Ta’lim muassasalari suv ta’minoti korxonasiga 1 milliard so‘mdan ortiq zarar yetkazdi

“Sirdaryo suv ta’minoti” AJ xodimlari tomonidan ichimlik suvidan noqonuniy foydalanish holatlarini aniqlash bo‘yicha reyd tadbirlari faol davom ettirilmoqda. Navbatdagi reyd Sardoba tumani hududida o‘tkazildi.

Tuman maktab va maktabgacha ta’lim bo‘limiga qarashli obyektlar o‘rganilganda, ichimlik suvidan foydalanish tartibiga rioya qilinmaganligi aniqlandi.

Dastlabki hisob-kitoblarga ko‘ra, mazkur qoidabuzarlik oqibatida “Sirdaryo suv ta’minoti” AJga 1 milliard 127 million 666 ming so‘m miqdorida zarar yetkazilgan.

Mazkur yo‘nalishdagi reyd tadbirlari hududlarda tizimli ravishda davom ettirilmoqda.

#Reyd #Sirdaryo

👉akmal_murodov👈