Kunikecha, "O‘zsuvta’minot" AJda boshqaruv raisi Axmad Suvankulov hamda O‘zbekiston Jurnalistika va ommaviy kommunikatsiyalar universiteti rektori Sherzodxon Qudratxo‘ja, xalqaro media olami vakillari, milliy media sohasi mas’ullari, OAV vakillari va xorijiy ekspertlar bilan uchrashuv bo‘lib o‘tdi.

Uchrashuvda suv ta’minoti va iste’mol madaniyati, shu jumladan, to‘lov madaniyati hamda suvdan oqilona foydalanish bo‘yicha targ‘ibot ishlarini yana-da kuchaytirish masalalari muhokama qilindi.

Xususan, Sherzodxon Qudratxo‘ja mamlakatimizda ichimlik suvi ta’minoti va bu borada aholi orasida targ‘ibotni kuchaytirish masalalariga to‘xtalar ekan, davlat rahbarining suv siyosati bo‘yicha olib borayotgan siyosatini to‘liq qo‘llab-quvvatlayotganligini e’tirof etdi. Jumladan, suv manbalaridan mintaqada teng va unumli foydalanish uchun qo‘shnichilik siyosatining ahamiyatini hamda bu borada davlat rahbarining adolatli siyosat yuritayotganini alohida ta'kidladi. Shuningdek, ichimlik suvi hamda oqova suv xizmatlaridan o‘rinli foydalanishga oid media materiallarni ko‘paytirish zarurligi va bu boradagi targ‘ibot ishlarining ahamiyatini alohida qayd etdi.

O‘z o‘rnida, A. Suvankulov bu borada tizimda axborot siyosatining doimiy monitoringi yo‘lga qo‘yilganligini ta’kidladi. U, shuningdek, soha rivoji uchun investitsiyalarning o‘rni va bu borada katta islohotlarni amalga oshirishda davlat rahbarining tashabbusini e’tirof etdi: “Bugungi kunda, O‘zbekistonda markazlashgan ichimlik suvi ta’minoti 80 foizdan oshirildi. Bu ko‘rsatkichni 2030-yilga qadar 90 foizdan oshirish uchun izchil ishlar amalga oshirilmoqda. Ushbu islohotlar, muhtaram yurtboshimiz ta’kidlaganidek, avvalo inson hayoti va xalq farovonligi uchun. Faqat, amalga oshirilayotgan ishlardagi mashaqqat va mehnatni, aholi xonadonlarigacha kirib borayotgan ichimlik suvining oddiy jarayon emasligini aholimizga yetkazish, iste’molchilarimizning ichimlik suvidan oqilona foydalanishi va iste’mol madaniyatiga qat’iy amal qilishda targ‘ibotning o‘rni muhimligini ta’kidlash lozim”.

Shuningdek, Axmad Suvankulov suv ne’matining qadriyatlarimizdagi ifodasi, har bir tomchisidan o‘rinli foydalanishda nafaqat soha va media olami vakillari, balki barcha birdek mas’ul bo’lishi lozimligini qayd etdi.

Uchrashuvda “O‘zsuvta’minot” AJ tizimi va unga bo‘lgan jamoatchilik e’tiborini oshirishda yangi targ‘ibot loyihalari, ijodiy yondashuvlar va kengaytirilgan media mahsulotlarini ishlab chiqish, ijtimoiy so‘rovlar o‘tkazish haqida fikrlar almashildi.

Ayniqsa, ichimlik suvi iste’molining madaniyatini oshirish, suvni tejash va undan samarali foydalanish borasida yangi kontentlar yaratilishi hamda ommaviy axborot vositalari orqali aholi orasida suvning qadri va to‘g‘ri iste’mol madaniyatini shakllantirishga keng e’tibor qaratilishi zarurligi ta'kidlandi.

Uchrashuv yakunida, ichimlik suvi iste’moli va to‘lov madaniyatini yaxshilash maqsadida yangi media mahsulotlarini ommalashtirishga kelishib olindi. Bu orqali, fuqarolarni suvning ahamiyatini anglashga chaqirish va suvdan oqilona foydalanishni targ‘ib qilishni davom ettirish rejalashtirildi.

Suv-umummilliy boyligimiz. Undan o‘rinli foydalanish, iste’mol madaniyatini shakllantirish va aholining ongini oshirish borasidagi targ‘ibot ishlarining muvaffaqiyati, butun jamiyatning suvga bo‘lgan munosabatini yaxshilashga xizmat qiladi. Tomonlarning bu boradagi hamkorligi suv resurslari, xususan ichimlik suvidan samarali foydalanish va ekologik barqarorlikni ta’minlashga xizmat qiladi.

|🗝Cabinet       |🌐Website
|🤖Bot                |😄Telegram
|💬Facebook    |🌐Instagram
|📹YouTube      |🕊 Twitter
|💬Chat |✅ TikTok

Avval xabar berganimizdek, "Index Consulting Company" tomonidan “O‘zsuvta’minot” AJ xodimlar bilan ishlash yo‘nalishi mas’ullari uchun o‘quv treninglar tashkil etilmoqda.

🗒Bugungi seminarda Gender tengligi muammolari yuzasidan ma’lumot almashinildi. Jumladan, Gender tengligi va ayollarni ish joylarida qo‘llab-quvvatlash masalalariga alohida e’tibor qaratildi. Treningda gender tengligini ta’minlash, ishchi muhitida adolatli yondashuvni amalga oshirish va ayollarga imkoniyatlar yaratish bo‘yicha muhim tavsiyalar berildi.

📚Ta’kidlash lozim, 3 kunlik treninglar natijasida ishtirokchilar o‘z bilim va ko‘nikmalarini rivojlantirish, tashkilotda inson resurslarini samarali boshqarish hamda gender tengligi bo‘yicha ilg‘or amaliyotlarni joriy etish imkoniyatiga ega bo‘ldilar. Bugun o‘quv-seminarlari yakunida ishtirokchilarga tegishli sertifikatlar topshirildi.

✅Ushbu treninglar korporativ rivojlanish va transformatsiyani qo‘llab-quvvatlashda muhim ahamiyatga ega va kelajakdagi muvaffaqiyatlar uchun yangi imkoniyatlar yaratadi.

|🗝Cabinet       |🌐Website
|🤖Bot                |😄Telegram
|💬Facebook    |🌐Instagram
|📹YouTube      |🕊 Twitter
|💬Chat |✅ TikTok