Զախարովան «անկեղծ հոգով ու սրտով» խոստովանել է, որ իրենք շատ են ցանկանում, որպեսզի Հայաստանը պահպանի ինքնիշխանությունը։ Նա հավելել է, որ ռուսները հաճախ են եկել հայերին օգնության։

Ճիշտ է ասում, օգնել են լիովին ազատվել պարսկական տիրապետությունից, մասամբ էլ՝ թուրքական, բայց ում համար դա «օգնություն էր», ում համար՝ «հերթական օտարերկրյա լուծ»։

Երկու երկրներն ունեին փոխադարձ հարցադրումներ, որոնք երկխոսելով չեն լուծվել, արդյունքում՝ Հայաստանում հաստատվել է դրածոների իշխանությունը։

Ռուսները պարտավոր չէին խոչընդոտել իշխանազավթմանը, ավելին՝ որոշ դրվագներով աջակցել են, բայց խնդրին նայենք երկու կողմից։

1️⃣ ՌԴ իրեն դիրքավորում է որպես գերտերություն։ Հայաստանն ակնկալել է հավասարազոր վիճակ։ Երկուսն էլ սխալվել էին։

2️⃣ ՌԴ հայկական համայնքը հանդիսացել է ոչ թե ՌԴ-ում որոշակի ազդեցությամբ ՀՀ և ՌԴ միջև կապող օղակ, այլ ՌԴ էլիտաների կամակատար։

3️⃣ Գերտերության հետ դաշինքը պարտադրում է ինքնավարության զիջում: Միևնույն ժամանակ՝ փոքր երկրից առավելագույնը պահանջելիս նրան կորցնելու ես։

Ալբերտիչ | հեղինակային ալիք
@albertich_notes

«ՏԱՎՈՒՇԸ ՀԱՅԱՍՏԱՆ Է ԵՎ ՎԵՐՋ»

Չեմ հետևում, թեև վստահ եմ, որ մարդկանց չդիմադրելու հորդորը ուղեկցվում է մոտավորապես այսպիսի ձևակերպմամբ՝ «եթե «անկլավները» չտանք՝ պատերազմ կլինի»։

Այս պրիմիտիվ, ծեծված խոսույթը աշխատել է Արցախի դեպքում, աշխատելու է Տավուշի դեպքում։

Մարդիկ «պատերազմ չեն ուզում»։ Բայց նրանք չունեն նաև գիտակցում, որ նույնիսկ եթե համաձայնեն հենց այնպես տարածքները վերադարձնելու, միևնույն է՝ պատերազմ լինելու է։

Իսկ ինչո՞ւ չկա այս ամենին դիմադրություն։ Պարզապես ինքնաբուխ դիմադրություններ չեն լինում։ Դիմադրությունը պետք է ունենա այն առաջ տանելու գործում շահագրգիռ կողմ։

Նշյալ կողմն այսօր «արտաքին ուժերի դեմ պայքարելն անհնար է» արտահայտությունը սերտած ընդունել է չմիջամտողի կարգավիճակ։

Տավուշով բնականաբար գործը չի ավարտվելու։ Թշնամուն զիջիր մեկ բան, կպահանջի տասը։

Ալբերտիչ | հեղինակային ալիք
@albertich_notes

Ի ԼՐՈՒՄՆ.

Թշնամուն զիջիր մեկ բան, կպահանջի՝ տասը… կտաս տասնմեկը, եթե բանակցելու լիազորել ես թուլակամ մեկին կամ դրածոյին։

Իրավիճակի զարգացման տարբեր սցենարներ կան, օրինակ՝ մուսսոլինիականից մինչև թմկաբերդական։ Այսուհանդերձ, միակ բանը, որ անթույլատրելի է՝ անտարբերությունն է։

Ալբերտիչ | հեղինակային ալիք
@albertich_notes

Նախապես ասեմ. չտրվե՛ք այս հիմարությունը դիտելու և դրա շուրջ դատարկաբովանդակ քննարկումներին մասնակցելու գայթակղությանը։

Ասելը ո՞րն է, թախանձագին խնդրում եմ՝ անտարբեր եղեք մի բանի հանդեպ, ինչը հետապնդում է մեկ նպատակ՝ ինքնաբավարարվում է համալսարանից հեռացված ու ուշադրության մշտական ծարավ մեկի էգոն։ Դրածոյի բարբաջանքներին արձագանքելը որևէ կերպ ո՛չ իր հանցակիցներին և ստոլկհոլմյան սինդրոմով համակիրներին է դարձի բերելու, ո՛չ Տավուշի գյուղերն է պահելու։

Ալբերտիչ | հեղինակային ալիք
@albertich_notes

💳

«Միր» քարտերը մարտի 30-ից կիրառելի չեն լինի հայկական բանկերի մեծ մասի բանկոմատներում [հասանելի կլինեն միայն «ՎՏԲ-Հայաստան» բանկում], գրում է РБК-ն՝ հղում անելով «ՎՏԲ Հայաստանի» ներկայացուցչին և ռուսական վճարային շուկայում իր աղբյուրին։

Աղբյուրը՝ РБК

Փաստացի 2024-ի արտաքին քաղաքական գերակա խնդիրը դրածոների առջև դրվել է ՌԴ դուրս մղումը Հայաստանից ոչ միայն ռազմական ոլորտից, այլև տնտեսական։

Չկա որևէ նախադրյալ, որ Դաշնությունը դուրս չի գա Հայաստանից։ Նույնիսկ եթե հաշվի ենք առնում այն, որ ՌԴ հեռանալը կարճաժամկետում չի բխում Հայաստանի ազգային և Իրանի շահերից, իսկ երկարաժամկետում՝ Չինաստանի։

Թեև ներկա աշխարհաքաղաքական իրողություններում կանխատեսելիությունը բարդ է, ինչ-որ պահի կարող է կտրուկ իրավիճակ փոխվել։

Ինքս դժվար եմ պատկերացնում, որ Ռուսաստանին հնարավոր է երկարաժամկետ հեռացնել տարածաշրջանից։ Դրա համար ևս նախապայմաններ չկան։ Միևնույն է՝ առիթ կգտնի վերադառնալու։ Ճիշտ այնպես, ինչպես թուլացած ցարական Ռուսաստանի փլատակները դեռ չվերականգնած բոլշևիկյան Ռուսաստանը մտավ Հարավային Կովկաս։

Ասածիցս որևէ կերպ չի բխում, որ Ռուսաստանը «աստվածային նախախնամությամբ», գերհզոր տերություն է, այլ միայն այն, որ մենք, լինելով հազարամյա պատմությամբ ազգ, այդպես էլ չունեցանք ազգային-պետական ավանդույթների վրա հիմնված վերնախավ, որը կկարողանար այնպիսի դիվանագիտական ինստիտուտ ունենալ, որպեսզի հստակ պատկերացներ տարբեր երկրների կառուցվածքային-համակարգային առանձնահատկությունները։

Ներկա փուլում, խոսքի վրա դիմադրության մասին ելույթներով, բայց գործում՝ զրոյական ձգտմամբ, առավելագույնը՝ ինչ կարող ենք, Աստծո վրա հույս դնելն է։ Իսկ կա՞ն արդյոք ասածս հերքող նախադրյալներ…

Ալբերտիչ | հեղինակային ալիք
@albertich_notes

Եթե Հայաստանում երեք նախկին նախագահ չկարողացան ընդհանուր գաղափարի շուրջ համախմբվել, ապա որտե՞ղ գտնել առաջնորդ(ներ), որ կունենա(ն) և՛ ներքին անվերապահ աջակցություն բոլոր ազգային ուժերի կողմից, և՛ այնպիսի կշիռ, որ ընդունելի կլինի միջազգային ակտորների կողմից՝ այդպիսով կարողանալով ձեռք բերել արտաքին դաշնակիցներ։

Ներկա պահին ես այդպիսի անձանց չեմ ճանաչում, բայց հետաքրքիր է, օրինակ՝ ինչքա՞ն մարդ էր ճանաչում Մովսես Գորգիսյանին 1987թ., ո՞վ գիտեր մատենադարանի աշխատակից Տեր-Պետրոսյանին, մինչև շարժման սկսելը «Ղարաբաղ» կոմիտեի որևէ անդամ ընկալվո՞ւմ էր որպես առաջնորդ։

Ըստ այդմ, հիմա, երբ «Ղարաբաղի» փոխարեն նոր շարժումն արդեն պետք է լինի «Հայաստան», առաջնորդի որոնումները, իմ համոզմամբ, փոքր-ինչ սխալ ուղղությամբ են ընթանում։

Մենք առաջնորդություն ենք ցանկանում տեսնել այն մարդկանց մեջ, ովքեր խուսափում են այդ պատասխանատվությունից։ Համառորեն շարունակում ենք միայն այս մարդկանց ընկալել որպես առաջնորդ, այլ անձինք հիմնականում պիտակավորվում են, հետևաբար՝ առաջնորդությունից դուրս մղվում։

Մյուս կողմից, այդ առաջնորդներն ու նրանց շրջապատները խիստ նախանձով են վերաբերում ցանկացած խմբի, որը փորձում է իր վրա ինչ-որ պատասխանատվություն վերցնել։ Նրանց էգոն թույլ չի տալիս ոչ միայն հրապարակային չծաղրել և չփշրել որևէ նման նախաձեռնություն, այլև ամեն կերպ չաջակցել, ռեսուրսներ չտրամադրել, բայց հրապարակային էլ հայտարարել, թե՝ «մենք խնդիր չունենք, ով ուզում է՝ թող իր վրա պատասխանատվություն վերցնի»։

Եթե դուք նշված որևէ առաջնորդի համակիր եք և գրածս տեքստը նրա և կամ ձեր հանդեպ վիրավորական թվաց, ապա միայն կարող եմ ասել, որ ես նկարագրել եմ ոչ թե կոնկրետ անձանց, այլ ընդհանուր երևույթը։

Կարելի է պնդել, որ մածունը այնքան էլ սպիտակ չէ, քանի որ յուղայնության հաշվին ունի նաև դեղին երանգներ։ Կարելի է նաև պնդել, որ Երկիրը տափակ է։ Այսուհանդերձ, այս ամենից ո՛չ մածունն է սևանալու, ո՛չ էլ էլիպսաձև մոլորակն է ուղղանկյունաձև տեսք ստանալու։

Այն, ինչ ես եմ հիմա տեսնում, հետևյալն է։

Հայաստանում չի ձևավորվում դիմադրություն, քանի որ չկա բավարար կամք այն կազմակերպելու ռեսուրս ունեցողների մոտ։ Իսկ թե ի՞նչ օբյեկտիվ և սուբյեկտիվ պատճառներ ունեն այդ իրապես անձնազոհ պատասխանատվության տակ չմտնելու համար, դա, իհարկե, այլ թեմա է։

Այս ամենով հանդերձ ես ներքին համոզմունք ունեմ, որ բեկում լինելու է։ Ճիշտ նույնքան, որքան վստահ էի 6 տարի առաջ, երբ ամբոխին դեմ գնալով՝ պնդում էի, որ դրածոն չարիք է, ով միայն չարիք էլ բերելու է։

Ալբերտիչ | հեղինակային ալիք
@albertich_notes

https://t.iss.one/Pakagits/5473

Նախ, շնորհակալություն «Փակագիծ» նախագծին հոդվածի տարածման համար, հատկապես՝ նկատի առնելով, որ թեմային ցանկանում էի մի պահի անդրադառնալ։

Այս հոդվածը երկու բանի մասին է.

1️⃣ Իրանը, որը Հայաստանում շատերի կողմից ընկալվում է որպես բնական դաշնակից, խաղում է տարածաշրջանային տերությանը հարիր կերպով։

▪️Մեր ընկալումը, բացի հիմնավոր լինելուց, երբեմն՝ առաջ է բերվում որպես հակադրություն Ռուսաստանին, թե «այ, տեսեք, նա լավ դաշնակից չէ, իսկ Իրանը մեր բնական դաշնակիցն է, որովհետև 1, 2, 3…»։

▪️Ինչպես տեսնում ենք, թե՛ Ռուսաստանը, թե՛ Իրանը Հայաստանի ներկա ներքաղաքական իրողության պայմաններում, մեր երկիրը չեն ընկալում որպես հուսալի դաշնակից։

▪️Այս պայմաններում խելացի կառավարմամբ ցանկացած երկիր կաներ այն, ինչ անում են Իրանն ու Ռուսաստանը։ Ադրբեջանում այլ երկրների ազդեցությունը ինչ-որ չափով նվազեցնելու նպատակով կարճաժամկետ շահերով պայմանավորված «սիլիբիլիներ» նավթահորային երկրի հետ։

2️⃣ Հայաստանում թե՛ փորձագիտական մակարդակում, թե՛ հանրային ընկալումներում զգալի հատվածի մոտ միջազգային հարաբերությունների մասին գծային պատկերացումներ են։ Այդպիսին էին նաև դրածոների ողջ շքախմբի ընկալումները։ Թերևս հենց այդ պատճառով էլ Հայաստանի թշնամիների համար արժեքային համակարգից զուրկ այս «ինտելեկտուալ հիմարները» լավագույն ընտրանքն էին իշխանությունը զավթելու և Հայաստանի գլխին կառավարելի հիմարներ կարգելու համար։

Ալբերտիչ | հեղինակային ալիք
@albertich_notes

Հայաստանում իրավիճակը ինձ հաճախ է որոշակիորեն հիշեցնում ֆաշիստական Իտալիան։

Իտալիայի իշխանություններին անընդհատ քննադատող լրագրող Բենիտո Մուսոլինի։

Մուսոլինիի կողմից փաստացի իշխանությունը զավթվում է դեպի Հռոմ քայլերթից հետո։

Արդյունքում նա ստանձնում է վարչապետի պաշտոնը։

Մուսոլինին, ըստ էության, Իտալիայում ձևավորում է ոստիկանապետություն։

Մուսոլինին իրականացնում է մի շարք ծրագրեր, որոնք մեր օրերի լեզվով կարելի է բնութագրել «ասֆալտ փռելու ծրագրեր»։

— — — — —

Մուսոլինին կառավարել է մինչև 1943թ.։ Ապա ևս 2 տարի գերմանացիների աջակցությամբ կարողացել է սեպարատ իշխանություն ձևավորել։

Մուսոլինիի սպանության մասին տարբեր տեսություններ կան։ Դրանցից մեկի համաձայն՝ գնդակահարմանը մասնակցել են բրիտանական հատուկ ծառայությունները։ Պատճառն իբր Մուսոլինիի և Չերչիլի միջև նամակագրությունն էր, որի բացահայտումը բրիտանացիներին «վատ դրության մեջ կդներ»։

— — — — —

Իհարկե, նմանությունները խիստ մակերեսային են։ Այդուհանդերձ, բավական հետաքրքիր են։

Ի դեպ, կարծում եմ, դրածոյին խաղաղ պայմաններում հնարավոր չի լինելու հեռացնել։ Միևնույն ժամանակ, ողջ մնալը ինչ-որ պահից ձեռնտու չի լինելու նաև իր պատվիրատուներին։

Ամեն դեպքում, ըստ իս, իրավիճակը նվազագույն կորուստներով հաղթահարելու շրջանն անդառնալիորեն անցել ենք։ Թեև դա վերջը չէ։ Վերջ չի լինելու։ Համենայն դեպս, այն ինքնակործան մանտրայի տրամաբանության մեջ, որը շատերն են կրկնում ամեն օր՝ «այ եթե չհեռացնենք, ապա ազգովի կվերանանք» ոճի մեջ։

Ալբերտիչ | հեղինակային ալիք
@albertich_notes

Հունգարիայի վարչապետը չի բացառել, որ Արևմուտքը 2-3 ամսից կորոշի զորք ուղարկել Ուկրաինա։

Աղբյուրը՝ @tertamarm

Ու այսպես Մակրոնի պոպուլիստական հայտարարությունը, որն իբրև մեծ ընդդիմության արժանացավ Եվրոպայում, աստիճանաբար բերվում է օրակարգ՝ որպես լրջորեն քննարկելու սցենար։

Ալբերտիչ | հեղինակային ալիք
@albertich_notes

Ավստրալիայի ՊՆ Մարլզը ասել է, որ ծայրահեղ կարևոր է, որպեսզի Ուկրաինան հասնի հաջողության իր պայմաններով։

Սա հակառուսական կոալիցիայի ընդհանրական հռետորաբանությունն է։

Հարկ է ընդգծել, որ փաստացի այդ երկրների համար էականը ոչ թե խաղաղությունն է և արյունահեղության դադարեցումը, այլ Ուկրաինան արյան մեջ այնքան ժամանակ ողողելը, քանի դեռ Ռուսաստանը չի մաշեցրել սեփական ռեսուրսները։ Այսինքն՝ այն, որ այս ամենի ավարտին Ուկրաինայից ոչինչ չի մնալու, նշյալ երկրներին ամենևին չի մտահոգում։

Բառացիորեն նույն տրամաբանությունն է Հայաստանի նկատմամբ։

Դրածոները հստակ կատարում են իրենց առաջադրանքն առ այն, որպեսզի հանեն Ռուսաստանի ներկայությունը տարածաշրջանում ցանկացած մակարդակի վրա՝ նույնիսկ եթե դա բերելու է Հայաստանի համար աղետալի և անդառնալի մարդկային ու տարածքային կորուստների։

Իսկ դրածոներին դիմադրությունը, որի անհրաժեշտության մասին այդքան խոսվում է, լինելու է միայն այն պահին, երբ իրավիճակը կհասնի էսկալացման պիկին։

Ալբերտիչ | հեղինակային ալիք
@albertich_notes

Մոսկվայում ահաբեկչությունների մասին մի քանի օր առաջ ԱՄՆ-ի, Բրիտանիայի ու մի քանի այլ դեսպանատներ էին զգուշացնում։

1️⃣ Այսինքն՝ հստակ հետախուզական տվյալներ ունեին (հասկանում ենք, թե սրանից ինչ է բխում)։

2️⃣ Ամենայն հավանականությամբ, սա առաջին, բայց ոչ վերջին ահաբեկչությունն է ՌԴ-ում առաջիկայում։

3️⃣ Կասկած չունեմ, որ ռուսները փորձ են ձեռնարկելու ուժեղացնել հարձակումները մի քանի ուղղություններով Ուկրաինայի տարածքում։

Ալբերտիչ | հեղինակային ալիք
@albertich_notes

Պետդումայի նախագահ Վ. Վոլոդին. «Այս հրեշավոր ահաբեկչությունն իրականացրած վիժվածքները պետք է ոչնչացվեն»։

ԱՄՆ ազգային անվտանգության խորհրդի ռազմավարական հաղորդակցությունների կորդինատոր Ջոն Կիրբի. «Այս պահին չկան որևէ նշաններ, որ Ուկրաինան կամ ուկրաինացիները ներգրավված էին զինված հարձակման մեջ»։

Ես, ի տարբերություն Կիրբիի, չեմ շտապում ահաբեկչություն իրականացնողների և կամ պատվիրատուների մասին որևէ տեսակետ հայտնել, այդուհանդերձ, Վոլոդինի հայտարարությունից հետո ամերիկացի պաշտոնյայի խոսքը կարդալիս մտքիս եկավ մի հայտնի արտահայտություն. «գողն ամենից բարձրն է գոռում՝ «բռնե՛ք գողին»»։

Ալբերտիչ | հեղինակային ալիք
@albertich_notes

Ի դեպ, «Կրոկուս Սիթի Հոլլը» պատկանում է Իլհամ Ալիևի նախկին փեսա Էմին Աղալարովի հորը՝ Արազ Աղալարովին։

Սա բուն ահաբեկչության հետ քիչ կապ ունի, քանի որ այն ընտրվել է պարզապես որպես բազմամարդ վայր։

Բայց Ռուսաստանում հիմա այսպիսի բազմամարդ ժամանցի վայրերի սեփականատերերի մեջ ադրբեջանական հետքեր գտնելը բարդ չէ։ Նրանք վաղուց են «շուկայում վաճառող կամ «նայողի» կարգավիճակ ունեցողի» մեր կարծրատիպային պատկերացումից դուրս եկել։

Հ.Գ. Ներողամիտ եղեք, բայց ահաբեկչությունից կադրերը չեմ տեղադրելու։

Ալբերտիչ | հեղինակային ալիք
@albertich_notes

Կարծում եմ, քանի առիթ է, այս կարևոր հրապարակմամբ կիսվելով՝ մեկ անգամ ևս հիշեցնեմ, թե որքան կարևոր է տարբեր մանիպուլացիաների տակ չմնալը և, նախքան ցանկացած ինֆորմացիային էմոցիոնալ արձագանքելը՝ կարողանալը այն ֆիլտրել։

Խուճապի չմատնվելու, ինֆորմացիայի տարածման իրական/մանիպուլյատիվ նպատակները հասկանալու և այդ ձևով տարածմանը չնպաստելու համար խիստ պարտադիր է սառը դատողականությունը պահպանել։

Ալբերտիչ | հեղինակային ալիք
@albertich_notes

Մեր օրերում կարևորագույն գործիքը, որով պետք է օժտված լինի մարդը՝ սառը դատողականությունն է։

Որևէ իրավիճակում խուճապահար լինելը թշնամու զենքն է թե՛ ֆիզիկապես, թե՛ հոգեբանորեն թուլացնելու ուղղությամբ։

Առավել ևս երբ թշնամին ոչ միայն դրսից է գործում, այլև ներթափանցել է երկրի համար կենսական նշանակության ոլորտներ։

Ալբերտիչ | հեղինակային ալիք
@albertich_notes

Թելեգրամում արդեն շրջում է ձերբակալված ահաբեկիչներից մեկի հարցաքննությունը։

Ուշադրություն դարձրեք, խնդրեմ, թե ամենասկզբում հնչող հարցում ո՞ր երկրի անունն են տալիս։

Հետաքրքիր զուգադիպություն կա, իհարկե, տարբեր երկրներում ահաբեկչությունների կազմակերպման գործում Թուրքիայի՝ որպես ահաբեկիչների նախապատրաստման, այլ հարցերով փոխկապվածության երկրի դերում։

Առավել հետաքրքրական է դառնում, երբ սկսում են դուրս գալ նաև Թուրքիայում դարերով ազդեցություն ունեցող բրիտանական հատուկ ծառայությունների ականջները:

Ամեն դեպքում չխորանանք, քանի որ դավադրապաշտական տեսությունները գայթակղիչ են թվում, բայց վտանգավոր են՝ կեղծ եզրակացությունների հանգելու իմաստով։

Ալբերտիչ | հեղինակային ալիք
@albertich_notes

Երեկվա ողբերգության զոհերի թիվը հավանաբար կանցնի 150-ը։

Ահաբեկչությունը ռուսական մեդիադաշտում ասոցիացիաներ է առաջացրել 22 տարի առաջ Մոսկվայում «Նորդ-Օստ» մյուզիքլի ժամանակ չեչեն ահաբեկիչների կողմից Դուբրովկայի թատրոնի գրոհումը, որի ժամանակ սպանվել էին, ըստ պաշտոնական տվյալների, պատանդ պահվող 900 անձանցից 130-ը (ոչ պաշտոնական՝ 170-ից ավելի)։

Ի դեպ, ռուսական ԱԴԾ-ն բավական օպերատիվ է աշխատել։ Այս պահի դրությամբ, ձերբակալվել է 11 հոգի։ Ըստ որում՝ 4-ին՝ հենց ահաբեկիչներին, ձերբակալել են Բրյանսկի մոտերքում, ինչը թույլ է տալիս ռուսներին ուղղակիորեն կամ անուղղակիորեն կապել ահաբեկիչներին Ուկրաինայի հետ՝ առնվազն քարոզչական մակարդակում։

Ուշագրավ է այն, որ որոշ աղբյուրներում տեղեկություններ էին տարածվել՝ իբր ահաբեկիչները կրում էին կեղծ մորուքներ։ Դրան զուգահեռ ինչ-որ պահից արևմտյան աղբյուրները սկսեցին լուրեր տարածել, թե ահաբեկչության պատասխանատվությունն իր վրա է վերցրել «Իսլամական պետությունը»։

Փաստացի բոլորը բնականաբար մուսուլման են՝ միջինասիացի և կարծես մեկը՝ ադրբեջանցի (ներկայացել է որպես Ռաջաբ Ալիզադե): Նրանք կապ չունեն «Իսլամական պետության» հետ։

Ռաջաբ Ալիզադե - Թուրքիայում փաստաթղթերի կարգավորում… շատ հետաքրքիր շղթա է ստացվում։

Ալբերտիչ | հեղինակային ալիք
@albertich_notes

Կարծեմ, «ՀԱՊԿ»-ին Հայաստանի անդամության թեման շփոթության մեջ է դնում, քանի որ շատերը կարծում են, թե ՀԱՊԿ-ից Հայաստանի դուրս գալը նշանակում է Ռուսաստանի հեռացում տարածաշրջանից։

Մինչդեռ ՀԱՊԿ բազմակողմ ձևաչափով կառույց է, իսկ Ռուսաստանի ներկայությունն ապահովվում է Գյումրիում ռուսական 102-րդ ռազմաբազան։ Այն Հայաստանում է գտնվում երկկողմ պայմանագրի հիման վրա։

Այլ կերպ ասած՝ Հայաստանը կարող է դուրս գալ ՀԱՊԿ-ից, բայց դա հիմք չի լինելու Հայաստանից Ռուսաստանի դուրս գալու համար։

Դրա համար Հայաստանը զավթած իշխանությունը պետք է կարողանա բավարար իրավական հիմքեր ստեղծելու։ Դրածոների համար սա ամենևին բարդ խնդիր չէ՝ ընդհուպ մինչև պատերազմը որպես առիթ օգտագործելու միջոցով։

Բայց, ըստ իս, նախքան այդ դրածոների իշխանությունն ամեն ինչ կանի ավելի շատ վնասելու ներսում և դրսում հնարավոր ռեսուրսների մոբիլիզացիային.

1️⃣ Չթողնել ներքին որևէ ռեսուրս դիմադրողականության համար՝ բանակի կազմաքանդում, տնտեսության թուլացում, քաղաքական հետապնդումներ ևն։

2️⃣ Վերացնել բոլոր տեսակի բարիդրացիական կապերը իրական դաշնակիցների հետ՝ ստեղծելով այլընտրանքի պատրանք։

Ալբերտիչ | հեղինակային ալիք
@albertich_notes

Քաղաքական պրոցեսների մասին պատկերացում կազմելիս կարևոր բանը, որ պետք է իմանալ՝

ՑԱՆԿԱՑԱԾ ՔԱՂԱՔԱԿԱՆ ԳՈՐԾԸՆԹԱՑԻ ՀԻՄՔՈՒՄ ԻՇԽԱՆՈՒԹՅԱՆ ՀԱՍՆԵԼՆ Է։

Եթե որևէ խումբ որևէ քաղաքական պրոցեսի շրջանակում հռչակում է ցանկացած նպատակ՝ բացի քաղաքական իշխանությունը վերցնելը, ապա այն.

ա) ունի նույն նպատակները, ինչ քաղաքական իշխանությունն իր ձեռքում կենտրոնացրած ուժը,

բ) ղեկավարվում է անձի/անձանց կողմից, ովքեր ուղղակի կամ անուղղակի կառավարվում են իշխանական ուժի կողմից,

գ) ղեկավարվում է այնպիսի անձանց կողմից, որոնք քաղաքական պրոցեսներին տվյալ խմբին ներգրավվել են իրենց նեղ անձնական/բիզնես շահերի սպասարկման համար։

Սա վերաբերում է ոչ միայն Հայաստանին, այլև առհասարակ ցանկացած քաղաքական համակարգի բնույթն է։

Ըստ այդմ՝ ինչ է ասածս։ Ես մեծ ֆիլտրացիայով եմ դիտարկում Հայաստանում որևէ քաղաքական շարժում, նախաձեռնություն։

Օրինակ՝ երբ ասում են, թե «այս կամ այն խմբում ազնիվ մարդիկ են, անձամբ եմ այսինչին կամ այնինչին ճանաչում»։ Մարդ կարող է ներգրավված լինել անձնական-բարեկամական սկզբունքով կամ գաղափարով, բայց դրանից չի հետևում, որ խմբի վերին օղակներում նույնքան ազնիվ են և այլն։

Շատ ուշադիր եղեք որևէ շարժմանը համակրելիս կամ մասնակցելիս։

Ալբերտիչ | հեղինակային ալիք
@albertich_notes

ՌԴ հետ փոխհարաբերությունների վատթարացումը Հայաստանի դրածո իշխանությունները փորձում են արդարացնել անվտանգային հարցերով։ Բայց այնպես է ստացվել, որ Ռուսաստանի Դաշնության հետ Հայաստանը կապված է ոչ միայն ՀՀ սահմանների անվտանգության պահպանման խնդրով, այլև ՌԴ-ում առնվազն ՀՀ բնակչության քանակն ունեցող հայկական համայնքով, ինչի մասին խոսել է նաև ՌԴ նախագահի մամլո խոսնակը։

Մեծ համայնքի զգալի մասը աշխատանքի մեկնածներն են, որոնք պարբերաբար գումարներ են ուղարկում (հիշում եք, հավանաբար, դրսում աշխատողներին հարկելու թեման)։ Այդ գումարները բավականին մեծ են և տնտեսության մեջ որոշակի ակտիվություն են ապահովում։

Ինչն ամենակարևորն է՝ կենսական էներգետիկ ենթակառուցվածքները ևս ուղղակի կամ անուղղակի ռուսական ազդեցության ներքո են։ Այսինքն՝ եթե Ռուսաստանը դուրս գա, դուրս են գալու նաև դրանք։

Այս ամենը բերելու է տնտեսության փլուզման։

Եվ երբ նայում ենք վերջին տասնամյակներին Մերձավոր Արևելքում ուժային կենտրոնների փոփոխության նպատակով իրականացված հեղաշրջումներն ու հեղափոխությունները, ապա կարող ենք հստակ արձանագրել, որ, բացի երկարաժամկետ փլուզումից, դրական իմաստով որևէ փոփոխություն տեղի չի ունենում։

Փոխարենը՝ անկայուն քաղաքական համակարգ, տնտեսության անկում, պատերազմական վիճակներ սահմաններին և երկրի ներսում։

Այս ամենը մեզ համար ևս անխուսափելի իրականություն է, որը կա՛մ կմեղմվի ժամանակին դրսևորած (ոչ դրածոների) քաղաքական կամքի շնորհիվ, կա՛մ վրա կհասնի ամբողջ թափով։

Նկատի ունենալով ներկա իրադրությունը՝ միակ ելքը, որ յուրաքանչյուրը պետք է, առաջին հերթին, իր համար տեսնի՝ նշածս իրականությունից չփախչելն է։

Ալբերտիչ | հեղինակային ալիք
@albertich_notes

Հավանաբար հիշում եք, որ՝

1) «Կրոկուսի» ահաբեկչության իրականացնողներից մեկը ներկայացել էր որպես Ռաջաբ Ալիզադե (հիշեցնեմ, որ «զադե»-ով ազգանունները գերազանցապես տարածված են Ադրբեջանում):

2) Համալիրը պատկանում է ադրբեջանցի Աղալարովին, որի որդին Ալիևի նախկին փեսան է։

Եվ ահա հանկարծ ադրբեջանցի Աղալարովներին պատկանող «Կրոկուս Սիթի Հոլում» տեղի ունեցած ահաբեկչությունից հետո միայն Ռուսաստանում հիշել են, որ կարելի է «ստուգել Ադրբեջանի կողմից Ուկրաինային զենք մատակարարելու մասին տեղեկությունները, քանի որ զենքի մատակարարումը իրենց համար սկզբունքային հարց է» (©️Զախարովա):

Հիշեցնեմ նաև, որ Ադրբեջանի նախագահ Իլհամ Ալիևը օպերատիվ կերպով զանգահարել էր Պուտինին և համոզմունք հայտնել, որ «ահաբեկիչները և նրանց թիկունքում կանգնածները խիստ պատիժ կկրեն»։

Այնպես որ չզարմանաք, եթե ինչ-որ պահի ՌԴ արտաքին քաղաքական հարցերում ինչ-որ բան փոխվի։ Կարևորը՝ մենք այդ պահին պատրաստ լինենք։

Ալբերտիչ | հեղինակային ալիք
@albertich_notes