Үөһээ Бүлүү улууһун холбоһуктаах тэрилтэлэрин икки ардыгар ыытыллар комплекснай спартакиада чэрчитинэн ыытыллыбыт дуобатка хамаанданнан күрэхтэһии түмүктэннэ.

Уопсайа 9 хамаанда кытынна.
Күрэхтэһии түмүгэр:
1⃣ миэстэҕэ таҕыста И.С. Барахов аатынан 1 нүөмэрдээх орто оскуола хамаандата 
2⃣ миэстэҕэ таҕыста ДЮСШ уонна РЭС холбоһуктаах хамаандата.
3⃣ миэстэҕэ таҕыста "Аленушка" оҕо уһуйаана уонна ОМВД холбоһуктаах хамаандата.

Кыайыылаахтары ситиһиигитинэн эҕэрдэлиибит!

Кэлэр нэдиэлэ бээтиниссэтигэр шахмат күрэхтэһиитэ ыытыллар.

#Дуобат
#Шашки
#Спартакиада
#ҮөһээБүлүү

Үөһээ Бүлүү улууһун дьаһалтатын пресс-сулууспата.

64 харахтаах дуобакка Аан дойду чемпионатыгар Саха Өрөспүүбүлүкэтиттэн 9 спортсмен кыттыыны ылыахтара. Саха Сирин сүүмэрдэммит хамаандатын састаабыгар Үөһээ Бүлүү улууһуттан Дайаана Кондратьева чемпионатка кыттыыны ылыаҕа.

Дайаана Кондратьева – дуобакка спорт маастара, Европа чемпионатын призера, Россия, Европа, Аан Дойду бастыыр иһин күрэхтэһиилэрин кыайыылааҕа уонна призера.

Дайаана дуобатынан 4-с кылаастан дьарыктанар. Дуобакка Үөһээ Бүлүүтээҕи оҕо спорт оскуолатыгар тренер Сардаана Терентьеваҕа дьарыктанан саҕалаабыта. Онтон кэлин Дьокуускай куоракка Саха Өрөспүүбүлүкэтин үрдүкү тренерыгар 5-с нүөмэрдээх оҕо спорт оскуолатыгар Иван Павловка дьарыктанар.

Аан дойду дуобакка чемпионатыгар Үөһээ Бүлүү улууһуттан төрүттээх дуобатчыт Саха Сирин, бүтүн Россия чиэһин көмүскүүрүттэн киэн туттабыт уонна Дайаанаҕа үрдүк ситиһиилэри баҕарабыт.

#Шашки
#ЧемпионатМираПоШашка
#ДайаанаКондратьева
#ВерхневилюйскийУлус

t.iss.one/ValeriNikolaev