Саха Өрөспүүбүлүкэтин Судаарыстыбаннаһын күнүн көрсө общественность үөрүүлээх мунньаҕа Үөһээ Бүлүү улууһун Олоҥхо дьиэтигэр тэрилиннэ.

Үөрүүлээх тэрээһиҥҥэ СӨ Ил Дарханын уонна СӨ Бырабыыталыстыбатын дьаһалтатын салайааччы Георгий Николаевич Михайлов улуус олохтоохторун эҕэрдэлээтэ уонна Ил Дархан махтал суруктарын туттартаата.

Үөһээ Бүлүү улууһун ыччаттарын аатыттан Д.С.Спиридонов аатынан 4-с нүөмэрдээх орто оскуола 11 кылааһын үөрэнээччитэ, "Басхан" улуустааҕы деловой оонньуу кыайыылааҕа Олег Андреев доргуччу биир дойдулаахтарын Саха Өрөспүүбүлүкэтин судаарыстыбыннаһын күнүнэн эҕэрдэлээтэ.

Үөрүүлээх мунньахха Ыксаллаах быһыы-майгы сулууспата тэриллибитэ 40 сылынан үбүлүөйдээх мэтээллэри, "Россия бочуоттаах донора" үрдүк ааты уонна бу күннэргэ 14 саастарын туолбут оҕолорбутугар Россия гражданиннара буолалларын туоһулуур пааспардары туттартаатым.

Бүгүҥҥү бэлиэ күҥҥэ үтүө үгэстэрбитин өрө тутан, биһиги саҥа сыаллары туруорунабыт. Соруктарбытын ситиһэргэ, олохпут таһымын үрдэтэргэ үлэ бары эйгэтигэр күүспүтүн түмэммит, түмсүүлээхтик турунаммыт Сахабыт Сирэ инники кирбиигэ тахсар олугун түстэһэ, Судаарыстыбаннаһа бөҕөргүүрүгэр кылааппытын киллэрэ туруохпут диэн эрэнэбит.

#ДентГосударственностиРСЯ
#ВерхневилюйскийУлус
#СахаСирэ

t.iss.one/ValeriNikolaev