Бүгүн, ахсынньы 18 күнүгэр улуус дьаһалтатын аактабай саалыгар социальнай тэрилтэлэр салайааччылара кыттыылаах доруобуйаларынан хаарчахтаах дьоҥҥо көрүллэр социальнай өҥөлөр тула төгүрүк остуол тэрилиннэ.
Төгүрүк остуолга кыттыыны ыллылар:
Үөһээ Бүлүү улууһун баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Михайловна Уларова, улуус баһылыгын дьаһалта дьыалатын салайыыга солбуйааччы Михаил Михайлович Егоров, инбэлииттэр уопсастыбаларын бэрэсэдээтэлэ Зоя Степановна Петрова, улуус борукуруорун көмөлөһөөччүтэ Елизавета Анатольевна Анахина, киин балыыһа сүрүн бырааһын солбуйааччы Мария Николаевна Прокопьева, үлэ уонна нэһилиэнньэ социальнай харысхаллаах буолуутун салалтатын салайааччытын эбээһинэһин толорооччу Зоя Валентиновна Егомина, пенсионнай уонна социальнай фонда клиентскай сулууспа салайааччыта Альбина Ивановна Николаева, "Мин докумуоннарым" элбэх өҥөнү оҥорор киин салайааччыта Анегина Васильевна Малычехорова, нэһилиэнньэ дьарыктаах буолуутун киинин инспектора Наталья Николаевна Обоева уонна Үөһээ Бүлүү нэһилиэгин дьаһалтатын исписэлииһэ Марина Юрьевна Максимова.
Төгүрүк остуолга дьарыктаах буолуу, социальнай хантыраагынан өйөбүл, көрүллэр өҥөлөр, социальнай десант, босхо көрүллэр эмп, юридическай көмө туһунан кэпсэтии барда.
Бүгүҥҥү туругунан улууспутугар 236 бастакы группалаах, 321 иккис группалаах, 571 үһүс группалаах, 214 оҕо инбэлииттэр бааллар.
Дьарыктаах буолуу кииҥҥэ быйыл 2024 сылга 19 доруобуйатынан хаарчахтаах дьон учуокка турбут, онтон 15 киһи үлэҕэ киирбит.
Улууспут доруобуйаларынан хаарчахтаах дьоно уопсастыбаҕа тэҥ бырааптаах, харысхаллаах, көхтөөх олохтоох буолууларын хааччыйар инбэлииттэр уопсастыбалара сүҥкэн үлэни ыытар. Ол курдук, Үөһээ Бүлүү улууһугар доруобуйаларынан хаарчахтаах дьоҥҥо анаммыт уон күннээх тэрээһин ахсынньы 1 күнүттэн ыытыллыбыта. Ахсынньы 10 күнүгэр инбэлииттэр спартакиадалара «Үс Хоһуун» спорт саалатын уораҕайыгар ыытыллыбыта. Сэтинньи 14 күнүгэр Забайкальскай уобалас Чита куоратыгар харахтарынан инбэлииттэр бүтүн Россиятааҕы уус-уран айымньыларын фестивалыгар 8 Россия регионнарыттан Үөһээ Бүлүүтээҕи көрбөттөр уопсастыбаларын "Сырдык ыллык" ансаамбыла бу фестивальга ситиһиилээхтик кыттан бөлөҕүнэн ырыа номинациятыгар 1 степеннээх дипломынан наҕараадаламмыта. Онтон биирдиилээн ырыаһыт номинацияҕа Ульяна Варварикова 3 степеннээх дипломынан наҕараадаламмыта.
Маны сэргэ, ахсынньы 12-13 күннэригэр Дьокуускай куоракка харахтарынан мөлтөх дьоҥҥо өрөспүүбүлүкэтээҕи культурнай, спортивнай, интеллектуальнай, реабилитационнай фестивалыгар Үөһээ Бүлүү улууһун хамаандата чемпионнаабыта.
Бүгүн ахсынньы 18 күнүгэр Олоҥхо дьиэтигэр киэһэ 18:00 чаастан доруобуйаларынан хаарчахтаах оҕолор кыттыылаах Саҥа Дьыллааҕы «Түмсүөххэ! Үөрүөххэ! Кэрэни туойуохха!» диэн аһымал концерт туруоҕа. Кэлиҥ, көрүҥ, сэргээҥ, сэҥээриҥ диэн ыҥырабыт.
Тохсунньу 6 күнүгэр доруобуйаларынан хаарчахтаах оҕолорго Саҥа Дьыллааҕы бырааһынньык Оҕо искусство оскуолатын дьиэтигэр күнүс 14:00 чаастан буолуоҕа.
#ОбществоИнвалидов
#ВерхневилюйскийУлус
Үөһээ Бүлүү улууһун дьаһалтатын пресс сулууспата
Төгүрүк остуолга кыттыыны ыллылар:
Үөһээ Бүлүү улууһун баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Михайловна Уларова, улуус баһылыгын дьаһалта дьыалатын салайыыга солбуйааччы Михаил Михайлович Егоров, инбэлииттэр уопсастыбаларын бэрэсэдээтэлэ Зоя Степановна Петрова, улуус борукуруорун көмөлөһөөччүтэ Елизавета Анатольевна Анахина, киин балыыһа сүрүн бырааһын солбуйааччы Мария Николаевна Прокопьева, үлэ уонна нэһилиэнньэ социальнай харысхаллаах буолуутун салалтатын салайааччытын эбээһинэһин толорооччу Зоя Валентиновна Егомина, пенсионнай уонна социальнай фонда клиентскай сулууспа салайааччыта Альбина Ивановна Николаева, "Мин докумуоннарым" элбэх өҥөнү оҥорор киин салайааччыта Анегина Васильевна Малычехорова, нэһилиэнньэ дьарыктаах буолуутун киинин инспектора Наталья Николаевна Обоева уонна Үөһээ Бүлүү нэһилиэгин дьаһалтатын исписэлииһэ Марина Юрьевна Максимова.
Төгүрүк остуолга дьарыктаах буолуу, социальнай хантыраагынан өйөбүл, көрүллэр өҥөлөр, социальнай десант, босхо көрүллэр эмп, юридическай көмө туһунан кэпсэтии барда.
Бүгүҥҥү туругунан улууспутугар 236 бастакы группалаах, 321 иккис группалаах, 571 үһүс группалаах, 214 оҕо инбэлииттэр бааллар.
Дьарыктаах буолуу кииҥҥэ быйыл 2024 сылга 19 доруобуйатынан хаарчахтаах дьон учуокка турбут, онтон 15 киһи үлэҕэ киирбит.
Улууспут доруобуйаларынан хаарчахтаах дьоно уопсастыбаҕа тэҥ бырааптаах, харысхаллаах, көхтөөх олохтоох буолууларын хааччыйар инбэлииттэр уопсастыбалара сүҥкэн үлэни ыытар. Ол курдук, Үөһээ Бүлүү улууһугар доруобуйаларынан хаарчахтаах дьоҥҥо анаммыт уон күннээх тэрээһин ахсынньы 1 күнүттэн ыытыллыбыта. Ахсынньы 10 күнүгэр инбэлииттэр спартакиадалара «Үс Хоһуун» спорт саалатын уораҕайыгар ыытыллыбыта. Сэтинньи 14 күнүгэр Забайкальскай уобалас Чита куоратыгар харахтарынан инбэлииттэр бүтүн Россиятааҕы уус-уран айымньыларын фестивалыгар 8 Россия регионнарыттан Үөһээ Бүлүүтээҕи көрбөттөр уопсастыбаларын "Сырдык ыллык" ансаамбыла бу фестивальга ситиһиилээхтик кыттан бөлөҕүнэн ырыа номинациятыгар 1 степеннээх дипломынан наҕараадаламмыта. Онтон биирдиилээн ырыаһыт номинацияҕа Ульяна Варварикова 3 степеннээх дипломынан наҕараадаламмыта.
Маны сэргэ, ахсынньы 12-13 күннэригэр Дьокуускай куоракка харахтарынан мөлтөх дьоҥҥо өрөспүүбүлүкэтээҕи культурнай, спортивнай, интеллектуальнай, реабилитационнай фестивалыгар Үөһээ Бүлүү улууһун хамаандата чемпионнаабыта.
Бүгүн ахсынньы 18 күнүгэр Олоҥхо дьиэтигэр киэһэ 18:00 чаастан доруобуйаларынан хаарчахтаах оҕолор кыттыылаах Саҥа Дьыллааҕы «Түмсүөххэ! Үөрүөххэ! Кэрэни туойуохха!» диэн аһымал концерт туруоҕа. Кэлиҥ, көрүҥ, сэргээҥ, сэҥээриҥ диэн ыҥырабыт.
Тохсунньу 6 күнүгэр доруобуйаларынан хаарчахтаах оҕолорго Саҥа Дьыллааҕы бырааһынньык Оҕо искусство оскуолатын дьиэтигэр күнүс 14:00 чаастан буолуоҕа.
#ОбществоИнвалидов
#ВерхневилюйскийУлус
Үөһээ Бүлүү улууһун дьаһалтатын пресс сулууспата
👍1