Табааҕы тардыы — биир саамай тарҕаммыт дьон доруобуйатыгар кутталлаах куһаҕан дьай буолар. Табаахсыт бэйэтин эрэ доруобуйатыгар буолбакка, тулалыыр дьонугар эмиэ буортуну оҥорор.

Наука үөрэтэн көрүүлэрэ бигэргииллэринэн табаах буруотугар 7000-тан тахса киһи доруобуйатыгар, олоҕор кутталлаах химичэскэй веществолар бааллар. Бу көрдөрүү этэринэн, табаах буруота киһи олоҕор кутталлаах ыарыылары ыҥырыан сөп, сүрүннээн тыҥа араагын.

Онкология ыарыыларыттан ураты, табааҕы тардыы атын элбэх доруобуйа кэһиллиитин оҥорор. Холобура, сүрэх уонна хаан ыарыыта - табаахтыыр дьон ахсааныгар элбэх инфаркт уонна инсульт буолар.

Табаахсыттар үксүлэрэ хроническай тыҥа ыарыытынан ыалдьаллар - бронхит, ХОБЛ, ону тэҥэ табаах киһи иммунитетын мөлтөтөр.

Табаах буруота табаахсыт тулалыыр дьонугар, бастатан туран дьиэ кэргэнигэр куһаҕаны оҥорор. Ол курдук, табаах буруотун дьайыттан табаахтаабат дьон эмиэ доруобуйалара мөлтүүр. Чуолаан оҕолор доруобуйалара кутталлаах эйгэҕэ киирэр, табаах буруотун таһыгар улаатар оҕо аллергияҕа, бронхитка, астмаҕа ылларыан сөп.

Табааҕы бырахтаххытына доруобуйаҕыт көнөрүн, олоххут уһуурун умнуо суохтааххыт! Табааҕы бырахпыккыт хас да чаас ааспытын кэннэ эһиги организымҥытыгар угарнай газ таһыма хас да төгүл кыччаан саҕалыыр. Онтон ыйдар аастахтарын аайы тыҥаҕыт ырааһырар.

Табаах куһаҕанын өрүү өйдөөҥ - ыраас салгын кэрэтин билиҥ!


Видеоны бэлэмнээтэ: Үөһээ Бүлүү улууһун култуура уонна духуобунай сайдыы департаменын киинэ отделын исписэлииһэ Васильев Никита Сергеевич.

#ДепартаментКультуры
#ВерхневилюйскийРайон

Үөһээ Бүлүү улууһун дьаһалтатын пресс сулууспата.