Avtomobil arzon, lekin unga xizmat körsatiş qimmat bölişi kerak.

Yöllardagi tirbandlikni bartaraf etiş, atmosfera havosi ifloslanişini oldini oliş, ekologiyani asraş uçun jamoat transportidan foydalanişni qulay, tartibli va arzon qilib, xususiy transportlarga ayrim xizmatlarni qimmatroq qiliş kerak.

@alisherQodir

50 ming söming bölmasa, taksidan foydalanma!
Ijara sarpo bilan, qarzga botib töy qilma!
Xarajatiga çidamasang, maşina olma!

Atrofining eʼtirofi uçun, tiyinda yiğib tonnada soçadigan, imkoniyatlari havaslarining oyoği ostida xor bölayotgan xalq bölib qoldik.

Topganimizga mutanosib yaşaşni, borimizdek bölişni, kimlarnidir kamçiligi yoki maqtovini emas, özimizni rivojlantiriş yöllarini izlasak, imkoniyatlarimiz, pirovardida davlatimiz imkoniyatlari kengayadi, yaxşiroq yaşaymiz!

“Shopir_aka”ga yaraga tuz sepgani va ajoyib karikatura uchun rahmat!

@alisherQodir

Takrorlaşda çarçamaymiz: boğça va maktablarda bağrikeng va muvozanatli insonlar işlaşi şart!

Buning uçun pedagogika oliygohlariga qabul qilişning avvalgi şarti psixologik suhbat va test bölişi, tarbiyaçi va öqituvçilar nafaqa yoşini pastroq, mehnat ta’tilini uzunroq qiliş va mehnat şaroitlarini yaxşilaş böyiça işlarni davom ettirişimiz zarur.

Şu bilan birga, Maktabgaça va maktab ta’limi vazirligi murosasozlik kayfiyatidan keçib, sohaga tasodifan kirib qolgan, pedagogik qobiliyati yöq, bilimsiz va betoqat xodimlaridan, avlodlarga tuzatib bölmas zararni köpaytirmasdan, ayovsiz voz keçişi kerak!

Zöravon va beşafqat ota-ona, tarbiyaçi yoki öqituvçilar betafakkur, betoqat, egoist va agressiv jamiyatni asosçilari ekanligini unutmaylik!

@alisherQodir

Mening norasmiy munosabatim…

Rossiya Markaziy Osiyo bilan konstruktiv munosabatlarga majbur, boşqa yöli yöq. Lekin sovet davri soğinçini eplaş oson bölmayapti, ataylab yoki bilmasdan norasmiy davralar buni körsatib qöymoqda.

Ğarbning tarqoq, qörqoq va xudbin siyosatini qöl kelişidan umidvor bölgan Rossiya, Ukrainadagi muvaffaqiyat orqali sovet maqsadini rasmiy siyosatga aylantirmoqçi edi, bölmadi, lekin ikkilamçi maqsadiga erişdi - Ğarbga hamkor sifatida işonç keskin zaiflaşdi.

Şu bilan birga, Rossiyaning asl maqsadi ham oçiq-oydin örtaga çiqib qoldi, endi rus ertaklarini hamma öz tiliga tarjima qilib öqiydigan böldi.

Bundan keyin Rossiya Markaziy Osiyoga olaqaraş qila olmaydi, çunki Turkiya va Xitoy Ğarbdek subutsiz emas. Buni Qozoğistonda amalda kördik…

Rus “perepyolka”lari esa, xomxayol bilan Ukrainada bölganidek rusparastlardan umidvor bölayotgan bölişi mumkin, lekin işoning, Ukraina voqealari bundaylarni ham sonini deyarli yöqqa çiqardi.

Menimça, rus jamoatçiligida ortib borayotgan bosqinçi-şovinistik, norasmiy çiqişlariga çalğimasligimiz, barça imkoniyatlarni işonçli hamkorlar bilan iqtisodiy va maʼnaviy qudratimizni oşirişga qaratişimiz kerak!

Özbekiston uçun işonçli böliş, rasmiy Rossiyaning muhim maqsadi ekanligiga şubha qilmayman, biz ham tabiiy hamkorimiz hisoblangan Rossiyaga işonçni kamayişidan yutmaymiz, lekin norasmiy bölsa ham, rus jamoatçiligida ortib borayotgan betoqat şovinistik kayfiyat davlatlarimiz orasidagi özaro işonçni asl maqsadlarimizga uyğun bölmagan masofaga uzoqlaştirayotganini ham rad etib bölmaydi.

Partiyaning “Siyosat maydoni” loyihasi kutilgan natijani berdi.

Yangi avlod siyosat ilmini bilişi, tuşunişi va u orqali maqsadiga erişişni örganişi juda muhim.

Yuridika, Diplomatiya, Jurnalistika, Milliy, Şarqşunoslik universitetlari va Xalqaro Islom Akademiyasining yoş siyosatçilar klublari loyihada faol iştirok etdilar.

Zilola Ahmedova, Otabek Xolmurodov, Zikr Muhammadov va Nargiza Nazaraliyevalar alohida nominatsiyalarda muvaffaqiyatga erişdilar.

Ğoliblarning bir yillik kontrakt mablağlari tölab beriladi.

Siyosat bilimdonlari Muqimjon Qirğizboyev, Farhod Tolipov, Kamoliddin Rabbimov, Baxtiyor Omon va Ibrohimjon Jöraboyevlarga fidoyilik bilan loyihaning muvaffaqiyatiga qöşgan hissalari uçun, alohida minnatdorçilik bildirmoqçiman.

@alisherQodir

Prezident taşabbuslarini olqişlaymiz!

Şu bilan birga,

Davlat tili böyiça siyosat qonun yoki siyosiy maydonlarda emas, boğça, maktab va bolalarga bağişlangan tadbir va kitoblarda boy berilmoqda.

Til millatni özligi bilan boğlovçi ildizdir. İldizi quritilgan daraxt arçadek bezak yoki tafakkur qiladiganlarga isiniş uçun ötin böladi.

2-6 yoşdagi bolalar ona tilida gaplaşayotganidan zavqlansin, qolgan tillarni keyin ham mukammal darajada örganib oliş imkoniyatiga ega böladi.

Boğça, maktab, bolalar tadbirlari va kitoblarida özbek tilini mutlaq ustunligi taminlanişi zarur.

Partiyada mavzuni muhokamaga tayyorlayapmiz.

@alisherQodir

2024 yil - fidoyi xalqimiz va yagona Özbekistonimiz uçun xotirjamlik va huzur, muvaffaqiyatlar va taraqqiyot yili bölsin.

@alisherQodir

Hukumat kiritgan qonun loyihasini tanqid qildik: mulk qiymati faqat buzilayotganida emas, soliqqa tortilayotganida ham, bir xil bölişi kerak emasmi?

Hokimiyatni fuqarolarga nisbatan mehribon bölişi juda yaxşi, lekin fuqarolar ham hokimiyatga nisbatan adolatli bölişi kerak.

Faqat qudratli davlatning fuqarolari farovon bölişi mumkin.

@alisherQodir

Ta’lim-tarbiya tizimi doimo muhokama qilinişi kerak.

Xuşnudbek blogida juda mazmunli tahlil bölibdi.

PİSA kabi tadqiqotlar kamçiliklarni körsatib bergani juda yaxşi, lekin bu kamçiliklarni tizimli yeçiş uçun vazirlik qisqa va uzoq davrga möljallangan, oğriqli islohatlarga jur’at qilişi kerak.

Masalan, qisqa vaqtda boğça va maktablarni malakali tarbiyaçi va öqituvçilar bilan ta’minlaşga qaratilgan 5-7 yillik, tezlaştirilgan kadrlar tayyorlaş dasturi qabul qilinişi lozim. Özbekistonda ta’lim-tarbiya tizimini yangiça fikrlaydigan pedagoglar korpusi qutqaradi.

Har qanday mukammal öqitiş metodikalari bilim olişga ehtiyoj, fikrlaş va qaror qabul qiliş qobiliyatini oila va boğçada yöqotayotgan öquvçilar, tasodifan yoki zarurat sababli sohada işlab yurgan pedagoglar va topşiriqsiz taşabbus qilolmaydigan tizim boşqaruvi tomonidan yöqqa çiqarilaveradi.

E’tibor qaratilişi şart bölgan muhim jihat - ta’lim-tarbiyada har qanday zamonaviy qaraşlar özligimizni rad etmasligi, qadriyatlarimizga uyğunlaştirilişi şart.

Özbekistonda rus tilida berilayotgan ta’limning sifati, özbek tilida berilayotgan ta’lim sifatidan yaxşiroq ekanligiga juda jiddiy e’tibor qaratilişi lozim.

Ilm uçun tilni farqi yöq, bilaman, lekin tarbiya va ta’limning boşlanğiç davridagi begona til - milliy özlik va davlatçilik nuqtai-nazaridan juda jiddiy xavf!

Tasavvur qiling, minglab yillik davlatçilik tajribasi bölgan özbek xalqining bugungi kunda özining ilm yoki qonun tili yöq!

@alisherQodir

Bugun Milliy terma jamoamiz 🇺🇿 Osiyo kubogida iştirokini boşlaydi.

Futbolimiz bunday musobaqalarni Jahon chempionatiga tayyorgarlik jarayonidek baholaydigan darajada ulğayişi kerak. Yaxşi natija - nur ustiga a’lo nur, yakuniy natija tegişli xulosalar uçun asos böladi xolos.

Vatan jamoasi - doimo birlaştiruvçi kuç, natija qanday bölişidan qat’iy nazar, doimo yoningizdamiz!

☝️nega bu foto?
Menimça, termamiz Jahon çempionatida şu ranglarda öynaşi kerak. Bu bayroğimizning rangi!

@alisherQodir

Vatan ne’mat, unga sadoqat qudratdir!

Azmu şijoatli Özbekiston harbiylari – Vatanimiz posbonlariga şon-şaraflar bölsin!

@alisherQodir

Partiya harbiy musiqiy kompozitsiyalar va videoroliklar tanlovi e’lon qiladi.

Harbiylarimizning jangovar ruhini aks ettiradigan kompozitsiyalar kerak.

İştirok eting va mukofotingizni oling.

@alisherQodir

Huquqni muhofaza qiliş vazifasi bölgan xizmatçini siz noqonuniy deb hisoblaydigan harakatini tasvirga olgan bölsangiz, uni şikoyat qiling, hukm öqimang!

Siz hali buni huquqbuzarlikmi yöqmi, aniq bilmaysiz!

Unutmang, tartibni saqlaş uçun kuç işlatiş zarurati qonunda belgilangan.

Erkin ma’lumot oliş va tarqatiş huquqi töğri deb öylaganingizni suruştirmasdan tarqatiş degani emas.

Qölida telefoni va biroz jur’ati bölgan fuqaro yoki bloger butun xalq bölmaganidek, bilimi yöq bitta xodim ham butun tizim degani emas.

Har birimiz uçun zarurat - tartibni saqlaş bilan şuğullanişi kerak bölgan tizimni obrösizlantiriş pirovardida har birimizga qimmatga tuşadigan tartibsizlikka olib kelişi mumkin.

Vatanparvar, xalqparvar fuqaro, xato qilgan yoki qonunni buzgan xizmatçisini jazolaş uçun jahonga jar solmaydi, belgilangan joyga şikoyat qiladi.

Milliy tiklanişning senatorlaridan köngil töq, qolgan senatorlar stress testdan ötişmoqda…

@alisherQodir

Qadimgi turkiy millatlar, jumladan, ularning eng mustahkam qöllaridan biri qarluqning boşi - özbeklarning 3 ming yillik davlatçiligini oddiy inson bilmasligi mumkin, lekin tarixçiman degani bilmasa, bunday ilmsiz tarixçini eʼtiborsiz qoldiriş kerak.

Albatta, 3 ming yilning yetarliça töğri va yanglişlari bölgan.

Şu yanglişlarning eng kattasi, fikrimça, qudratga töla davrida Timurni Moskoviyaning ustidan emas yonidan ötib ketgani bölsa kerak. Ustidan ötib ketganida, qayerdan kelganimizni muhokama qiliş darajasida aqlsizlik qilişmagan bölar edi…

Davlatçilik tajribamizning muhim xulosasi - el bölmasdan özimiz bilan özimiz tortişaversak, yana zöravonga qul bölamiz!

@alisherQodir

Rasmiy rus tomoni şovinistlarni “ğalati” çiqişlarini taʼkidlaşdan nariga ötmayapti. Bu ularni bunday ritorikadan manfaatdor degan taassurot uyğotadi.

Sönggi vaqtlarda rus tilida şovinistik bayonotlardan boşqa narsa eşitmayapmiz…

Bu holatda munosabatlar öz yöliga, amaliy çoralar haqida öylaşimiz kerak.

Masalan, 3 foizga ham bormaydigan rus vatandoşlar uçun taʼlim va televideniyada rus tili nomutanosib darajada köp! Bu nomutanosiblik tuzatilişi kerak.

Birinçidan, Özbekistonda boşlanğiç taʼlimni ona tilida öqitilişi böyiça norma qonunga kiritilişi mumkin.

Ikkinçidan, qozoq, ozar, qirğiz, turkman, turk va tojik qardoşlar bilan telekörsatuvlar almaşişni yölga qöyaylik.

Fraksiyaning yaqin majlislarida bu masalalarni muhokama qilmoqçimiz.

@alisherQodir

Saylovçilarim bilan samimiy suhbatlaşdik.

Barça bir fikrda: bir bölsak, el bölsak har qanday muammoni yengamiz!

@alisherQodir

Bölar elning bolasi
bir-birin deydi,
Ölar elning bolasi
bir-birin yeydi…

Bugun hoqonlar, xonlar va raislarning qatorida özbeklarga birinçi bölib, Prezidentlik qilgan Islom Karimov tuğilgan kun.

Davlat va millat uçun qilingan eng kiçik xizmat ham unutilmasligi kerak.

Yaxşiliklarni unutmaydigan, ötganlarimizni ta’na-tahqir emas xulosa uçun örganadigan, özaro qança tortişsak ham, taşqarida bir-birini qöllaydigan millat ekanligimizni unutmaylik.

Şimoldan me’ros sotqinlik va ğarbdan yuqayotgan hadsizlikdan millatimizga baraka bölmagan, bölmaydi ham.

Alloh ötgan millatparvarlarimizni rahmat, qolganlarini salomat qilsin.

@alisherQodir