Yuqorida aytganimdek, bugun Nyu-Yorkda Prezidentimiz AQSHning eng nufuzli universitetlarida taʼlim olayotgan "El-yurt" umidi jamg'armasi stipendiatlari va bir guruh vatandoshlarimiz hamda talaba-yoshlar bilan ochiq muloqot o'tkazdilar. Muloqotda vatandoshlarimiz davlatimiz rahbariga o'z takliflarini, fikr va mulohazalarini bildirishdi.

Shuningdek, Prezidentimiz o‘z nutqlarida AQSHda va boshqa chet davlatlarda O‘zbekiston imiji, o‘zbek xalqi obro‘sini yuksaltirishda munosib hissa qo‘shayotgan ko'plab yigit-qizlarimiz nomlarini alohida hurmat va minnatdorlik bilan qayd etdilar.

Undan tashqari davlatimiz rahbari xorijda vatandoshlarning jamoat birlashmalari qoshida “o‘zbek tili kurslari” tashkil etilishi hamda O‘zbekistonning tarixiy shaharlariga “Vatandoshlar” fondi orqali tashkiliy tartibda maxsus sayohatlar dasturi hamda chegirmalar paketi ishlab chiqilishi haqida xabar berdilar.

Uchrashuvga yig'ilgan yoshlarimiz O‘zbekiston hukumatining xorijda yashayotgan yurtdoshlarga qaratayotgan e'tibori uchun minnatdorlik bildirib, ular O‘zbekistonni har tomonlama rivojlantirishga hissa qo‘shishga tayyor ekanliklarini ham alohida ta'kidlashdi.

#Mirziyoyev #uchrashuv #vatandoshlar #Elyurtumidi #yoshlar

@alisher_sadullaev