#TAYINLOV

⚡️ Gaffarov Bahriddin Kuchimovich – O‘zbekiston Respublikasi adliya vazirining tegishli buyrug'i bilan, Surxondaryo viloyati yuridik texnikumi direktori lavozimiga tayinlandi.

✅ B.G‘affarov 1970-yil, 19-avgustda Surxondaryo viloyati, Termiz tumanida tug‘ilgan. Ma'lumoti oliy, 1998-yil O‘zbekiston Respublikasi Ichki ishlar vazirligi akademiyasini tamomlagan.

✅ B.G‘affarov shu kunga qadar, Surxondaryo viloyat adliya boshqarmasi Prezident hujjatlari ijrosini nazorat qilish bo‘limi boshlig‘i lavozimida faoliyat yuritgan.

Biz ijtimoiy tarmoqlarda:
• Telegram | • Instagram | • Facebook

#Biz_kontrafaktga_qarshimiz

🔥Kontrafakt mahsulotlarning yorliqlari belgilangan tartibda yoqib yuborish yoʻli bilan yoʻq qilindi

“Stolichnaya” (“ZHS IP Worldwide Sarl”) Shvetsariya kompaniyasiga tegishli tovar belgisidan qonunga xilof ravishda foydalanganlik holati aniqlandi.

Mazkur huquqbuzarlik holatini bartaraf etish maqsadida Adliya vazirligi tomonidan ishlab chiqaruvchiga nisbatan taqdimnoma kiritildi.

Natijada kontrafakt yorliqlar tayyorlagan fuqaro mazkur harakatlari qonunga zid ekanligi va zararli oqibatlari mavjudligini tushungan holda oʻzi tayyorlagan kontrafakt mahsulotlarning yorliqlarini belgilangan tartibda yoqib yuborish yoʻli bilan yoʻq qildi.

@adliyaimd

#Adliya_aralashgach

Uy-joylari davlat ehtiyojlari uchun olingan bo‘lsada, kompensatsiya to‘lovlari amalga oshirilmaganligidan norozi bo‘lgan fuqaro D.Nning murojaati Mirzo Ulug‘bek tuman adliya bo‘limi tomonidan o‘rganib chiqildi.

Murojaatni o‘rganib chiqish natijasiga ko'ra davlat ehtiyojlari uchun olingan uy-joylar uchun kompentsatsiya undirish maqsadida Mirzo Ulug‘bek tuman adliya bo‘limi tomonidan D.Nning manfaatida Fuqarolik ishlari bo’yicha Mirobod tumanlararo sudiga kiritilgan jami 1 158 212 000 so‘mlik da’vo arizasi qanoatlantirildi va fuqaroning buzilgan huquqlari tiklanishi ta'minlandi.

@adliyangiliklari