#ҳаётий_мисол

Савол: Кадастр ҳужжатларини расмийлаштиришда гуруҳ ногиронлари қандай имтиёзларга эга? Шу ҳақида маълумот берсангиз?

Жавоб: Вазирлар Маҳкамасининг 2014 йил 10 июлдаги “Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида”ги 186-сон қарорига кўра, “Ижтимоий ҳимоя ягона реестри” ахборот тизимида рўйхатга олинган шахсларга, шунингдек, I ва II гуруҳлар ногиронлари ва Иккинчи жаҳон уруши қатнашчилари учун давлат хизматлари нархи хизматлар умумий қийматининг 50 фоизини ташкил қилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Кимлар қонун бўйича биринчи навбатдаги меросхўрлар ҳисобланади?
Жавоб: Фуқаролик кодексининг 1135-моддасига асосан мерос қолдирувчининг болалари (шу жумладан фарзандликка олинган болалари), эри (хотини) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўладилар. Мерос қолдирувчининг вафотидан кейин туғилган болалари ҳам биринчи навбатдаги ворислар жумласига кирадилар. Қонунчилигимиз ниҳоятда инсонпарвар бўлиб, ҳомила ҳолатида бўлган, бироқ ҳали туғилмаган бола ҳам меросхўр ҳисобланади ва меросни тақсимлаш ушбу меросхўр туғилгандан кейин амалга оширилади.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мен бир нафар вояга етмаган фарзандимни моддий таъминоти учун суд қарорига асосан алимент тўлайман, узоқ муддатга бетоб бўлиб алимент тўлай олмадим шу сабабли алиментдан қарздорлик юзага келди, қарздорликни тўлашга имконим йўқ, шу қарздорликдан озод бўлиш мумкинми?
Жавоб: Оила кодексининг 141-моддасига асосан агар суд алимент тўлаши шарт бўлган шахс касаллиги ёки бошқа узрли сабабларга кўра алимент тўламаганлигини аниқласа ҳамда унинг моддий ва оилавий аҳволи йиғилган алимент қарзни тўлашга имкон бермайди деб топса, алимент тўловчининг даъвосига биноан уни алимент қарзларини тўлашдан тўла ёки қисман озод этишга ҳақлидир.
Шунга асосан касаллик вақтида тўпланган алимент қарздорлигини тўлашдан озод қилиш бўйича судга даъво ариза билан мурожаат қилишингиз мумкин.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мен йўл транспорт ҳодисаси содир қилдим, натижада автомашина салони ичида бўлган йўловчи ва мен тан жароҳати олдик, йўловчининг тан жароҳати оғирлиги сабабли менга нисбатан жиноят кодексининг 266-моддасига асосан мен жиноий жавобгарликка тортилдим. Мен ҳам жароҳат олганлигим сабабли даволандим, лекин иш берувчи менга вақтинча меҳнатга қобилиятсизлик нафақаси тўлашдан бош тортмоқда, шу қонунийми?
Жавоб: 2002 йил 1 апрелда тасдиқланган “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги Низомнинг 2-бандида жиноят содир қилиш вақтида жароҳатланганда вақтинча меҳнатга қобилиятсизлик нафақаси берилмаслиги белгилаб қўйилган, шунга асосан сизга вақтинча меҳнатга қобилиятсизлик нафақаси берилмайди.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мен ёлғиз онаман, ишлайман, икки нафар 5 ва 9 ёшли вояга етмаган фарзандларим бор, менга даромад солғи бўйича имтиёз борми?
Жавоб: Солиқ кодексининг 380-моддасида икки ва ундан ортиқ ўн олти ёшга тўлмаган болалари бор ёлғиз оналар даромадининг ҳар бир ой учун меҳнатга ҳақ тўлашнинг энг кам миқдорининг 1,41 баравари миқдорида солиқ солишдан озод этилади.
Иш ҳақи даромад таркибига кирилганлиги сабабли мазкур моддага асосан сизнинг иш ҳақинингизни 1,41 баравар миқдори даромад солиғидан озод этилади, ундан ортиқ қисмидан даромад солиғи ундирилади.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мен иш жойимда меҳнат фаолиятимни олиб бориш вақтида жароҳатланиб даволанмоқдаман, менга қанча миқдорда вақтинча меҳнатга қобилиятсизлик нафақаси тўланади?
Жавоб: 2002 йил 1 апрелда тасдиқланган “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги НИЗОМнинг 26-бандида меҳнатда майибланиш ва касб касаллиги натижасида вақтинча меҳнатга қобилиятсиз бўлган ходимларга вақтинча меҳнатга қобилиятсизлик нафақаси иш стажининг давомийлигидан қатъи назар иш ҳақининг 100 фоизи миқдорида қуйидагиларга тўланиши белгилаб қўйилган.
Шунга асосан сизга иш ҳақининг 100 фоизи миқдорида вақтинча меҳнатга қобилиятсизлик нафақаси тўланади.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мени бир ёшга тўлган фарзандим бор, иш жойимда бажараётган вазифам оғирлиги сабабли тўғри келмаяпти, болам икки ёшга тўлган вақтга қадар бошқа ишга ўтиб ишлашим мумкинми?
Жавоб: Икки ёшга тўлмаган бола парваришини амалга ошираётган ота-онадан бири (васий) аввалги ишини бажариши мумкин бўлмаган тақдирда, ўз аризасига кўра бажариладиган иши учун ҳақ тўланадиган, бироқ аввалги иши бўйича ўртача иш ҳақидан кам бўлмаган миқдорда бола икки ёшга тўлгунига қадар иш ҳақи тўланадиган бошқа ишга ўтказилади.
Иш берувчида бошқа иш мавжуд бўлмаган тақдирда, икки ёшга тўлмаган бола парваришини амалга ошираётган ходимга қонунчиликда белгиланган тартибда бола парвариши бўйича нафақа тўланади.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Иш берувчи ҳодимни унинг розилигисиз бошқа ишга ўтказиши мумкинми?

Жавоб: Ишлаб чиқариш зарурияти ёки бекор туриб қолиш муносабати билан ходим розилигисиз меҳнат шартномасида кўрсатилмаган бошқа ишга вақтинча ўтказилиши мумкин. Бунда ходим соғлиғига қарши кўрсатма бўлган бошқа ишга ўтказилиши мумкин эмас. Бекор туриб қолиш сабабли ходимни пастроқ малака талаб этиладиган ишга вақтинча ўтказишга ходимнинг ёзма розилиги билан йўл қўйилади.
Ишлаб чиқариш зарурияти ёки бекор туриб қолиш муносабати билан ходим вақтинча бошқа ишга ўтказилган даврда ходимнинг меҳнатига ҳақ тўлаш бажараётган ишига қараб, бироқ аввалги ўртача ойлик иш ҳақидан кам бўлмаган миқдорда амалга оширилади.
Юқоридаги асослар билан ходимни бошқа ишга ўтказиш даври 1 йилда жами 60 кундан ошиши мумкин эмас.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Иш берувчи ҳодимни унинг розилигисиз бошқа ишга ўтказиши мумкинми?

Жавоб: Ишлаб чиқариш зарурияти ёки бекор туриб қолиш муносабати билан ходим розилигисиз меҳнат шартномасида кўрсатилмаган бошқа ишга вақтинча ўтказилиши мумкин. Бунда ходим соғлиғига қарши кўрсатма бўлган бошқа ишга ўтказилиши мумкин эмас. Бекор туриб қолиш сабабли ходимни пастроқ малака талаб этиладиган ишга вақтинча ўтказишга ходимнинг ёзма розилиги билан йўл қўйилади.
Ишлаб чиқариш зарурияти ёки бекор туриб қолиш муносабати билан ходим вақтинча бошқа ишга ўтказилган даврда ходимнинг меҳнатига ҳақ тўлаш бажараётган ишига қараб, бироқ аввалги ўртача ойлик иш ҳақидан кам бўлмаган миқдорда амалга оширилади.
Юқоридаги асослар билан ходимни бошқа ишга ўтказиш даври 1 йилда жами 60 кундан ошиши мумкин эмас.

Бизни ижтимоий тармоқларда кузатинг👇
Advice.uz | Telegram | Facebook | Youtube

#ҳаётий_мисол

Савол: Мен Ўзбекистон фуқаросиман, лекин ҳозир чет елдаман, лекин ҳозир Ўзбекистонда жойлашган меросни расмийлаштиришим керак, буни қандай амалга оширишим мумкин?

Жавоб: Мерос очилган кундан еътиборан 6 ой ўтгач хорижда бўлган Ўзбекистон фуқароси мерос ҳуқуқига кириш учун ўзи ёки бундай ҳуқуқни учинчи шахсларга (ишончнома орқали) ўтказиш йўли билан мамлакатга қайтиши керак. Умумий асослар бўйича мерос ишини очиш учун мулк жойлашган жойдаги нотариусга мурожаат қилиш лозим.
Мерос очилган жойдаги нотариус меросхўрнинг илтимосига биноан унга мерос ҳуқуқи тўғрисидаги гувоҳнома беришга мажбурдир.
Меросга бўлган ҳуқуқ тўғрисидаги гувоҳнома мерос очилган кундан бошлаб 6 ой ўтгач берилади.
Aгар сизда мерос олиш учун шахсан келиш имконингиз бўлмаса, сиз ўз ҳуқуқ ва мажбуриятларингизни ишончнома бериш орқали ишончли шахсга топширишингиз мумкин.

Каналга уланиш👇
https://t.iss.one/advice_uz

Бизни ижтимоий тармоқларда кузатинг👇
Advice.uz | Telegram | Facebook | Youtube