Бүгүн, бэс ыйын 23 күнүгэр Саха Өрөспүүбүлүкэтин Ил Дархана Айсен Сергеевич Николаев дойдутугар Үөһээ Бүлүүгэ 2 күннээх үлэтин сырыытынан кэллэ.

#ИлДархан
#ВместеТолькоВперед
#АйсенНиколаев

t.iss.one/ValeriNikolaev

Саха Өрөспүүбүлүкэтин Ил Дархана Айсен Сергеевич Николаев Үөдүгэй нэһилиэгин Андреевскай бөһүөлэгэр “Универсальнай успуорт комплексын” тутуутун үлэтин билистэ.

“Универсальнай успуорт комплекса” 2022 сылтан тутуута тохтоон турбутун, быйыл өрөспүүбүлүкэ бүддьүөтүттэн – 102,7 мөл.солк., улуус бүддьүөтүттэн – 3,1 мөл.солк., уопсайа 105,8 мөл.солк. көрүллэн тутуу үлэтэ саҕаламмыта. Быйыл тутуу үлэтэ бүтэн, успуорт комплекса үлэҕэ киирэрэ былааннанар.

Айсен Сергеевич тутуу бырайагын билистэ уонна тутуу үлэтин кэмигэр бүтэрэри сорудахтаата.

#ИлДархан
#АйсенНиколаев
#Якутия
#ВместеТолькоВперед

t.iss.one/ValeriNikolaev

Үөһээ Бүлүү бөһүөлэгэр 50 лет ЯАССР уулуссаҕа Култуура дыбарыаһа тутуллуон сөптөөх сирин көрдүбүт.

Үөһээ Бүлүүгэ инникитин 400 миэстэлээх кэнсиэрт саалалаах, 75 миэстэлээх киинэ тыйаатырдаах, ГТАС, норуот айымньытын киинэ, ону тэҥэ история түмэлэ киирэр улахан Култуура дыбарыаһа тутуута былааннанар. Бу баҕа санаабытын Саха Өрөспүүбүлүкэтин Ил Дарханын Айсен Сергеевиһы кытта үллэстэн, тутууга бэлэммитин биллэрдибит.

Айсен Сергеевич "Култуура дыбарыаһыгар" култуура эрэ эйгэтигэр сыаллаах тэрилтэлэри буолбакка, оҕо сайдарыгар анаммыт креативнай индустрия кластерын бырайыакка эбэргэ этии киллэрдэ уонна СӨ култуура миниистиэристибэтигэр бырайыактааһын үлэтигэр тэҥҥэ үлэлэһэргэ сорудахтаата

#ИлДархан
#АйсенНиколаев
#ВместеТолькоВперед

t.iss.one/ValeriNikolaev

Бүлүү өрүс биэрэгин бөҕөргөтүү үлэтин Ил Дархан Айсен Сергеевич Николаев билистэ.

Биэрэги бөҕөргөтүү үлэ тэтимнээхтик бара турарын уонна быйыл түмүктэнэрин туһунан бэлиэтээтибит. 

Үөһээ Бүлүүгэ өрүс биэрэгэ кэлиҥҥи сылларга түргэнник сиҥнэн, уонтан тахса дьиэҕэ уонна хас даҕаны социальнай хабааннаах эбийиэктэргэ кутталы үөскэтэр туруктаммытынан сибээстээн, РФ Айылҕа ресурсаларыгар министиэристибэтигэр, өрөспүүбүлүкэ сайаапканы түһэрбитин түмүгэр, сөптөөх үп көрүллэн 2022 сылтан үлэ саҕаламмыта.

#ВместеТолькоВперед
#Якутия
#ИлДархан
#АйсенНиколаев

t.iss.one/ValeriNikolaev

Биэрэги бөҕөргөтүү үлэни көрөн-билсэн баран Кэнтик нэһилиэгэр "Комплексное развитие сельских территорий" диэн бырагыраамма чэрчитинэн тутуллар элбэх хайысхалаах спорт балаһааккатын тутуутун билсэ тиийдибит.

Кэнтик Харыйалаах күөлүгэр киирэн арыылаах алаадьыннан эбэбитин аһаттыбыт.

Билигин спорт балаһааккатыгар буор кутуллааһын, тэҥнээһин үлэтэ бара турар. Былаан быһыытынан бу сыл бүтүөр диэри тутуу үлэтэ түмүктэниэхтээх.

#ЯкутияВперед
#АйсенНиколаев
#ИлДархан

t.iss.one/ValeriNikolaev

Бүгүн Саха Өрөспүүбүлүкэтин Ил Дархана Айсен Сергеевич Николаев Үөһээ Бүлүүтээҕи оҕо эмтэнэр корпуһун сваятын түһэрии сиэригэр-туомугар кыттыыны ылла.

Оҕо эмтэнэр корпуһа (оҕо поликлиниката) "Доруобуйа харыстабыла" судаарыстыбанай бырагыраамма чэрчитинэн быйыл Саха Сиригэр "Оҕо саас" сылыгар тутуута саҕаланна.

Тутуу этэҥҥэ түмүктэнэн үлэҕэ киирэн улууспут оҕолорун доруобуйаларын харыстыырга, бөҕөргөтөргө тирэх буоллун!

#ИлДархан
#АйсенНиколаев
#ВместеТолькоВперед
#НациональныеПроекты
#НациональныйПроектЗдравоохранения

t.iss.one/ValeriNikolaev

Үөһээ Бүлүү улууһун Үрүҥ тунах ыһыаҕынан күндү бар дьоммун ис сүрэхпиттэн итиитик-истиҥник эҕэрдэлиибин!

Бүгүн Саха Өрөспүүбүлүкэтин Ил Дархана Айсен Сергеевич Николаев биһиги үөрүүбүтүн үллэстибититтэн олус долгуйа үөрдүбүт!

Ил Дархан Айсен Николаев биир дойдулаахтарыгар туһаайан, Үөһээ Бүлүү улууһа сайдарын туһугар бары бииргэ түмсүүлээх буоларбытын
ыҥырда!

Күндү Үөһээ Бүлүүлэр, 2 күннээх ыһыахпытыгар үөрүҥ-көтүҥ, дуоһуйа сынньаныҥ, уйгу-быйаҥ сайыны уруйдаан-айхаллаан!

Үөһээ Бүлүү улууһун баһылыга, Валерий Николаев.

#ҮөһээБүлүү
#Ыһыах
#ИлДархан
#АйсенНиколаев

t.iss.one/ValeriNikolaev

Дьокуускай куоракка Саха Өрөспүүбүлүкэтин Бырабыыталыстыбатын Бэрэсэдээтэлин бастакы солбуйааччытыгар Джулустан Анатольевич Борисовка миниистирдэр кыттыылаах Ил Дархан Айсен Сергеевич Николаев сорудахтарын олоххо киллэриигэ сүбэ мунньах ыытылынна.

Сүбэ мунньахха кыттыыны ыллылар: СӨ тыраанспар, суол-иис хаһаайыстыбатын миниистирэ Сивцев Владимир Михайлович, СӨ үөрэҕэрии уонна наука миниистирэ Нюргуна Афанасьевна Соколова, СӨ үлэ уонна социальнай сайдыы миниистирин солбуйааччы Иннокентий Владимирович Коротких, СӨ Гражданскай оборона уонна нэһилиэнньэ олоҕо харысхаллаах буолуутун хаччыйыы комитетын бэрэсэдээтэлин бастакы солбуйааччыта Айаал Ануфриевич Вензель, СӨ үпкэ миниистирин эбээһинэһин толорооччу Иван Иванович Алексеев, СӨ олох-дьаһах хаһаайыстыбатын, энергетика миниистирин бастакы солбуйааччыта Аян Вячеславович Кирилллин, СӨ тутууга миниистирэ Виктор Дмитриевич Романов.

СӨ Бырабыыталыстыбатын Бэрэсэдээтэлин бастакы солбуйааччыта Джулустан Анатольевич Борисов Үөһээ Бүлүү улууһун сайдыытыгар туһаайыллан оҥоһуллубут Ил Дархан сорудахтарын болҕомтоҕо ылан, олоххо киллэриигэ кэккэ үлэ ыытыллыахтааҕын этиннэ.

Мунньах түмүгэр, улууспутугар 7,5 спортинструктор штата тэриллэрин бигэргээтилэр.

СӨ олох-дьаһах хаһаайыстыбатын, энергетика миниистирин бастакы солбуйааччыта Аян Вячеславович Кирилллин Өргүөт нэһилиэгэр эргэ "СДК" котельнай оннугар саҥа "Оргет-1" котельнай тутуутун бырайыактааһына түмүктэммитин иһитиннэрдэ. Саҥа котельнай тутуутун былааннаһан сүбэлэстибит.

Санатан этэр буоллахха, Саха Өрөспүүбүлүкэтин Ил Дархана Айсен Сергеевич Николаев атырдьах ыйын 4-6 күннэригэр Үөһээ Бүлүүгэ үлэлээбитэ. Үлэ сырыытын түмүгэр, Ил Дархан сорудаҕа оҥоһуллубута. Сорудахха киирбиттэрэ: Үөһээ Бүлүүгэ култуура дыбарыаһын тутуу, Үөһээ Бүлүү сэлиэнньэтин киин Ленин уулуссатын өрөмүөннээһин, хаарбах оскуолалаах нэһилиэктэргэ 5 оскуоланы тутуу, спортинструктор штатын элбэтии, элбэх хайысхалаах дьиэ кэргэн киинин оҥоруу, онтон да атын улууспутугар сайдыыны киллэрэр үлэ былааннара.

#ПорученияГлавыРСЯ
#ИлДархан

t.iss.one/ValeriNikolaev

Саха Сирин Ил Дархана салайар олохтоох бэйэни салайыныы Сэбиэтин сүбэ мунньаҕар кыттыыны ыллым.

Улуустарга кэлэр дотациялары, бүддьүөтү сүрүннээһини, онтон да атын сүдү суолталаах боппуруостары көтөҕөн дьоһуннаах мунньах ыытылынна.

Балаҕан ыйын 26 күнүгэр Ил Дархан Айсен Сергеевич Николаев Өрөспүүбүлүкэни салайар систиэмэни тупсарыы туһунан Ыйааҕы баттаабыта.

Ыйаах хас биирдии муниципальнай былаас салайааччыта олохтоох дьонун, норуотун туһугар эппиэтинэстээхтик үлэлииригэр уонна хас биирди киһи олоҕун тупсарыыга сыалламмыт үлэни ыытарыгар ананан оҥоһуллубут.

Ыйаахха турбут сыаллары ситиһэргэ, төрөөбүт дойдубут, улууспут, Сахабыт Сирэ сайдарын туһугар бары бииргэ, түмсүүлээх хамаанданнан үлэлииргэ бэлэммит!

#СоветМестногоСамоуправленияПриГлавеРСЯ
#ИлДархан
#АйсенНиколаев
#ВерхневилюйскийУлус

t.iss.one/ValeriNikolaev

Ил Дархан Айсен Сергеевич Николаев Ил Түмэҥҥэ туһаайан этиитигэр инники ыытыллар үлэ соруктарын иһитиннэрдэ уонна бу ааһан эрэр сылга ыытыллыбыт үлэ үтүө түмүктэрин сырдатта.

Ол курдук, доруобуйа харыстабылын эбийиэктэрин тутуу үлэтэ быйыл хаһааҥҥытааҕар даҕаны түргэн тиэмпэлээхтик ыытыллан иһэрин эттэ уонна быйыл биһиги улууспутугар оҕо балыыһата тутуллан саҕаламмытын бэлиэтээн ааста.

Айсен Сергеевич анал байыаннай дьайыы кыттыылаахтарыгар бары көрүллэр көмөлөр, өйөбүллэр оҥоһуллуохтаахтарын иһитиннэрдэ уонна муниципальнай былаас уорганнара байыастар социальнай эйгэҕэ адаптациялары ааһалларыгар, дьарыктаах буолалларыгар күүстээх, күргүөмнээх үлэни ыыталларыгар сорудахтаата.

Тус бэйэм бэлиэтии, үөрэ истибит этиим: оскуолаларга медицинскэй үлэһиттэри төптөрү төннөрөр туһунан СӨ доруобуйа харыстабылын министиэристибэтигэр уонна СӨ үөрэҕэрии министиэристибэтигэр Ил Дархан сорудахтаабыта. Бу төптөрү оскуолаларга киирэр хайысха оҕолорбут доруобуйаларын харысхалын, маны тэҥэ үлэ миэстэтэ тыа сиригэр эбиллиитин хааччыйыа.

Өссө биир туһалаах сонун - ойуур харыстабылыгар эбии үп федеральнай бүддьүөттэн көрүллэрэ. Быйыл биһиги улууспутугар улахан ойуур баһаардара туран, бүтүн өрөспүүбүлүкэттэн ойуур харысхалын үлэһиттэрэ кыттыылаах, уот утары охсуһуу үлэтэ тохтоло суох уһун сайын устата ыытыллыбыта. Бу түгэҥҥэ, үлэһит илии, техника тиийбэтэ улахан охсуулаах этэ. Онон Дойду Президиэнэ В.В. Путин өйөбүлүнэн 2025 сылтан ойуурдары уоттан харыстыырга анаммыт федеральнай бүддьүөттэн көрүллэр үп 1,6 млрд. солкуобайтан 4,3 млрд. солкуобайга тиийэ улааппытын, маны сэргэ Саха Сиригэр 5 саҥа авиаотделение арылларын, авиалесохрана үлэһиттэрэ 703 киһиэхэ, ойуур харысхалын үлэһиттэрэ 1350 киһиэхэ тиийэ элбииллэрин сэргии иһиттим. Сайын аайы ойуур баһаардара турар регионугар ирдэниллэр өйөбүл оҥоһуллубута, Дойду Президиэнин В.В. Путины кытта биһиги Ил Дархаммыт А.С. Николаев таһаарыылаах үлэтин көрдөрөр.

«Безопасные качественные дороги» национальнай бырайыак түмүктүүр сылыгар Саха Сиригэр 395 км уһуннаах суол оҥоһуллубутун Ил Дархан Айсен Николаев иһитиннэрдэ. Маныаха биһиги Үөһээ Бүлүүбүт улууһугар икки нэһилиэккэ асфальт суоллар оҥоһуллан арыллыбыттарын бэлиэтиибин.

Демографияҕа, дьиэ кэргэн сайдыытыгар Ил Дархан болҕомтотун ууран, өрөспүүбүлүкэтээҕи "Дьиэ кэргэн" ийэ хапытаала үһүс эрэ оҕо төрөөтөҕүнэ буолбакка, төрдүс, бэһис, онтон да салгыы оҕо төрүүрүгэр бэриллэригэр анаммыт сокуон бырайыагын Бырабыыталыстыбаҕа кылгас кэм иһигэр оҥорон киллэрэригэр сорудахтаата. Бу бырайыак үлэҕэ киирдэҕинэ элбэх оҕолоох дьиэ кэргэн Сахабыт Сиригэр өссө элбиэ диэн эрэл улахан.

Эһиилги сыл - Россияҕа бэлиэ сыл. Ол курдук, Улуу Кыайыы 80 сылын бэлиэтиибит. Бу бэлиэ сылынан Аҕа Дойду сэриитин бэтэрээннэригэр, огдооболоругар, оҕолоругар, Ленинград блокадатын кыттыылаахтарыгар, концлагерь хаайыылаахтарыгар туһаайыллыбыт төлөбүр үрдүүрүн Ил Дархан биллэрдэ.

Үбүлүөйдээх, өрөгөйдөөх 2025 сылы Айсен Сергеевич өрөспүүбүлүкэҕэ "Аҕа Дойдуну көмүскээччи" сылынан биллэрииннэн Ил Түмэҥҥэ туһаайан этиитин түмүктээтэ.

Эһиилги 2025 сылга биһиги улууспут Ил Дархан Айсен Сергеевич Николаев ыйбыт, соруктаабыт хайысхатынан күүстээх үлэни ыытарга бэлэммит.

#ВместеТолькоВперед
#ИлДархан
#АйсенНиколаев
#ВерхневилюйскийУлус

t.iss.one/ValeriNikolaev