#Qaror_va_ijro

📢 “Oʻzsuvta’minot” AJda ijro intizomini mustahkamlashga bagʻishlangan seminar oʻtkazildi

📅 31-yanvar kuni “Oʻzsuvta’minot” AJda oʻquv seminari boʻlib oʻtdi. Tadbirda Adliya vazirligi, Hisob palatasi, Vazirlar Mahkamasi mas’ul xodimlari, shuningdek, “Oʻzsuvta’minot” AJ tarkibidagi tashkilotlar rahbarlari, boshqarma va boʻlim boshliqlari ishtirok etdi.

🔎 Seminarda quyidagi mavzular xususida ma’lumot berildi va fikr almashildi:
✅ “Ijro.gov.uz” tizimida 2024-yilda yuklatilgan nazorat topshiriqlarining ijro samaradorligi va aniqlangan kamchiliklar;
✅ Ijro intizomini mustahkamlash boʻyicha amalga oshirilayotgan ishlar va kelgusi rejalar;
✅ Vazirlik, idoralar va mahalliy hokimliklarda Prezident topshiriqlarini samarali tashkil etishning muhim jihatlari;
✅ Hisob palatasi tomonidan nazorat jarayonida aniqlangan kamchiliklar va ularni bartaraf etish choralari;
✅Jismoniy va yuridik shaxslarning murojaatlari bilan ishlash tartibi va qonunchilik talablari.

🎤 Ma’ruzachilar:
📌Seminarni boshqaruv raisining oʻrinbosari - loyiha ofisi rahbari Nodir Xodjamov kirish soʻzi bilan ochib bergan boʻlsa, Adliya vazirligi vakili F. Raximov, Hisob palatasi mas’ul xodimi B. Dushayev, Vazirlar Mahkamasi vakili B. Ne’matovlar oʻz yoʻnalishlari boʻyicha ma’lumot berishdi.
Shuningdek, “Oʻzsuvta’minot” AJ Ijro nazorati boʻlimi boshlig‘i X. Daniyorov, Jismoniy va yuridik shaxslar murojaatlari bilan ishlash boʻlimi boshlig‘i O. Ergasheva hamda Xodimlar bilan ishlash xizmati boshligʻi A. Islamovlar sohada yoʻnalish boʻyicha amalga oshirilayotgan ishlar xususida ma’lumot berishdi.
🔹 Seminar davomida soha mutaxassislari ijro intizomini mustahkamlash yoʻlida amalga oshirilayotgan ishlar va mavjud muammolarga alohida e’tibor qaratildi.
🔹 Muhokamalar davomida kelgusida ijro tizimini takomillashtirish boʻyicha muhim taklif va tavsiyalar ilgari surildi.
🔹 Tadbir soʻngida mavzu yuzasidan ochiq savol-javoblar oʻtkazildi.

✅Mazkur seminar ijro intizomini yanada kuchaytirish va tizim samaradorligini oshirishga xizmat qiladi.

|🗝Cabinet       |🌐Website
|🤖Bot                |😄Telegram
|💬Facebook    |🌐Instagram
|📹YouTube      |🕊 Twitter
|💬Chat |✅ TikTok