#кыһа #үлэкиһитэ

⭐️ Россия Үөрэҕэриитин ситимин бочуоттаах үлэһитэ Галина Захарова 33-с сылын тиһэх чуорааны көрүстэ.

Бу күн 2007 сыллааҕы М.А.Алексеев аатынан гимназия выпускниктара кэлэн сибэкки дьөрбөтүн туттардылар.

"Үөһээ Бүлүү" хаһыат

#кыһа

🏃‍♂️ Кэнтик орто оскуолатын уонна Оҕо спортивнай оскуолатын хамаандаларын икки ардыларыгар ыытыллар "О, спорт -ты Мир!" диэн девизтээх доҕордуу быйылгы футболга күрэхтэһиибит Улуу Кыайыы 78 сылыгар ананна.

Үөһээ Бүлүү улууһуттан, Аҕа дойду Улуу сэриитин соҕотох Советскай Союз геройа Алексей Афанасьевич Миронов төрөөбүт-үөскээбит кэрэ-мааны айылҕалаах, уус-удьуор дьонноох Кэнтик сиригэр үгэскэ кубулуйбут тэрээһиммит төрдүс төгүлүн ыытылынна.

Күрэх түмүгүнэн Кэнтик хамаандата кыайыыны ситиһэн, көһө сылдьар кубогы тутта. Кыттааччылар грамотанан наҕараадаланнылар. Оҕо спортивнай оскуолатын хамаандатын күүстээх оонньооччутунан Кэскил Васильев, онтон Кэнтик хамаандатын күүстээх оонньооччутунан Георгий Новгородов ааттаннылар.

Чап уустарын түмэлигэр сылдьан, оҕолор көрбөтөхтөрүн көрөн, билиилэрин хаҥатан, эт-хаан эрэ өттүнэн буолбакка, өйдөрүн-санааларын таһымын байытан, астынан, сэргэхсийэн кэллилэр.

Сонуннарга анаан Саргылана Павлова

Комментарийга киирэн бу күнтэн харахтарыгар хатаабыт хаартыскаларынан оҥорбут клиптарын көрүҥ⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️

"Үөһээ Бүлүү" хаһыат

#кыһа #оҕосаас

🖼️ Бүгүн ыам ыйын 18 күнүгэр оҕо библиотекатыгар "Педагог уонна уһуйааччы" сылыгар аналлаах ССРС уонна РСФСР үөрэҕириитин туйгуна, Саха Азия оҕо пуондатын степендиата, Гражданскай килбиэн бэлиэ хаһаайката, Үөһээ Бүлүү нэһилиэгин уонна улууһун Бочуоттаах олохтооҕо, педагогическай үлэ бэтэрээнэ Вера Герасимовна Мачахова ырыа буолбут хоһоонноруттан "Оҕо саас ырыалара" улуустааҕы тэрээһинэ буолла.

Көхтөөх кыттыыны ылбыт уһуйааннарга махтанабыт. Баҕарабыт үлэҕитигэр ситиһиини, саҥаттан саҥа кирбиилэри дабайыылары, үрдүктэн үрдүк чыпчааллары.

Дьүүллүүр сүбэ түмүгүнэн кэтэхтэн кыттыыга
"Кылаан чыпчаал" үрдүк аатын "Кэскил"оҕону сайыннарар киин ырыаҕа уһуйааччыта Филиппова Альбина Александровна иитээччилэринээн ыллылар.

1-кы Үрдэл - Быракаан оскуола-оҕо саадын ырыаҕа уһуйааччыта Иннокентьева Светлана Анатольевна иитээччилэринээн,
2-с Үрдэл - Далыр "Тускул" оҕо саадын ырыаҕа уһуйааччыта Михалёва Саргылана Валериевна иитээччилэринээн буоллулар.

Сирэй кыттыыга "Кылаан чыпчаал" кыайыылаах аатын
"Үрүйэчээн" оҕо сайдар киинин ырыаҕа уһуйааччыта Прокопьева Туйаара Николаевна иитээччилэринээн ылла.

1-кы Үрдэл - "Сардаана" уһуйаан ырыаҕа уһуйааччыта Васильева Алина Макариевна иитээччилэринээн,
2-с Үрдэл - "Алёнушка" о5о сайдар киинин ырыаҕа уһуйааччыта Попова Татьяна Анатольевна иитээччилэринээн,
3-с Үрдэли "Теремок" оҕо сайдар киинин ырыаҕа уһуйааччыта Борисова Марина Иннокентьевна уонна
"Сайыына" оҕо сайдар киинин иитээччитэ Филиппова Татьяна Ионовна иитээччилэринээн ыллылар.

Сонуннарга анаан Вероника Протопопова

"Үөһээ Бүлүү" хаһыат

#кыһа

🏃‍♂️ Алтынньы 2 күнүгэр Н.И.Бойлохов аатынан Оҕо искусство оскуолатыгар аан дойду үрдүнэн анаммыт Музыка күнүгэр аналлаах үөрүүлээх линейка буолан ааста.

Искусство оскуолатын оҕолорун дириэктэр Анатолий Валерьевич Иванов эҕэрдэлээн тыл эттэ.

СР култууратын туйгуна, музыка теориятын биэрэр үрдүкү категориялаах уһуйааччы София Николаевна Михайлова Аан дойдуга музыка күнүн хас сыллаахха, ким тэрийбитин оҕолорго кэрэхсэбиллээхтик кэпсээтэ.

Нюргустана Даниловна Бугулова салайааччылаах быйыл күһүн саҥа бастакы кылааска киирбит хор кылааһын оҕолоро Россия биллиилээх композитордарын ырыаларын икки куолаһынан ыллаан үрдүк биһирэбили, тохтор ытыс тыаһын ылыахтарын ыллыллар.

Үрдүкү категориялаах уһуйааччы Марта Анатольевна Тоноева үөрэтэр 3-с кылааһын үөрэнээччитэ Дарина Никифорова блокфлейтаҕа Кабалевскай "Наш край" айымньытын фортепиано кылааһын преподавателэ Марина Георгиевнаны Петрова доҕуһуолунан үрдүк таһымнаатык оонньоотулар.

Баян кылааһын преподавателя Никифор Никифорович Афанасьев үөрэнээччитин Саян Докторовы кытта Н.И.Бойлохов "Күннэй" суруйуутун баянҥа олус умсугутуулаахтык оонньоотулар.

Бу күҥҥэ даҕатан, самодеятельнай худуоһунньук Николай Рязанскайы кытта көрсүһүү, истиҥ кэпсэтии уруһуйунан дьарыктанар кылаас оҕолорун элбэххэ үөрэттэ, инникигэ кынаттаата.

Саҥа үлэ, үөрэх нэдиэлэтэ искусство оскуолатыгар олус интириэһинэйдик, көхтөөхтүк саҕаланна.

Сонуннарга анаан Дария Яковлева

"Үөһээ Бүлүү" хаһыат

#кыһа

⭐️ Алтынньы 4 күнүгэр Учуутал күнүн көрсө П.Н. Тобуруокап аатынан Нам орто оскуолатыгар "Билии баайдаах учуутал бартыбыала" диэн быыстапка аһылынна.

Быыстапкаҕа араас сылларга үлэлээн ааспыт учууталлар үлэлэригэр туһаммыт методическай матырыйааллара көрдөрүүгэ турдулар.

Быыстапкаҕа саха норуодунай бэйээтэ П.Н.Тобуруокап уонна РФ үөрэҕириитин туйгуна Е.В.Ноговицына оскуолаҕа туһаммыт матырыйааллара баара улахан болҕомтону тарта.

Тэрээһини бэтэрээн учууталлар тэрийдилэр. Саҥа кэлэн үлэлээн эрэр эдэр учууталлар кыттыыны ыллылар, оскуола устуоруйатын биллилэр, элбэх сүбэни- соргуну иһиттилэр.

Сонуннарга анаан Нина Саввинова

"Үөһээ Бүлүү" хаһыат

#кыһа

⭐️Ил Дархан үөрэх тэрилтэлэригэр саҥа массыыналар күлүүстэрин туттарда

Айсен Николаев өрөспүүбүлүкэ оскуолаларыгар уонна орто үөрэх кыһаларыгар уопсайа 44 оптуобус күлүүһүн туттарда. Ол иһигэр 27 газель улуустарга, үс массыына Дьокуускай куорат оскуолаларыгар уонна 13 оптуобус идэни биэрэр орто үөрэх тэрилтэлэригэр ананна.

Бу барыта оҕолор үүнэллэригэр, сайдалларыгар туһуланар бырагыраама үлэтэ. Хас биирдии оскуола тиэхиньикэлээх буоллаҕына, оҕолор баран-кэлэн, араас күрэхтэһиилэргэ кыттар, олимпиадаларга ситиһиилэнэр кыахтаналлар. Биир этиинэн эттэххэ, оптуобустаах оскуола ыыра кэҥиир.

Оттон биһиги улууспутугар бүгүн эбии 4 остуолум ананна. Ол курдук, Нам, Мэйик, Тамалакаан нэһилиэктэрин оскуолалара уонна Үөһээ Бүлүүтээҕи Техникум саҥа газель массыыналаннылар.

Саҥа оптуобустар күлүүстэрин оскуолалар выпускниктара, Үөһээ Бүлүү улууһун бэрэстэбиитэлистибэтин салайааччыта Анатолий Иванов уонна Техникум дириэктэрэ Мотрена Осипова Ил Дархан Айсен Николаев илиититтэн туттулар.

Быйылгы сылга РФ Бырабыыталыстыбатын дьаһалынан, "Үөрэҕирии" национальнай бырайыак чэрчитинэн, Саха сиригэр уопсайа 121 мөл.солк. тахса суумалаах тиэхиньикэ бэриллибит.

Тимир көлөлөр этэҥҥэ сулууспалаатыннар🙌 күөх уоту, көнө суолу🙌🙌🙌

"Үөһээ Бүлүү" хаһыат

#егэ #ситиһии #кыһа

⭐️ Үөһээ Бүлүүттэн Евдокия Николаева историяҕа биир кэлим эксээмэни 100 баалга туттарда

Өрөспүүбүлүкэ үрдүнэн история предметигэр муҥутуур баалы ылбыт бастакы выпускник буолла.

Евдокия 9 кылааһы Үөһээ Бүлүүтээҕи лицей-интернаты бүтэрэн баран салгыы Норуоттар икки ардыларынааҕы Арктика оскуолатын ааспыт сылга түмүктээбитэ.

Былырыын нуучча тылын 100 баалга туттаран Ил Дархан Айсен Николаевтан 100 тыһыынчалаах бириэмийэни ылбыта.

"Былырыын бааллара үрдүк этэ, хас да үрдүк үөрэхтэн 100 бааллаах выпускник диэн биһиэхэ киирэн үөрэн диэн ыҥырбыттара. Ону эһиил туттарыам диэн биир сыл үөрэхтэн сынньанан, чопчу ханнык үөрэххэ киирэрбин толкуйдуом диэн докумуоннарын биэрбэтэҕэ.
История предметин таах туттарбакка хаалбыппын диэн быйыл эбии историяны уонна английскай тылы туттарда. Билигин омук тылын эксээмэнин түмүгүн күүтэбит. Историяны туттарарыгар Үөһээ Бүлүүтээҕи лицей выпускнигын быһыытынан туттарда. Онон бу ситиһии улуус туһатыгар ааҕыллар", - диэн Евдокия ийэтэ Лариса Семеновна Верховцева кэпсээтэ.

Оттон Евдокия аҕата Василий Валерьевич Николаев улууспут Аҕа баһылыга Валерий Николаев бииргэ төрөөбүт быраата. Николаевтар дьиэ кэргэттэригэр, аймахтарыгар биир кэлим эксээмэни 100-түү баалга туттарбыт ыччаты иитэн таһаарбыккытынан эҕэрдэ бастыҥа буолуохтун!

"Үөһээ Бүлүү" хаһыат