Ilon Mask: Xitoy hech qachon bizni texnologiyalarni koʻchirolmaydi.

Xitoy:


#hazil
@allaevuzb

"Яхши йигит синдроми" одатда болалик даврида олинган тажрибалардан келиб чиқади. Кўпинча, бундай синдромни бошдан кечирган шахслар, ота-оналаридан ёки жамиятдан мукофот олиш ёки қабул қилиниш учун доимо мукаммал бўлишга мажбур бўлиб қолган. Бу шахслар ўзларини бошқалар учун яхшилик қилишга ва уларга ёрдам беришга қаратишади, лекин ўз эҳтиёжларини эътиборга олишни унутишади.

Тўлиқ видео учун ҳавола:
https://youtu.be/uqY6qmiyqL8?si=itT1srKquxluX3xP

Оксфорддаги Ўзбекистонга оид хазиналар

Ўзбекистондаги Ислом цивилизацияси маркази директори бошчилигидаги делегация Оксфорд Ислом тадқиқотлари марказига ташриф буюрибди.

Оксфорд ислом тадқиқотлари марказига Катта Лангар Қуръони факсимилеси, шунингдек, “Ўзбекистон маданий мероси дунё тўпламларида” туркумидаги китоб-альбомлар совға қилинган.

Шундан сўнг Ўзбекистон делегацияси вакиллари дунёнинг энг қадимий кутубхоналаридан бири бўлган Оксфорддаги Бодлеан кутубхонасига ташриф буюришди ва у ерда Ўзбекистонга оид нодир қўлёзмалар билан танишишган.

"Ўзбекистон буюк алломалар, шоир ва мутафаккирлар юрти, – дейди Бодлеан кутубхонаси Шарқ қўлёзмалари бўлими куратори Николас Контовас. — Жумладан, Алишер Навоийнинг ҳаётлиги даврида кўчирилган қўлёзмалари кутубхонамиз фондининг нодир жавоҳирларидан саналади. Бундай бебаҳо асарларни бемалол бутун инсониятнинг хазинаси дейиш мумкин".

Кутубхонада ўзбекистонлик олимлар Ўзбекистон маданий меросига оид ўндан ортиқ қўлёзмалар билан танишдилар. Айниқса, Алишер Навоийнинг «Хамса» қўлёзмаси катта тассурот қолдирди. Мирзо Улуғбекнинг "Зижи Кўрагоний" асари ҳам ўзига хос тарихга эга. Уни салкам уч аср илгари оксфордлик олим Жон Гейвс сотиб олган ва китоб ҳошиясида зарҳал қайдлар киритган. Китоб саҳифаларида усмонли турк тилидаги битиклар ҳам учрайди.

@allaevuzb

Bitcoin narxi tarixda birinchi marta 103 000 USDdan o'tdi.
Bu kriptovalyuta uchun absolyut rekord.

#crypto
@allaevuzb

So'nggi kunlarda Temu va Pindoudou kabi Xitoy marketpleyslarini soliqqa tortish haqida chaqiruvlar ko'paydi. Ular O'zbekiston hududida hech qanday soliq to'lamasdan O'zbekiston fuqarolariga sotishayotganligi sabab qilib ko'rsatilmoqda. Ular O'zbekistonda ofis ochishmas ekan, biz ularni soliq to'lashga majburlay olmaymiz.

Aslida, vaziyat sal murakkabroq, kompaniyalarni soliqqa tortish oson emas. Hozir kunga qadar O'zbekiston foqarolari xalqaro xaridlari Prezidentning 2018-yil 6-fevraldagi “Jismoniy shaxslar tomonidan bojxona chegarasi orqali tovarlarni olib o‘tilishini yanada tartibga solish chora-tadbirlari to‘g‘risida” PQ-3512-son qaroriga muvofiq tartibga solinadi. Unga ko'ra bir fuqaro xalqaro kuryerlik jo‘natmalari orqali bir kalendar chorak mobaynida 1000 dollar qiymatidagi tovarlarni bojsiz qabul qilib olishi mumkin. Bu uning huquqi.

Endi fuqaro Temudan xarid qiladimi, Amazondanmi, Wildberriesdanmi, buni cheklab bo'lmaydi. Masalan, Aliexpressdan O'zbekistonliklar 15 yildan beri xarid qilishadi va shu vaqtgacha Aliexpressni soliqqa tortish mavzusi ko'tarilmagan edi. Agar shunaqa qonun qabul qilingan taqdirda ham, hamma marketpleyslarga, shu jumladan rus marketpleyslariga ham birdek joriy qilinishi kerak bo'ladi. Lekin, fuqaroga uning qaror bilan kafolatlangan huquqi qanday rad etiladi? Xarid qilish ta'qiqlangan marketpleyslar ro'yxati shakllanadimi yoki qaysidir marketpleyslarni O'zbekiston hududida bloklab qo'yamizmi?

Xullas, hozirgi amaldagi Prezident qarori bo'yicha fuqarolar bemalol bir kvartalda 1000 dollargacha kuryerlik xizmatlari orqali mahsulot olishlari mumkin. Buni cheklash fuqaroga qo'shimcha soliq solish, uni yana bir iste'mol huquqiga daxl bo'lishi mumkin.


#marketpleys
@allaevuzb

Bir kitobda qiziqarli ma’lumotga duch keldim. SSSRda 1917-yildan oldin partiyaga qo‘shilgan bolsheviklarning uchdan biri Qatag‘on davrida qatl etildi. 1919-yildan 1938-yilgacha Politbyuroda oʻtirgan 33ta erkakdan 14tasi (42 foiz) otib tashlangan. 1934-yilda saylangan markaziy komitetning 139ta a’zosidan 98tasi (70 %) o‘limga hukm qilingan. 1934-yildagi XVII syezdda qatnashgan delegatlarning faqat 2 foizigina 1939-yilgi XVIII syezdda qatnashishadi. Qolgani otib tashlangan yoki surgun qilingan. Bular uchun NKVD aybdor. Lekin, kuchishlatar tizimlarda vaziyat bundan ham ogʻir boʻlgan. Qatagʻonni boshlagan va yuz minglab insonlarning o‘limiga bosh qosh boʻlgan NKVD raisi Genrix Yagoda 1936chi yil ishdan olinadi va 1938chi yil qatl etiladi. Oʻrniga Nikolay Yejov keladi. U millionlab insonlar qatli va qamalishiga bosh qosh boʻladi. Oʻzi ham ishdan olinib 1940-yil qatl etiladi. 1935-yilda NKVDda ishlagan 39ta generaldan 1941-yilda 35tasi qatl etilgan edi, birini o‘ldirib ketishgan va bir nafari Yaponiyaga qochib ketadi. U ham keyinchalik Yaponlar tomonidan oʻldiriladi. 39 generaldan faqat 2tasi ikkinchi jahon urushi yakuniga tirik qolishadi. Lekin, ular ham qutilib qolishmaydi. Biri 1953-yil qatl etiladi, boshqa biri jinnixonaga qamalib, u yerda 1960-yil olamdan oʻtadi. Stalin davrida NKVD generali boʻlish dunyoda eng xavfli kasb edi.

Koʻrib turganingizdek, insonlar oʻzlari yaratgan, qoʻllab quvvatlagan va rivojlantirgan tizimning oʻzlari ham qurbonlari edi.

#tarix
@allaevuzb

— Нега бизда «ужас» жанридаги кинолар олинмайди?
— Қўрқса керакда одамлар...

Плоссподкастда меҳмон бўлган Расул Каримов (Расул 24) нима учун Ўзбекистонда «ужас» жанридаги кинолар олинмаслиги сабабларига ўз услубида жавоб берибди. Албатта у ерда ҳазилдан ташқари яхши фикрлар ҳам берилган.

Хуллас ўтириб бир нафасда кўрворадиган подкаст бўлган

Подкастга линк: https://www.youtube.com/watch?v=ozeyaymM2oo

Oxirgi vaqtda "mentor" masalasi modaga kirdi. Qaysi biznes trenerni qarama, oʻzingga mentor top degan fikrni aytmoqda.
Doʻstlar, biz murakkab zamonda yashaymiz. Bir kishi hamma masalada aqlli boʻlolmaydi. Kimdir oila masalasida kuchli, kimdir biznesda, kimdir taʼlimda, kimdir sogʻliq masalasida, kimdir shaxsiy rivojlanish masalasida, yana kimdir qonunchilik, boshqa bir kishi turar joy masalasida. Xullas, bir kishi mentor boʻlib sizning hayotingizni toʻgʻrilab berolmaydi. Undan koʻra tadbirkor, yurist, psixolog, shifokor, sport murabbiyi, oʻqituvchi, domla va boshqa sohalarda professional tanishlar boʻlgani yaxshiroq. Siz vaziyatga qarab ulardan maslahat soʻrab, oʻzingiz uchun yoʻl ochib olasiz.

Lekin, kimdir mentor boʻlib sizga hayot strategiyasini tuzib berishini kutmang. Oʻqing, oʻrganing, koʻproq doʻst orttiring, oʻzingizga koʻproq savol bering va oʻzingiz uchun maqsadni, strategiyani oʻzingiz toping.

Oʻta shaxsiy fikrim, "mentor toping" degan gap navbatdagi trend va bu unchalik ham toʻgʻri emas.

#hayot
@allaevuzb

Yil bestsellerlarini e'lon qilib boshlaymiz. Ro'yxatdan O'zbekiston bo'ylab yil davomida eng ko'p sotilgan 20 kitob o'rin olgan.

Asaxiy Books bestsellerlari 2024!

🏆 20-o’rin: “Yalang‘och iqtisodiyot” - Charlz Uilan

https://asaxiy.uz/product/charlz-uilan-yalangoch-iktisodiet

#bestseller
@allaevuzb

Чўлпон чет элдаги жадидлар учун идеал шахс эди

Жадидларнинг ҳаёти қандай мудхиш якунланганини биламиз лекин улар фаол вақтда қандай ишлар қилгани, уларнинг ўзаро муносабати, баҳслари етарлича ёритилмайди. Қурултойнинг навбатдаги сони айнан шу мавзуга бағишланибди.

Томоша қилинг:

https://youtu.be/fE_6ZFuGVSk?si=5mGYu5l0M78jIRor

O'zbekiston pasporti Visa Passport Index 2024 reytingida 125chi o'rinni oldi.
O'zbekiston fuqarolari 32ta mamlakatga vizasiz tashrif buyurishlari mumkin, 33ta mamlakatda bo'lsa viza aeroportga yoki chegaraga kelganda beriladi. 27 mamlakatga oldindan ariza qilib elektron viza olsa bo'ladi.
Pasportlar bo'yicha reytingda Markaziy Osiyoda Qozog'istondan keyin ikkinchi o'rinni olganmiz.

Reytingda birinchi o'rinni Singapur olgan bo'lsa, oxirgi 199-o'rinni Somali olgan. Singapur fuqarolari o'z pasportlari bilan 160ta davlatga vizasiz borishlari mumkin.

O'zbekiston fuqarolariga so'nggi yillarda BAA, Qatar, Oman, Mo'g'uliston, Eron, Tayland va Xitoy kabi mamlakatlar viza talabini bekor qilishdi.

#viza
@allaevuzb

Asaxiy Books bestsellerlari 2024!

🏆 19-o’rin: “Bir kun” - Devid Nikolls
asaxiy.uz/u/bir_kun

#bestseller2024
@allaevuzb

Keyingi yildan "Work and travel" (Ishla va sayohat qil) dasturi asosida chet elga ketadigan yoshlarning yo'lkira xarajatlariga ssuda ajratiladigan tizim joriy qilinar ekan. Ssuda Yoshlar ishlari agentligi orqali ajratiladi.
Bu haqida Prezident tomonidan e'lon qilingan.

#yengillik
@allaevuzb

Jiddiy kitoblarga jiddiy chegirma!

Bayram Asaxiy Booksdan chegirmasiz bo'lmaydi, albatta.

Jiddiy mavzularda jiddiy uchta kitobni bugun va erta chegirma narxda xarid qiling:

Havoladan o‘tib buyurtma bering 👉 asaxiy.uz/u/jiddiy_chegirma

P.S. to‘plam Oʻzbekiston bo‘ylab bepul yetkaziladi

#chegirma
@allaevuzb

2000 йилларда Сомали балиқчилари иқтисодий инқироз ва фуқаролар уруши шароитида қийин аҳволда яшашган. Уларнинг кўплари ўзларига керакли балиқ ресурсларини олиш учун хавфли ҳудудларга чиқишга мажбур бўлишган. Ўшанда Сомали қирғоқларида ноқонуний балиқ овлаш ва пиратлик фаолияти кучайган, бу эса маҳаллий балиқчиларни ўз меҳнатига хавф солган. Шунга қарамай, кўплаб балиқчилар ҳали ҳам анъанавий усуллар билан балиқ овлашни давом эттирган.

Тўлиқ видео учун ҳавола:
https://youtu.be/S5NelGlUWk0?si=dw_jWXK4Vn8YqcQ-

Notre Dame De Paris ibodatxonasi qayta tiklanib, kecha ochilish marosimi bo'ldi. Ibodatxona kuchli yong'in sabab yonib ketgan edi.

Parij boradigan do'stlarimizga zametkaga.


#turizm
@allaevuzb

Bugun Konstitutsiya kuni. Chiroyli tabrik yoki so‘zlar yetarlicha aytildi. Biroz konstitutsiya nimaligi va nimaga kerakligi haqida "palsapa" qilamiz.

Har bir davlat fuqarolarning o‘zaro kelishuviga asoslanadi. Ushbu kelishuv biror joyda qayd etilishi va davlat ichida tartib va taraqqiyot bo‘lishi uchun asos bo‘lib ishlashi kerak. Biz bu kelishuvni XXI asrda “Konstitutsiya” deb ataymiz. Bu hujjat — qog‘ozga yozilgan kelishuv yoki tamoyillar yig‘indisidan ko‘proq narsa. U xalqning “umumiy kelishilgan hayot yo‘li” bo‘lib, har bir fuqaro uning asosida harakat qilish majburiyatini oladi. Yanada aniq aytsa, konstitutsiya mamlakatda hayot qanaqa bo‘lishi haqida o‘sha mamlakatda yashovchi fuqarolarning yoki siyosiy elitaning umumiy kelishuvidir. Konstitutsiya bir mamlakat ichida yaxlit, tartibli va barqaror tizimni yaratish imkonini beradigan asosiy hujjatdir.

Tasavvur qiling, bitta choyxona ochdik. Choyxona qoidasi oddiy: kimdir choy ichadi, kimdir kofe. Lekin birdaniga “choychilar” va “kofechilar” orasida katta janjal chiqib ketsa nima qilamiz? Ana shunda Konstitutsiya kabi qoidalar kelib, hammani tinchlantiradi. U sizga “Har kim istagan ichimligini ichsin, faqat boshqalariga xalaqit bermasligi kerak”, deydi. Konstitutsiya bizning jamiyatdagi katta choyxonaning qoidalar kitobi, xolos. Lekin unda yozilgan narsalar barchamiz uchun muhim va majburiy.

Falsafiy tomondan qarasak, odamlar nafaqat tabiiy instinktlar asosida, balki o‘zlari yaratgan, umumiy jamiyatda tartib va farovonlikni kafolatlaydigan konstruksiyalarga ko‘ra ham yashaydi. Konstitutsiya zamonaviy dunyoda ana shunday konstruksiyalarning asosidir.

Tarixan insoniyat ozodlik va nazorat o‘rtasida muvozanat izlab yashagan. Konstitutsiya bu muvozanatni ta’minlovchi bir hududdagi umumiy hujjatlarning asosidir. U bir tomondan umumiy tartib va taraqqiyot uchun hammaga majburiyat yuklasa, bir tomondan o‘sha jamiyatdagi fuqaroga erkinlik va huquqlarni kafolatlaydi. U hokimiyatning imkoniyatlarini va chegaralarini belgilaydi, shu bilan birga, fuqarolarning ham huquqlarini himoya qiladi, chegaralarini (majburiyatlarini) belgilab beradi.

Konstitutsiya shunday deydi: “Davlat, sen hokimiyatni qachon istasang shunaqa ishlata olmaysan! Fuqaro, sen istagan narsani qilolmaysan, konstitutsiya asosida shakllangan qonunlar senga mana bu majburiyatlarni yuklaydi. U majburiyatlarni sendan davlat talab qiladi!"

Tasavvur qilaylik, bir amaki sizdan so‘radi: “Konstitutsiya oddiy qog‘oz-ku. Nimaga bunchalik ahamiyat beryapsan?". Ha, to‘g‘ri, u oddiy qog‘oz. Lekin bu qog‘ozda yozilgan narsalarga ishonmasak, amal qilmasak nima bo‘ladi? Har kim “qonunlar kerakmas!” desa, sizning choyxonadagi choychilar va kofexo‘rlar tortishuvi jiddiy jangga aylanishi va umuman choyxonaning kelajagiga xavf solishi mumkin.

Konstitutsiya xuddi futbol qoidalari kabi. Agar hech kim qo‘l bilan o‘ynashni taqiqlovchi qoidaga rioya qilmasa, futbol emas, to‘polon bo‘ladi. Odamlar o‘zaro kelishgan qoidalarga ishonishgani uchun o‘yin o‘yinga aylanadi. Konstitutsiya ham shunday: u mamlakat fuqarolari "hayot o‘yini”dagi asosiy qoidalardir.

Konstitutsiyaviy davlatlar har bir fuqaroga teng imkoniyatlarni, undan tashqari turli xil huquqlarni kafolatlashni va’da qiladi.  Bu va’dalar ba’zan ishlaydi, ba’zan ishlamaydi.  Hali amalda ishlab ulgurmagan joyda, konstitutsiya fuqarolarga maqsadga eltuvchi yo‘l yoki "harakatlar strategiyasi" bo‘lib berishi mumkin.  Bu — rivojlanishning asosiy mexanizmidir. Yanada aniqroq aytsak, konstitutsiya mamlakat qanaqaligini emas, o‘sha mamlakat "orzuda" qanaqa bo‘lishini anglatishi mumkin. 
Shu uchun ham "orzudagi O‘zbekiston" "konstitutsiyadagi O‘zbekiston" deb aytish mumkin.

Xullas, Konstitutsiya 8-dekabr kuni eslanadigan oddiy qog‘oz kitob emas. U xalqni birlashtiruvchi “jamoaviy kelishuv”. Ba’zan biz uni tushunamiz, ba’zan esa yo‘q. Lekin u bizning choyxonamiz, davlatimiz va hayotimizni tartibda saqlash uchun asosiy hujjatdir.

#mulohaza
@allaevuzb

Kun surati.
Damashqda qulatilgan Hofiz Al-Assad haykali.


Shu bilan Al-Assadlarning 53 yillik diktaturasi tugadi.

#siyosat
@allaevuzb

Америка ҳам глобал ўйинчи, уни фаришта қилиб кўрсатмаслигимиз керак. Уни ҳам манфаати бор ва бу манфаати йўлида ҳеч нарсадан қайтмайди.

Қўштирноқ подкастда дўстларимиз Элдор Асанов, Нозим Сафари ва Баҳодир Аҳмедовлар билан Трампнинг ҳокимиятга қайтиши ҳақида суҳбат бўлибди.

🔗https://youtu.be/pTwa76V0F80