#eslab #maktab_choglarim

Assalomu alaykum aziz vatandosh! Bugun 25-may!

Yana siz azizlarga dilimdagilarni ochmoqni niyat qildim!

25-may. Bu kun oddiy sana emas men uchun! Bu kunni har doim o'zgacha his-hayajon, ehtiros bilan yodga olaman! Barcha ishlarni bir chetga surib qadrdon oshiyonim tomon yo'l olaman. Tanish yo'llar, bir biriga tutashib ketgan baland-baland uylar Ha, ichimda nimadur qalqib-qalqib meni tezroq yurishga undamoqda. Ana men ta'lim olgan, hayot deb atalmish ajoyib tilsimotni mazmunini chuqur anglashga yordam bergan maskan. Bir birini quvalashib yurgan bolalarni ko'rib o'quvchilik davrimni esga olaman. Sho'x-shodon, dardu-tashvishsiz damlar edi o'sha payt. Maktab binosi tomon qadam tashlar ekanman yuragim hayajondan qafasga tushgan qush misoli potirlaydi. Yana qadamni tezlataman... Ana men birinchi bor kelganda o'z quchog'ini ochgan sevimli sinfxona. U endi boshqa bolalar bilan gavjum. O'qituvchi stolini o'rab olib tinmay savol berayotgan "qaqajon" bolalar orasidan beixtiyor tanish nigoh menga qarab jilmayib turganini payqayman. U inson men uchun eng qadrli, ilk bor qo'limdan tutib yozishni o'rgatgan, odamiylik haqiqatini tushunishni, anglashni o'rgatgan zot. Qadri osmonlardanda baland inson, o'z kasbidan baraka topib, el ichra yuksak obro' qozongan shaxs, BIRINCHI O'QITUVCHIM. Ustozimdan bir muddat ham ko'zimni uzmayman. Ichimda faqat mana shu so'zlarni takrorlayman: barcha barchasi uchun sizga tashakkur, sizga ming bor ta'zim!!!”
Bolalikni eng go'zal damlari sen bilan totli edi, ardoqli edi, ey sinfdosh! Sen eding mening ilhomim, sen eding faxrim, g'ururim!
Maktab xovlisidan chiqar ekanman quloqqa tanish tovush eshitiladi. So'nggi qo'ng'iroq!
Hammasi uchun sizdan minnatdorman aziz ustozlar! Sizga bo'lgan hurmatim cheksiz...
Xayr maktab, xayr sinfdosh...

#Azamov Toxirjon#
Kanalga aʼzo boʻlish uchun👇
https://t.iss.one/joinchat/AAAAAEgYNtkeX3cinOxVOQ