Дойду Президиэнэ Владимир Владимирович Путин ыйааҕынан "Жилье и городская среда" диэн национальнай бырайыак чэрчитинэн тэриллибит «Формирование комфортной городской среды» диэн федеральнай бырайыак 5 сыллаах үлэтин түмүгэр Саха Өрөспүүбүлүкэтигэр 68 уопсай туһаныы уонна 144 дьиэ таһынааҕы сирдэр тупсарылыннылар.

Бу сыалы ситиһэргэ 2,6 млрд харчы, ол иһигэр 2,2 млрд федеральнай харчы көрүлүннэ.

Бу бырайыак көмөтүнэн куораттар, нэһилиэктэр көстүүлэрэ сылтан сыл тупсан иһэр, ону таһынан дьон-сэргэ сынньанар, дьаарбайар сирдэрэ элбииллэр, олорор олох усулуобуйа таһыма үрдүүр.

2020 сылтан, биһиги Үөһээ Бүлүүбүт улууһугар, дьон-сэргэ сылдьан сынньанар сирдэрин тупсарыыга маннык үлэлэр тэриллибиттэрэ:

1. Куорамыкы күөлүн тупсарыыта
2. Сынньалан уонна култуура паарката
3. Оҕо оонньуур балаһаакката

Бу бырайыактар Дойдубут Президиэнэ Владимир Путин өйөөбүт бырагыраамматын өҥөтүнэн, сөптөөхтүк үлэлииринэн туһаныллан олох-дьаһах тупсуутугар сүҥкэн хардыы оҥоһуллубута.

Бу ылыллыбыт тиэмпэни ыһыктыбакка быйылгы сылга "Жилье и городская среда" диэн национальнай бырайыак иһинэн өссө эбии 3 үлэ оҥоһуллара былааннанар.

Ол курдук:
1. Үөһээ Бүлүү сэлиэнньэтигэр И.Н. Барахов аатынан сквер
2. "Кунку" Үөдүгэйдээҕи парка тупсарыыта.
3. Хомустаах нэһилиэгин скверын тупсарыыта

2024 сыл кулун тутар 15 күнүттэн муус устар 30 күнүгэр диэри Үөһээ Бүлүү улууһун 5 нэһилиэгэ "Жильё и городская среда" национальнай бырайыак чэрчитинэн тэриллэр "Формирование комфортной городской среды" диэн судаарыстыбынай бырайыак көмөтүнэн 2025 сылга тупсарыллар уопсай сынньанар сирдэри талыыга онлайн куоластааһыҥҥа кыттыахтара. Хас биирдии кыттар нэһилиэк иккилии бырайыагы куоластааһыҥҥа таһаарыа.

Күндү биир дойдулаахтарбыт, Үөһээ Бүлүүлэр!
Онлайн куоластааһыҥҥа көхтөөх кыттыыны ыларгытыгар ыҥырабын. Эһиги куоластааһыҥҥыт быһарыа, ханнык нэһилиэккэ тупсаҕай дьон-сэргэ сынньанар паарката 2025 сылга баар буолара.

#НациональнаяПрограмма
#КомфортнаяГородскаяСреда
#Благоустройство
#ИннибитХотуБарыБииргэ

t.iss.one/ValeriNikolaev