

Hissiy tomondan kelib chiqib baholaganda biz allaqachon aqliy tomondan va xolislikdan uzoqlashamiz. Shu uchun davlat darajasida natijalar baholashda mezon bo'lishi, ular doim ustun turishi kerak.


#mulohaza
@allaevuzb

Ажойиб бир китобда ўқиб қолгандим, актер Маклин Стивенсон қандай қилиб хотини уни "турмуш тузоғи"га туширганини айтиб берган: "У унга ёқишимни айтди".

Ҳазил тарзда айтилган инсон табиати ҳақидаги ҳақиқат. Ҳаммага мақтов ёқади. У рост ёки ёлғонлигидан қатъий назар. Тўғри қадриятли инсонлар мақтовни фақат чиндан ўйлагандагина айтишади.

Ҳозирги негатив ахборот замонида, сизга кимдадир нимадир ёқдими, манфаатсиз бўлса буни айтган маъқул деб ўйлайман. Бу билан сиз камида бир инсонни кайфиятини кўтарасиз, озгина бўлсада бахтли қиласиз. Сотувчи қизнинг жилмайиши, официантнинг муомаласи, ҳамкасбнинг янги соч турмаги, кимнингдир ҳамхўрлиги ёқдими, буни албатта айтинг. Ҳаёт шу самимийлик билан озгина бўлсада гўзалроқ бўлиб қолади.

Уйда бўлса яқинларингизга, фарзанд, аёлингиз, ота онангизга яхши кўришингизни ҳам айтиш эсдан чиқмасин.


#pozitiv
@allaevuzb

Иккинчи Жаҳон урушида жангда ўлганлар фахр билан эсланади, аммо уруш ортида ўқ емасдан жон берганлар ҳам қаҳрамонлардир. Уруш олиб келган очарчилик ва қайғуни тарифлаш жуда қийин. Уруш даврида очарчилик фақат оддий халқ бошига тушганми?

Бу сонда Худди шундай канали Ленинград қамалидаги яширин маълумотлар ва дахшатлар билан бўлишади: https://youtu.be/J723_KeFTUQ?si=Sy41Rm-fk_w_4RLP

Man "Latte omili" kitobini o'qing deb hatto yalinib yurimman.

Moliyaviy savodxonlik bugun o'zbek millatini TOP 3 muammolaridan biri.

#dard
@allaevuzb

Mavzuni davom ettirsak, romantiklar va ayrim gumanitarlar baxt pulda emas deb aytishadi.

Pul hayotdagi eng muhim narsa bo‘lmasa-da, usiz chinakam va uzoq muddatli baxtga erishib bo‘lmaydi. Moliyaviy ahvolingizni tartibga solishga harakat qiling. Pulni qanday topishdan tashqari, qanday ishlatishni, qanday asrashni va koʻpaytirishni ham oʻrganing.

Bu hayotdagi eng muhim koʻnikmalardan biridir.

#pul
@allaevuzb

Farzandlarim o’zbek tilini tushunmaydi. Boshqa davlatda yashasak ham ular o’zbek tilini bilishi muhim deb o’ylayman. O’zbekistonga kelganimizda ota-onam nevaralari bilan suhbatlashishda juda qiynalishadi- deydi Qo’shtirnoq podkastda Kanadada yashaydigan Farhod Fayzullayev.

Suhbatni to’liq ko’rmoqchi bo’lganlar uchun: https://youtu.be/uKHSjpH9v0s


#podcast
@allaevuzb

Yozuvchi Den Braun Robert Lengdon seriyasida yangi kitobini e'lon qildi.
Kitob premyerasi 9-sentyabr kuni yaʼni 09.09.2025ga koʻzlangan.

#kitob
@allaevuzb