#diqqat_tanlov #yil_talabasi

Oliy va oʻrta maxsus taʼlim vazirligi huzuridagi Talaba va oʻquvchilarning maʼnaviy yuksalishiga koʻmaklashish markazi “Yil talabasi” tanlovini eʼlon qiladi.

👇Tanlovda quyidagi 7 ta nominatsiya boʻyicha gʻoliblar aniqlanadi:
👉Yilning oʻz mutaxassisligi boʻyicha eng bilimdon talabasi;
👉Yilning eng faol targʻibotchi talabasi;
👉Yilning eng faol ixtirochi-innovator talabasi;
👉Yilning eng faol sportchi talabasi;
👉Yilning eng faol iqtidorli talabasi;
👉Yilning eng faol ijodkor talabasi;
👉Yilning eng faol tadbirkor talabasi (xotin-qizlar uchun).

✊Tanlov nominatsiyalar boʻyicha birinchi OTM bosqichida yuqori oʻrinlarni egallagan gʻoliblar oliy taʼlim muassasasining faxriy yorligʻi va tegishli ravishda bazaviy hisoblash miqdorining 8, 6 va 4 barobari miqdorida pul mukofoti bilan taqdirlanadi.

👍Respublika bosqichi esa joriy yilning noyabr oyida tashkil etiladi. Ushbu bosqich gʻoliblari Oliy va oʻrta maxsus taʼlim vazirligi diplomi, maxsus statuetka hamda  bazaviy hisoblash miqdorining 1-oʻrin 15 barobari, 2-oʻrin 10 barobari va 3-oʻrin 8 barobari miqdorida pul mukofoti bilan taqdirlanadi.

“Yil talabasi” tanlovi nizomi

Hujjatlar 12-oktabrdan 20-oktabr qadar oliy taʼlim muassasalarining Yoshlar masalalari va maʼnaviy-maʼrifiy ishlar boʻyicha masʼullari tomonidan qabul qilinadi. Ishtirok etish uchun oʻz oliygohingiz masʼullariga murojaat qiling.

Yuqorida “Yil talabasi – 2021” gʻoliblarini taqdirlash marosimi videosini joyladik. Bu yilgi taqdirlash marosimida esa aynan Siz shunday taqdirlanishingiz mumkin. Buning uchun hozirdanoq harakatni boshlang. Ishtirok eting va gʻoliblar safida boʻling.

#diqqat_tanlov

Imkoniyati cheklangan iqtidorli talabalar uchun tanlov!

Oliy va oʻrta maxsus taʼlim vazirligi tashabbusi bilan iqtidorli talaba-yoshlarni aniqlash va ularni munosib ragʻbatlantirish maqsadida Talaba va oʻquvchilarning maʼnaviy yuksalishiga koʻmaklashish markazi imkoniyati cheklangan talabalar oʻrtasida “Eng yaxshi talaba” tanlovini eʼlon qiladi.

Tanlov ikki bosqichda tashkil etiladi:
birinchi oliy taʼlim muassasasi bosqichi;
respublika final bosqichi.

Tanlov nizomi batafsil

Tanlovning oliy taʼlim muassasi bosqichida 1, 2 va 3-oʻrinlarni egallagan gʻoliblar oliygoh rektoratining faxriy yorligʻi hamda tegishli ravishda 1-oʻrin sohibi BHMning 10 barobari, 2-oʻrin 8 barobari va 3-oʻrin 6 barobari miqdorida moddiy ragʻbatlantiriladi.

Respublika bosqichining 1-oʻrin sohibi esa Oliy va oʻrta maxsus taʼlim vazirligining maxsus diplomi hamda bazaviy hisoblash miqdorining 100 barobari miqdorida bir martalik pul mukofoti bilan taqdirlanadi.

Hujjatlar 2022-yil 25-oktabrga qadar qabul qilinadi. Tanlovda ishtirok etish istagida boʻlgan yoshlar oʻzi taʼlim olayotgan fakultet rahbariyatiga murojaat etishlari mumkin.

Batafsil maʼlumotlar rasmiy sahifamizda:
https://t.iss.one/+VnxqO-c0cBb_ZWhm

#diqqat_tanlov

Respublika Ma’naviyat va ma’rifat markazi Oliy va o‘rta maxsus ta’lim vazirligi hamda hamkor tashkilotlar birgalikda “Shuhrating porlasin toki bor jahon!" mavzusida Davlat madhiyasini jamoaviy jo‘r bo‘lib kuylash tanlovini e’lon qiladi.

Tanlov quyidagi nominasiyalar bo‘yicha o‘tkaziladi:
«Davlat madhiyasini eng yaxshi kuylagan oila»;
«Davlat madhiyasini eng yaxshi kuylagan maktab»;
«Davlat madhiyasini eng yaxshi kuylagan guruh»;
«Davlat madhiyasini eng yaxshi kuylagan mehnat jamoasi».

O‘zbekiston Respublikasi Davlat Madhiyasi belgilangan tartibda jamoaviy jo‘r bo‘lib kuylangan videolavha internetdagi ochiq manbalar, ijtimoiy tarmoqdagi sahifalarda e’lon qilinadi. So‘ngra videorolik havolasi (linki) va ishtirokchi jamoa haqidagi ma’lumotlar, bog‘lanish uchun telefon raqamlari 2022-yil 8-dekabrgacha @oyinauz_bot manziliga yuboriladi.

Videolavha formati MPG, MPEG, AVI, MOV, WMA, MP4 bo‘lishi kerak. Talabga javob bermaydigan, tegishli ma’lumotlari to‘liq bo‘lmagan ishlar tanlovdan chetlatiladi.

Har bir nominasiya bo‘yicha 1, 2, 3-o‘rin g‘oliblari aniqlanadi va quyidagi tartibda mukofotlanadi:
1-o‘rin – 10 million so‘m;
2-o‘rin – 7 million so‘m;
3-o‘rin – 5 million so‘m.

Hakamlar hay’ati tavsiyasiga asosan Tashkiliy qo‘mitaning qarori bilan qo‘shimcha rag‘batlantirish mukofotlari berilishi mumkin.

Taqdirlash marosimi 10-dekabr kuni Toshkent shahridagi «Xalqlar do‘stligi» maydonida tashkil etiladigan tantanali tadbir doirasida o‘tkaziladi. Hududlarda yashovchi g‘oliblarni taqdirlash esa Respublika Ma’naviyat va ma’rifat markazi tegishli bo‘lim yoki bo‘linmalari tomonidan amalga oshiriladi.

#diqqat_tanlov

🇺🇿 Oliy ta’lim, fan va innovatsiyalar vazirligi huzuridagi Talaba va o‘quvchilarning ma’naviy yuksalishiga ko‘maklashish markazi talabalarning qishki ta’tildagi bo‘sh vaqtlarini mazmunli tashkil qilish maqsadida “Kitobxon yoshlar” onlayn tanlovini e’lon qiladi.

📚Tanlovda qatnashish uchun ishtirokchilar @kitobtanlovbot manzili orqali ro‘yxatdan o‘tib, 19-yanvarga qadar 2 ta kitobni o‘qishlari va ular asosida tuzilgan testlarni yechishlari kerak bo‘ladi.

✅Yakunda 30 nafar ishtirokchilar tanlovning g‘olib va sovrindorlari deb topiladi va tashkilotchilar tomonidan quyidagi tartibda taqdirlanadi:

🔵1-o‘rin – 5 million so‘m va I darajali diplom;
🔵2-3-o‘rinlar – 4 million so‘m va II darajali diplom;
🔵4-6-o‘rinlar – 3 million so‘m va III darajali diplom;
🔵7-10-o‘rinlar – 2 million so‘m va sertifikat;
🔵11-20-o‘rinlar – 1 million so‘m va sertifikat;
🔵“Eng faol targ‘ibotchi” nominatsiyasi g‘oliblari (10 nafar) – 1 million so‘m va sertifikat bilan taqdirlanadi.

📌 Tanlov nizomi bilan tanishish

Qishki ta’tilni bekor o‘tkazmasdan, qo‘lingizga kitob oling. Tanlovda yuqori natijaga erishib, g‘oliblar qatoridan joy egallang.

#Diqqat_Tanlov!

💸“9-dekabr – Xalqaro korrupsiyaga qarshi kurashish kuni" munosabati bilan tanlov o'tkaziladi

Andijon iqtisodiyot va qurilish institutida "Aksilkorrupsiya oyligi" doirasida Korrupsiyaga qarshi kurashish "Komplayens nazorat" tizimini boshqarish bo'limi va yoshlar bilan ishlash, ma'naviyat va ma'rifat bo'limi hamda Yoshlar Ittifoqi boshlang'ich tashkiloti bilan hamkorlikda talabalar oʻrtasida “Biz yoshlar korrupsiyaga qarshimiz” shiori ostida tanlov bo'lib o'tadi.

Tanlov 3 ta yo'nalish bo‘yicha o'tkaziladi:

🎬 “Eng yaxshi videorolik"               
🎨 "Eng yaxshi devoriy gazeta"
📝 “Eng yaxshi insho”

Tanlov shartlariga ko’ra, yo’llanadigan videoroliklar:
➖ta’limga oid korrupsion  jinoyatlarni ochib berish hamda uning oqibatlarini oldini olishni targ'ib qiluvchi g'oyalarni aks ettirgan bo'lishi;
➖ hajmi 5 daqiqadan oshmaydigan;
➖ kreativ va sifatli;
➖ original va mualliflik huquqiga asoslangan holda suratga olinishi zarur;
➖ har bir videoda AIQI logotipi aks etishi shart.

▪️Eslatib o'tamiz!
Taqdim etilayotgan materiallarning orginalligi va ommaviy axborot vositalarida e'lon qilinmaganligiga alohida e'tibor qaratiladi.  

Videorolik va devoriy gazetalar bo'yicha ijodiy ishlar joriy yilning 25-noyabr kuniga qadar Korrupsiyaga qarshi kurashish "Komplayens nazorat" tizimini boshqarish bo'limiga  topshirilishi belgilangan.

"Eng yaxshi insho" tanlovi joriy yilning 27-noyabr kuniga qadar topshiriladi. Ushbu tanlovda ishtirok etmoqchi bo'lgan talabalar Korrupsiyaga qarshi kurashish "Komplayens nazorat" tizimini boshqarish bo'limiga  murojaat qilishlari so'raladi.   


Tanlov g'oliblari nominatsiyalar bo‘yicha Institut Rektorining qimmatbaho sovg'alari bilan taqdirlanadi.

#Diqqat_Tanlov!

📢Aziz talabalar! Oliy ta'lim muassasalarining talabalar o'rtasida inson huquqlari sohasidagi nazariy va amaliy bilimlarini ko‘rsatish hamda amaliyotda qo‘llashga qaratilgan ustuvor vazifalarni izchil amalga oshirish maqsadida "Inson huquqlari bilimdoni-2023" ko'rik tanlovi e'lon qilinadi.

⚡Ko‘rik-tanlovga ariza topshirish 2023-yil 20-noyabrdan 1-dekabr soat 18:00ga qadar davom etadi. Arizalarni Ma'naviyat bo'limiga topshiringiz mumkin.

📝Ko‘rik-tanlov 2023 yil 6-7-dekabr kunlari o‘tkaziladi. Gʻoliblar OTM va vazirlikning rasmiy edu.uz sayti orqali e’lon qilinadi va o‘rnatilgan tartibda rag‘batlantiriladi.

📌Ko‘rik-tanlov oliy ta’lim muassasalarining bakalavr hamda magistr talabalari o‘rtasida bo‘lib o‘tadi.
Quyidagi nominatsiyalar bo'yicha bo'lib o'tadi:

✅Eng yaxshi inson huquqlari bilimdoni;
✅Eng yaxshi inson huquqlari universal shartnomalari bilimdoni;
✅Eng yaxshi inson huquqlari soxasidagi qonunchilik takliflari;
✅Eng yaxshi innovasion g‘oya muallifi;

Tanlovda faol ishtirok eting!

#DIQQAT_TANLOV!!!

📝Andijon iqtisodiyot va qurilish institutida “Yangi Konstitutsiya – taraqqiyot qomusi” mavzusida ilmiy maqolalar tanlovi tashkil etilmoqda. Tanlovda barcha talaba, tadqiqotchi, professor-o‘qituvchilar ishtirok etishlari mumkin.

📢Tanlov muddati: 1-3 – dekabr 2023-yil.

📝Maqolalar tanlovi O‘zbekiston Respublikasi Prezidentining 2023-yil 16-noyabrdagi “O‘zbekiston Respublikasi Konstitutsiyasi kuni bayramiga tayyorgarlik ko‘rish va uni o‘tkazish to‘g‘risida”gi F-72 – sonli farmoyishi 38-bandida “Barcha oliy ta’lim va ilmiy tashkilotlarda talabalar, magistrlar, tadqiqotchilar, tayanch doktorantlar va doktorantlar o‘rtasida “Yangi Konstitutsiya — taraqqiyot qomusi” mavzusida ilmiy maqolalar tanlovini tashkil etish” to‘g‘risida berilgan topshirig‘i doirasida o‘tkazilmoqda.

Institut tomonidan tanlov g‘oliblari uchun quyidagicha rag‘batlantirish mukofotlari belgilangan:
1-o‘rin – Bazaviy hisoblash miqdori (BHM)ning 3 baravari,
2-o‘rin – BHMning 2 baravari,
3-o‘rin – BHMning 1 baravari miqdorida pul mukofotlari beriladi.

Tanlov uchun maqolaga qo‘yilgan talablar:
📌14-shrift. 1.5 interval. Times New Roman
📌Chap tomondan 3 sm, qolgan tomonlari 2sm
📌Mualliflar soni 3 tagacha
📌Maqola 3 betdan 10 betgacha qabul qilinadi.
📌Maqolalar 30-noyabrga qadar qabul qilinadi.
📌Tanlovda ishtirok etish istagida bo'lgan talabgorlar “O‘zbek tili va ijtimoiy fanlar” kafedrasi mudiri t.f.f.d. (PhD) dotsent A.A.Xakimovga murojaat qilishlari so'raladi.

Tanlov uchun mas’ul: “O‘zbek tili va ijtimoiy fanlar” kafedrasi
Murojaat uchun telefon: +99893-415-95-36, Abdulxayev Elyorbek

#Meningkonstitutsiyam
#konstitutsiyakuni

#DIQQAT_TANLOV

Andijon iqtisodiyot va qurilish institutida “Mening Konstitutsiyam 31 yoshda” shiori ostida “Mening Konstitutsiyam va davlat tilim” mavzusida institut miqyosida diktant yozish tanlovi tashkil etilmoqda. Tanlovda barcha talaba, tadqiqotchi, professor-o‘qituvchilar ishtirok etishlari mumkin.

👨‍🎓 “Mening Konstitutsiyam 31 yoshda”shiori ostida 2023-yil 4-dekabr kuni ARM zalida soat 11:30 da Andijon iqtisodiyot va qurilish institutining barcha talabalari ishtirok etishlari mumkin.Tanlov g‘oliblari 1-2-3 o’rinlarga institut tomonidan estalik sovg’alari va faxriy yorliq bilan taqdirlanadi.

🟢Barcha talabalarni faol ishtirok etishga chorlaymiz.

Murojaat uchun: ☎️ 944308006
Tanlov uchun mas’ul: “O‘zbek tili va ijtimoiy fanlar” kafedrasi
Murojaat uchun telefon: +99894-430-8006, Yunusjonov Nodirbek.

https://t.iss.one/aiqi_uz

#Diqqat_Tanlov

✏️Andijon iqtisodiyot va qurilish instituti Yoshlar ittifoqi boshlang'ich tashkiloti tashabbusi bilan Navro'z bayrami munosabati bilan "O'lkamizda Navro'z" nomli insholar tanlovini e'lon qilinadi. Ushbu tanlovda barcha talabalarni faol ishtirok etishga chaqirib qolamiz.

✒️Insholarni topshirish muddati 18-mart ya'ni Dushanba kuni soat 12:00 ga qadar.

Murojat uchun:
@nematullaev07
@shokh_off1

https://t.iss.one/aiqi_uz

#diqqat_tanlov

🟢 "Bo'lajak olim" tanlovida ishtirok eting!

📣 Innovatsion rivojlanish agentligi hamda Yoshlar akademiyasi yoshlarning ilmiy g'oyalari va startap loyihalarini qo'llab-quvvatlash maqsadida "Bo'lajak olim" tanlovini e'lon qiladi.

🖥 Tanlovda shartlari va ishtirok etishga qo'yiladigan talablar bilan batafsil BU YERDA tanishishingiz mumkin.

✉️ Tanlovga arizalar joriy yilning 15-iyul kunidan 15-avgust kuniga qadar (shu kuni ham) qabul qilinadi.

⌛️ Tanlovda ishtirok eting va o'z tashabbusingizni biz bilan rivojlantiring!

Ijtimoiy tarmoqlarda bizni kuzatib boring!

https://t.iss.one/Andinnovatsion

#diqqat_tanlov

🟢 "Bo'lajak olim" tanlovida ishtirok eting!

📣 Oliy ta’lim, fan va innovatsiyalar vazirligi huzuridagi Innovatsion rivojlanish agentligi hamda Yoshlar akademiyasi yoshlarning ilmiy g'oyalari va startap loyihalarini qo'llab-quvvatlash maqsadida "Bo'lajak olim" tanlovini e'lon qiladi.

🖥 Tanlovda shartlari va ishtirok etishga qo'yiladigan talablar bilan batafsil BU YERDA tanishishingiz mumkin.

✉️ Tanlovga arizalar joriy yilning 15-avgust 00:00 ga qadar qabul qilinadi.

⌛️ Tanlovda ishtirok eting va o'z tashabbusingizni biz bilan rivojlantiring!

Bizni kuzating

Facebook | X | YouTube