Алтынньы 14 күнүгэр Саха Сирин Дуоҕатын күнүн бэлиэтиибит.

1992 сыллаахха алтынньы 14 күнүгэр Ил Түмэн судаарыстыбаннай мунньаҕынан Саха судаарыстыбаннай былааҕын туһунан сокуон ылыллыбыта. Российскай Федерация Судаарыстыбаннай геральдическай регистырыгар №183 регистрацияламмыта. Судаарыстыбаннай былаах гербэни, гимыны кытта сүрүн судаарыстыбаннай символ быһыытынан, Саха сиригэр олорор элбэх национальностар сомоҕолоһууларын сүрүн бэлиэтэ буолар.

Сахабыт Сирин былааҕын суолтата:

Халлаан күөҕэ үрүҥ күнү кытта - көлүөнэ алтыһыыта, саха норуотун төрүт үгэһигэр, үрүҥ күҥҥэ сүгүрүйүү.

Маҥан – ыраас санааны.

От күөҕэ – айылҕабыт, кылгас сайыммыт.

Кыһыл - ийэ дойдуга бэриниилээх буолуу, олорон ааспыт көлүөнэҕэ ытыктабыл.

Сахабыт Өрөспүүбүлүкэтин былааҕа эйэлээх халлааны, дойдубут бигэ туруктаах, чэлгийэ сайдыбыт олоҕун кэрэһилии, тапталлаах Сахабыт Сирин саргылаах сарсыҥҥытын туһугар эппиэтинэспитин мэлдьи саната туруохтун.

#СахаСиринБылааҕа
#СахаСирэ

t.iss.one/ValeriNikolaev