#tabrik

Bitiruvchi yoshlarmizga tabrik

Qadrli o‘quvchi-yoshlar!
So‘nggi qo‘ng‘iroq... Oldinda esa imtihonlar, sinovlar va katta hayot! Tez orada sizning umr daftaringizning yangi sahifasi ochiladi – kasb egallash yo‘lida sizni yurtimizning oliygohlari, professional ta’lim maskanlari kutmoqda. Har biringiz o‘z orzungizdagi kasbni egallab, Vatanimiz, oilangiz va yaqinlaringiz koriga yaraydigan inson bo‘lib yetishasiz. Mutaxassis sifatida yurtimiz ravnaqi, xalqimiz farovonligi uchun mehnat qilib, qadr topishingizga ishonaman.

Bu yil oliy ta’lim muassasalariga kirish niyatida bo‘lgan yoshlarga sinovlar o‘tgan yilgidan o‘zgacha bo‘ladi. Bir qarashda murakkabroq – o‘qishga kirish uchun minimal o‘tish bali oshirilib, sog‘liqni saqlash, huquq, biznes va boshqaruv yo‘nalishlari uchun 94,5 ball, boshqa yo‘nalishlar uchun 75,6 ball etib belgilanadi. Shu bilan birga, sinovlar yanada adolatli bo‘ladi – test natijasi e’lon qilingandan so‘ng ta’lim yo‘nalishi va shaklini tanlash imkoniyati beriladi. Bu yuqori ball olgan abituriyentlarning oliy ta’lim muassasalariga kirish, shuningdek, grantda o‘qish imkoniyatini kengaytiradi. Oliy ta’lim muassasasiga kira olmagan abituriyentlar esa test sinovlari natijasiga ko‘ra texnikum yoki kasb-hunar maktablariga kirish imkoniyatiga ega bo‘ladilar.

Shu fursatdan foydalanib, sizlarni tarbiya qilgan, qiyin paytlarda qo‘llab-quvvatlagan ota-ona va yaqinlaringizga, bilim va tarbiya bergan ustozlaringizga minnatdorlik bildiraman.

Aziz yoshlar, katta hayot oldida turarkansiz, endi ulg‘ayganingizni, mas’uliyatni ham boshqacha his qilayotganingiz aniq. Orzularingizga, o‘z kuchingizga ishoning, yangi marralar sari intiling, oldingizga katta maqsadlar qo‘yib, ularga erishishda kuch va g‘ayrat hamisha sizga yor bo‘lsin! Yangi O‘zbekistonimiz bunyodkorlari sizlarsiz!

Qo‘ng‘irotboy Sharipov,
Oliy ta’lim, fan va innovatsiyalar vaziri

Bizni kuzating

Facebook | X | YouTube

#tabrik

Qadrli akademik litsey oʻqituvchi va murabbiylari, aziz bitiruvchilar, hurmatli ota-onalar!

Respublikamizdagi 71 ta oliy taʼlim muassasalari tasarrufidagi akademik litseylarda “Soʻnggi qoʻngʻiroq” yangrab, 12 ming nafardan ortiq oʻquvchilarimiz bitiruvchilarga aylandi, ularning hayotida yangi sahifa ochilib, katta hayotga uchirma boʻlishmoqda.

Soʻnggi yillarda Prezidentimiz tomonidan akademik litseylarga iqtidorli yoshlarni saralab olish tizimini rivojlantirish, ularni qoʻllab-quvvatlash uchun zarur sharoitlar yaratilmoqda. Ulgʻayib kelayotgan yosh avlodning ilm-fanga boʻlgan intilishlarini ragʻbatlantirish, intellektual va ijodiy salohiyatini roʻyobga chiqarish borasidagi islohotlarni tizimli amalga oshirilmoqda. Shuningdek akademik litseylar faoliyatini takomillashtirish boʻyicha bir qancha qarorlar imzolandi.

Ushbu qarorlar natijasida jumladan quyidagilarga erishildi:
— akademik litseylar faoliyatiga oid barcha jarayonlar toʻliq raqamlashtirildi;
— iqtidorli oʻquvchilar uchun “Akademik litsey iftixori” va “Rektor” stipendiyalari joriy qilindi;
— har yili bitiruvchi kurs oʻquvchilari uchun chet tilini bilish darajasini aniqlash va malaka sertifikatini olish boʻyicha bepul test sinovlarini oʻtkazish tizimi joriy etildi;
— 14 ta hudud boʻyicha bittadan akademik litseylar xalqaro fan (kimyo, biologiya va fizika) olimpiadalarida foydalaniladigan oʻquv laboratoriya jihozlari bilan taʼminlandi;
— soʻnggi uch yilda xalqaro fan olimpiadalarida 13 ta medallar qoʻlga kiritildi. Shundan 3 ta oltin, 3 ta kumush, 7 ta bronza;
— bitiruvchilarning oliy taʼlim muassasalariga oʻqishga kirish koʻrsatkichi 92 foizga yetdi;
— iqtidorli bitiruvchilarga oltin va kumush medallar berish tartibi joriy qilinib, bu yildan ilk marotaba 141 nafar bitiruvchi oltin, 168 nafari esa kumush medal bilan taqdirlandi.

Aziz bitiruvchilar!

Barchangizga kelgusi hayotda ulkan yutuq va omadlar tilayman. Umid va ishonch ramzi boʻlgan diplom va medallaringiz muborak boʻlsin!
Hech shubhasiz, oʻz bilim va isteʼdodini Vatanimiz va xalqimizga munosib farzand boʻlishdek olijanob maqsadlarga sarflashga chogʻlanib turgan Sizdek tirishqoq va intiluvchan farzandlarimiz – bizning ishonchimiz va tayanchimizdir.

Hech qachon unutmang, kelajakda Sizni yanada ulkan va masʼuliyatli marralar kutmoqda. Oldingizga aniq maqsad qoʻyib, bor kuch-gʻayratingiz, bilim va salohiyatingiz bilan harakat qilsangiz, koʻzlagan choʻqqilarga albatta erishasiz.

Qoʻngʻirotboy Sharipov,
Oliy ta’lim, fan va innovatsiyalar vaziri

Bizni kuzating

Facebook | X | YouTube

#tabrik

Prezident 27-iyun – Matbuot va ommaviy axborot vositalari xodimlari kuni munosabati bilan soha xodimlariga tabrik yo‘lladi
—

Президент направил свои поздравления работников отрасли с 27 июня – Днем работников печати и средств массовой информации

Bizni kuzating

Facebook | X | YouTube

#Tabrik

Qadrli jurnalistlar, matbuot va ommaviy axborot vositalari xodimlari, blogerlar!

Siz, azizlarni 27-iyun – “Matbuot va ommaviy axborot vositalari xodimlari” kuni bilan chin qalbimdan muborakbod etib, barchangizga chuqur hurmat-ehtiromim va ezgu tilaklarimni bildiraman.

Bugun dunyoda tahlikali vaziyat hukm surayotgan bir vaqtda kuchli huquqiy davlat va pirovardida fuqarolik jamiyatini qurish maqsadimiz ustuvor bo’lib qolaveradi. OAV, jurnalistlar va blogerlar huddi oyna kabi yuzimizga kamchiliklarimiz va muammolarimizni ko‘rsatib bermoqdaki, bu barchaga birdek foydali va manfaatli bo‘lmoqda. Bugun Andijon davlat universiteti barcha turdagi OAV hamda blogerlar bilan samarali hamkorlik olib bormoqda va bundan keyin ham doimo ochiq muloqotda bo‘lishini bildirib o‘tmoqchiman.

Sizlarni Matbuot va ommaviy axborot vositalari xodimlari kuni bilan yana bir bor samimiy tabriklayman.

Barchangizga sihat-salomatlik, ezgu faoliyatingizda yutuq va omadlar, oilaviy baxt, xonadonlaringizga tinchlik-xotirjamlik, fayz-u baraka tilayman.

Baxtiyorjon Bakirovich Akbaraliyev Andijon davlat universiteti rektori

👉🏻rektorning telegram sahifasi

#yoshlar_kuni
#tabrik

Aziz yoshlar!

Bugun jamiyatimizing eng shijoatli, maqsad sari intiluchan, ijodkor vakillari – siz yoshlarni alohida e’tirof etiladigan kun. Sizlar yurtimiz kelajagi, umidimiz va ertamiz bunyodkorisiz. Sizning orzularingiz, intilishlaringiz va yutuqlaringiz Prezidentimiz tashabbusi bilan barpo etilayotgan Yangi Oʻzbekiston taraqqiyoti asosidir.

Sizning har biringizda dunyoni yaxshi tomonga o'zgartira oladigan noyob iste'dod va salohiyat bor. G'ayratingiz, bilimga va kashfiyotlarga intilishingiz jamiyatimizni yanada kuchli va mukammal qiladi. Yoshlar kuni dadil g'oyalar va loyihalaringizni amalga oshirishga azmu gʻayrat qilisgingiz uchun sabab bo’ladigan kun boʻlib xotirangizda qolishini istardim.

Oliy ta’lim, fan va innovatsiyalar vazirligi yoshlarning rivojlanishi, ilm-fan va tadqiqotlarga intilishini qo'llab-quvvatlaydi. Biz sizlarning oʻz kuchli tomonlaringizni kashf qilishingiz va maqsadlaringizga erishishingiz mumkin bo'lgan muhitni yaratish uchun bor imkoniyalarni safarbar qilishga tayyormiz.

Sizga orzularingizni ro'yobga chiqarishda kuch-gʻayrat, ishonch va koʻtarinkilik tilayman. Har kuningiz yangi kashfiyotlar, ijodiy yutuqlar va quvonchli daqiqalarga boy boʻlsin.

Yoshlar kuni muborak bo'lsin! Yangi marralarga erishisish saodatidan bahra boʻlish hamisha nasib etaversin!

Qoʻngʻirotboy Sharipov,
Oliy ta’lim, fan va innovatsiyalar vaziri

Bizni kuzating

Facebook | X | YouTube

#tabrik

1-oktabr – O‘qituvchi va murabbiylar kuni

Bayramingiz muborak bo‘lsin aziz ustozlar!

Bizni kuzating

Facebook | Instagram | YouTube | Telegram

#tabrik

Qadrli yoshlar, aziz bitiruvchilar!

Yuraklaringizda shodu xurramlik, koʻzlaringizda buyuk orzular mujassam boʻlgan shu daqiqalarda barchangizni taʼlim olishdagi muhim bosqich – maktabni muvaffaqiyatli yakunlayotganingiz bilan samimiy muborakbod etaman.

Soʻnggi qoʻngʻiroq – yangi imkoniyatlar eshigini ochuvchi ramziy ondir. Oldinda sinovlar, tanlovlar va eng asosiysi – katta hayot turibdi. Endigi maqsadingiz – mustaqil va farovon Yangi Oʻzbekistonni barpo etishga qodir, bilimli va yetuk mutaxassis boʻlishdir. Sizlarni yurtimizdagi nufuzli oliy va kasbiy taʼlim tashkilotlari intiqlik bilan kutmoqda.

Muhtaram Prezidentimiz Shavkat Mirziyoyev boshchiligida mamlakatimizda yoshlarga boʻlgan eʼtibor davlat siyosatining ustuvor yoʻnalishlaridan biriga aylangan. Bugungi kunda har bir yoshning iqtidorini roʻyobga chiqarish, ularni zamonaviy bilim va kasb-hunarga egallashi, tashabbuslarini qoʻllab-quvvatlash uchun barcha shart-sharoitlar yaratilmoqda. “Yoshlar – kelajagimiz” tamoyili asosida amalga oshirilayotgan keng koʻlamli islohotlar sizning hayotda munosib oʻrin egallashingizga xizmat qilmoqda.

Siz – Yangi Oʻzbekistonni barpo etayotgan avlodsiz! Shu bois har biringizda vatanparvarlik tuygʻulari, yurt taqdiriga daxldorlik hissi va katta masʼuliyat boʻlishi darkor. Taʼlim davomida orttirgan bilim va koʻnikmalaringiz, ezgu niyat va yuksak maqsadlaringiz bilan Vatanimiz taraqqiyotiga munosib hissa qoʻshishingizga ishonchim komil.

Sizlarga kuch-gʻayrat, bardavom omad, tinimsiz izlanish va orzu-maqsadlaringiz sari qatʼiyat bilan intilish tilayman. Oldindagi yoʻlingiz muvaffaqiyatli boʻlsin!

Qo‘ng‘irotboy Sharipov,
Oliy ta’lim, fan va innovatsiyalar vaziri

Bizni kuzating

Facebook | Instagram | YouTube | Telegram

#Tabrik

Qadrli jurnalistlar, matbuot va ommaviy axborot vositalari xodimlari, blogerlar!

Siz, azizlarni 27-iyun – “Matbuot va ommaviy axborot vositalari xodimlari” kuni bilan chin qalbimdan muborakbod etib, barchangizga chuqur hurmat-ehtiromim va ezgu tilaklarimni bildiraman.

Bugun dunyoda tahlikali vaziyat hukm surayotgan bir vaqtda kuchli huquqiy davlat va pirovardida fuqarolik jamiyatini qurish maqsadimiz ustuvor bo’lib qolaveradi. OAV, jurnalistlar va blogerlar huddi oyna kabi yuzimizga kamchiliklarimiz va muammolarimizni ko‘rsatib bermoqdaki, bu barchaga birdek foydali va manfaatli bo‘lmoqda. Bugun Andijon davlat universiteti barcha turdagi OAV hamda blogerlar bilan samarali hamkorlik olib bormoqda va bundan keyin ham doimo ochiq muloqotda bo‘lishini bildirib o‘tmoqchiman.

Sizlarni Matbuot va ommaviy axborot vositalari xodimlari kuni bilan yana bir bor samimiy tabriklayman.

Barchangizga sihat-salomatlik, ezgu faoliyatingizda yutuq va omadlar, oilaviy baxt, xonadonlaringizga tinchlik-xotirjamlik, fayz-u baraka tilayman.

Baxtiyorjon Bakirovich Akbaraliyev Andijon davlat universiteti rektori

👉🏻rektorning telegram sahifasi