Konstitutsiyaga oʻzgartish va qoʻshimchalar kiritish emas, yangi Konstitutsiya haqida gap ketmoqda. Yangi 27 ta modda va 159 ta norma qoʻshilayapti. Amaldagi Konstitutsiya 65 foizga oʻzgarmoqda.

Birgina modda haqida…

47-moddada, maktabgacha taʼlim va tarbiya, umumiy oʻrta taʼlim davlat nazoratidadir, degan norma kiritildi. Avvalgi Konstitutsiyaviy normada faqat maktab ishlari davlat nazoratida edi.

Bu yosh avlodni 18 yoshgacha, yaʼni bogʻcha va maktab davri davlatning kafolatli nazoratida boʻlishini anglatadi.

Oila, bogʻcha va maktabda tarbiya va taʼlim masalasida qarash va amal uygʻunligi taʼminlansa, aqlli, erkin tafakkurli, oʻziga va atrofiga masʼuliyatli yangi avlodni shakllanishi uzoq kuttirmaydi.

52-moddada oʻqituvchining shaʼni va qadr-qimmatini, ularni ijtimoiy va moddiy farovonligini himoya qilish toʻgʻrisida norma kiritilmoqda.

Bu juda toʻgʻri norma, faqat maqsad va amal uygʻunligiga erishish uchun normani 47-moddaning maqsadiga uygʻunlashtirish, yaʼni “oʻqituvchi” soʻzini “tarbiyachi va oʻqituvchilar” so’ziga oʻzgartirib, gʻamxoʻr munosabatni bogʻcha tarbiyachilariga ham koʻrsatish kerak.

Zamonaviy pedagogik xulosaga koʻra, 7 yoshgacha bola umri davomida ustuvorlik beradigan qarashlarining 65-70 foizini shakllantirib boʻlishini hisobga olsak, bogʻchada yoʻl qoʻyilgan xatolarni maktab tuzata olmasligi mumkin.

Oʻzbekistonni kelajagi soʻzsiz maʼnan barkamol va vatanparvar yoshlarimizga bogʻliq!

@alisherQodir

Ayollar bir kun emas, har kuni qadrlanishi kerak.

Qadrimiz, qadriyatlarimiz va qadrlilarimizni asrashni o’rganaylik.

@alisherQodir

Partiyalarni samarali faollashtirish uchun berilgan taklifga Davlat rahbari tomonidan tizimli yechim taklif qilindi.

Nomzodga emas partiyaga ovoz beradigan proporsional shakldagi saylov tizimi sohalardan umidli mutaxassislarni qonun ijodkorligi malakasi, qonun ustuvorligi koʻnikmasi va siyosiy tafakkurini shakllantirib ijro hokimiyatiga oʻtkazib boradi.

Xalq qoʻllab-quvvatlagan partiyaning gʻoyalari bosqichma-bosqich ijroga koʻchadi.

Konstitutsiyaviy islohotlar mamlakatimizni shu vaqtgacha erishilmagan barqaror, samarali va albatta xalqchil boshqaruv tizimini shakllanishiga olib kelishi kerak.

@alisherQodir

Manfaatlarimizning ustuvorligini baland ovozda aytadigan davrlarga ham keldik.

Kim bilan boʻlishidan qatʼiy nazar, davlatlararo munosabatlar doimo teng, oʻzaro manfaatli, xalqlarning qadriyatlari yoki davlatlarning suverenitetiga xavf yaratmasligi kerak.

@alisherQodir

Konstitutsiya va qonunlarni anglash, amal qilish va qabul qilish jarayonida faol bo’lish fuqarolik mas’uliyatimizdir.

O’zgarayotgan O’zbekiston uchun muhim bo’lgan
“Oʻzbekiston Respublikasi Konstitutsiyasi toʻgʻrisida"gi Oʻzbekiston Respublikasi Konstitutsiyaviy Qonuni loyihasining matni bilan meningkonstitutsiyam.uz saytida tanishib chiqing.

Qonun loyihasi "Xalq soʻzi" va "Narodnoye slovo" gazetalarining bugungi sonida ham eʼlon qilindi.

Siz o’zgarmasangiz jamiyat o’zgarmaydi.

@alisherQodir

Buyuk Britaniyada “El-yurt umidi” fondining koʻpgina stipendiatlari tahsil olishmoqda.

Ular oliygohlarida Navroʻz munosabati bilan tadbirlar tashkil qilishibdi. Bu tadbirlarning bir jihati juda muhim: “El yurt umidi” stipendiatlari Britaniyaning top universitetlarida oʻqishmoqda.

Mendagi maʼlumotlarga koʻra, ushbu universitetlarda Osiyo va Yevropaning, hatto Buyuk Britaniya talabalaridan ham eng salohiyatli, davlatlarning maxsus grantlari hisobiga, eng umidli talabalarigina oʻqiydi.

Ular oʻz davlatlarida, yaqin kelajakda nufuzli menejerlarga aylanishi katta ehtimol.

Demak, ularning Oʻzbekistonga qarashlari batafsil va toʻgʻri manbalarga asoslanib shakllanadi.

@alisherQodir

Milliy tiklanish partiyasining Oliy Majlis Qonunchilik palatasidagi fraksiyasi xotin-qizlar va bolalarning huquqlarini himoya qilish masalasidagi Jinoyat, Jinoyat protsessual va Ma’muriy javobgarlik to’g’risidagi kodekslar va ayrim qonunlarga javobgarlikni kuchaytirishga qaratilgan qonun loyihasini ikkinchi o’qishda ma’qulladi.

Milliy taraqqiyotimizning asosi bo’lgan xotin-qizlar va bolalar huquqlari mustahkam himoyaga ega bo’lishi kerak.

@alisherQodir

“Milliy tiklanish” partiyasi faollari Konstitutsiyaga kiritilayotgan o’zgarishlar - O’zbekistondagi so’nggi yillarda o’zgargan jamiyatning ehtiyoji ekanligini yana bir bor tasdiqladilar.

Partiyaning joylarda o’tkaziladigan referendumda faollikka chaqirish uchrashuvlari bo’yicha rejalar ma’qullandi.

@alisherQodir

Oʻzbekiston Respublikasi fuqarosi va davlat bir-biriga nisbatan o'zaro huquq va majburiyatlar bilan bogʻliqdir. Yangi tahrirdagi Konstitutsiyaning 20-moddasi.

Fuqarolariga biron narsa qilib bera oladigan davlatni, davlat uchun biron narsa qilib bera oladigan fuqarolar yaratadi.

Qonun ustuvorligi, erkin jamiyat, samarali iqtisodiyotni tashqaridan kelib kimdir yaratib bermaydi, oʻzimiz yaratamiz. Shu yaratish jarayonidagi muhim harakatlardan biri Konstitutsiyaviy islohotlardir.

@alisherQodir

Xorazmdagi vahshiylikka aloqasi bo’lgan hamma eng og’ir shaklda jazolanishi kerak.

Qonunchilikdagi so’nggi o’zgarishlar aynan shu kabi jinoyatlarga jazoni keskin oshirishni ko’zda tutadi.

Qonun ustuvorligini ta’minlashda uyg’oq jamoatchilikning muhim ahamiyatiga yana guvoh bo’ldik.

Bitta qonunbuzarlik atrofida o’nta xayrixoh va minglab kuzatuvchi bo’ladi.

Qonun ustuvor, fuqarolik jamiyati shakllanishi og’ir va uzoq jarayon. Bunday jamiyatni hali yaratishimiz kerak!

Hadsiz ayblovlar va haqoratlardan tiyilish kerak.


@alisherQodir

Qonunlar xalqparvar, xalq ham, hokimiyat ham qonunparvar bo'lishi kerak.

Xalq keragidan ortiq hokimiyatparvar, hokimiyat esa keragidan ortiq xalqparvar bo’lsa, qonun begona boladek chetga chiqadi.

Qonunni ishlamasligiga sabab, unga xalqning ehtiyoji yo’qligidan. Afsus, qon ko’rinsa qonun esiga tushadigan xalqmiz.

Qanchalar balandparvoz baqirmaylik qonunlarni anglash, huquq va majburiyatlarimizga rioya qilish, ehtiyojimiz bo’lgan qonunlarni tashabbus qilishni o’rganmas ekanmiz, ijtimoiy va huquqiy ko’makka muhtoj xalq bo’lib qolaveramiz.

Xalqparvar yangi Konstitutsiyani diqqat bilan o’qib chiqish va anglagan holda, qo’llab-quvvatlashga chaqiraman.

@alisherQodir

Men Yangi tahrirdagi Konstitutsiyani Oʻzbekistonni rivojlanishi uchun xizmat qilishiga ishonaman.

@alisherQodir

Oila, bogʻcha va maktablarda shaxs tarbiyalashga alohida eʼtibor qaratilishi kerak.

Farzandlarimiz raqobatbardosh va oʻzini qadrlash koʻnikmasiga ega boʻlishi hayotiy muhim zarurat!

“Finlar maktabda bolani hayotga tayyorlaydi, bizda oliygohni imtihoniga tayyorlaydi”, degan xulosa juda toʻgʻri.

Hamma intiqib intilayotgan iqtisodiy va siyosiy erkinliklar oʻzi bilan shafqatsiz raqobat va ijtimoiy keskin munosabatlarni ham olib keladi.

Istaymizmi, yoʻqmi kimlardir yaxshiroq, kimlardir yomonroq yashaydi, bundan qochib boʻlmaydi.

Davlat vaqtinchalik koʻmak berishi mumkin, lekin muvaffaqiyat shaxsning harakati, tafakkuri va qobiliyatiga bogʻliq boʻladi.

Insonga xos xususiyat, oʻzini asosan haq deb biladi, lekin gohida nohaq ekanligini tan olib, keyingi kunga oʻtishni ham oʻrganishi kerak.

Istaganiga erishmasa, atrofga zarar berish, hatto oʻz joni, oʻzgalarni hayoti hisobiga isyon qilish aynan tarbiyaning xatosi bo’lgan zaiflik, raqobatbardosh emaslik va albatta oʻzini past baholashdan boshqa narsa emas.

Oʻzini qadrlaydigan fuqarolardan iborat jamiyatgina o’z majburiyatlariga amal qilib, huquq va manfaatlari uchun kurasha oladi.

@alisherQodir

Bolalar gematologiya va onkologiyasi markazi xodimlari bilan Konstitutsiyaviy islohotlar mavzusida muloqot qildik.

Vatandoshlar Yangi tahrirdagi Konstitutsiyaning zarurati, ahamiyati va yangiliklarini eʼtirof etishmoqda.

Fikrimcha, foydali muloqot boʻldi.

@alisherQodir

Toshkent Moliya instituti talabalari bilan Konstitutsiyaviy islohotlarning mohiyatini muhokama qildik.

Juda mazmunli muloqot bo’ldi.

@alisherQodir

Sharof Rashidov tumani aholisi bilan Konstitutsiyaga kiritilayotgan o’zgartirishlarni muhokama qildik.

O’zbekistonni o’zgarishidan biz manfaatdormiz va O’zbekistonni biz o’zgartiramiz!

Milliy tiklanish partiyasi referendumni O’zbekistondagi demokratik islohotlarning muhim bosqichi deb hisoblaydi va xalqimizni referendumda faol bo’lishga chaqiradi.

@alisherQodir

Davrining eng kuchlilaridan biri boʻlsa ham adolatni kuchda emas, aksincha, kuchni adolatda ekanligini targʻib etgan buyuk ajdodimiz, sarkarda Amir Temur dunyoga kelgan kunda, dunyoning eng kuchli davlatlari adolatni unutib, kuch musobaqasi qilayotganlari juda achinarli…

@alisherQodir