#Adliya_munosabat

Shaxsga doir ma'lumotlarning OAV (shu jumladan ijtimoiy tarmoqlar) orqali erkin foydalanilishiga yo‘l qo‘yilmaydi

Ijtimoiy tarmoqlarda tumanlar Xalq deputatlari Kengashlarining shaxsga doir ma'lumotlarni o‘zida aks ettirgan qarorlari ochiq foydalanishda bo‘lganligi to‘g‘risidagi xabarlar tarqaldi.

Vazirlik tomonidan o‘rganish o‘tkazilishi natijasida haqiqatan ham bir qator tuman Xalq deputatlari Kengashlari tomonidan yopiq tusda qabul qilinishi lozim bo‘lgan qarorlar ochiq shaklda qabul qilinganligi ma'lum bo‘ldi. Mazkur holatdan so‘ng Adliya vazirligi tomonidan E-qaror elektron tizimidagi barcha qarorlar hatlovdan o‘tkazilib, shaxsga doir ma'lumotlarni o‘z ichiga olgan barcha qarorlar yopiq shaklga o‘tkazildi.

Adliya vazirligi
Jamoatchilik bilan aloqalar bo‘limi

@adliyangiliklari

#Adliya_rolik

Endi siz istalgan joydan turib onlayn notarial harakatlarni amalga oshira olasiz.

📹 Batafsil: https://www.youtube.com/watch?v=7oEDsVCIplA

​#Adliya_xabari

Oliy sudda vebinar bo’lib o’tdi!

X.Sulaymonova nomidagi Respublika sud ekspertizasi markazi tomonidan O’zbekiston Respublikasi Oliy sudi va sud tizimi xodimlari uchun “Sud ekspertizalarini oʻtkazishga zarur boʻlgan tadqiqot obyektlarini yigʻish, saqlash va taqdim etish usullari hamda sud ekspertizaning imkoniyatlari haqida” vebinar tashkil etildi.

Tadbir boshida Markaz direktori A.Xalilov X.Sulaymonova nomidagi Respublika sud ekspertizasi markazining faoliyati va unda o’tkaziladigan ekspertiza turlari haqida ma’ruza qildi.

Bundan tashqari vebinarda tergovga qadar tekshirish, surishtiruv va dastlabki tergov organlari hamda sud xodimlari uchun sud ekspertizalarini oʻtkazishga zarur boʻlgan tadqiqot obyektlarini yigʻish, saqlash va taqdim etish usullari muhokama qilindi.

Jumladan:
🔹Sud qurilish texnikaviy ekspertizasi;
🔹Odam DNKsi va sud biologik eskpertizasi;
🔹Sud iqtisodiy ekspertizasi;
🔹Sud avtotexnika ekspertizasi;
🔹Sud kompyuter texnikaviy ekspertizasi turlari bo’yicha malakali ekspertlar tomonidan sud tizimi xodimlariga batafsil ma’lumot berildi.

Vebinar yakunida sud tizimi xodimlari tomonidan ekspertiza tayinlashda yuzaga keladigan savollar yuzasidan munozara bo’lib o’tdi.

@adliyangiliklari

Siyosiy partiyalar davlat roʻyxatidan qanday oʻtkaziladi?

So‘ngi yillarda Adliya vazirligiga nodavlat notijorat tashkilotlarini, shu jumladan siyosiy partiyani davlat roʻyxatidan oʻtkazish yuzasidan ko‘plab murojaatlar kelib tushmoqda.

Vazirlik tomonidan barcha murojaatlar qonunchilikda belgilangan tartibda ko’rib chiqilib, tegishli qarorlar qabul qilinmoqda.

👉Batafsil

@adliyangiliklari

#Mutaxassis_sharhi

Qonunlar hech bir shaxsga boshqalarni o‘z bilganicha jazolashiga, ya'ni xalq tilida “samosud” qilishiga, turli ko‘rinishdagi ta'sir o‘tkazishiga ruxsat bermaydi.

Quyida ayni shu mavzuga aloqador bir qator savollarga javob berib o‘tamiz.

👉Batafsil

@adliyangiliklari

​#Adliya_xabari

“Eng yaxshi yuridik xizmat – 2022” respublika tanlovining finalchilari aniqlandi

Adliya vazirligi tomonidan “Eng yaxshi yuridik xizmat – 2022” respublika tanlovi o‘tkazilmoqda. Ushbu tanlov yuridik xizmatlarning tashkilotlardagi o‘rnini ko‘rsatish orqali respublikadagi boshqa tashkilotlarda professional yuristlar jamoasini yaratishga bo‘lgan intilishlarni kuchaytirish maqsadida davlat organlari va tashkilotlarining yuridik xizmatlari o‘rtasida tashkil etildi.

Tanlovda qatnashish uchun respublika darajasidagi 147 ta davlat organlari va tashkilotlari yuridik xizmatlaridan hujjatlar kelib tushdi.

Tanlov komissiya tomonidan kelib tushgan hujjatlarni o‘rganishi natijasiga ko‘ra, quyidagi 7 ta davlat organlari va tashkilotlari yuridik xizmatlari faoliyati ijobiy baholanib, final bosqichiga yo‘llanma berildi:
▫️“O‘zsanoatqurilishbank” ATB;
▫️Davlat bojxona qo‘mitasi;
▫️“Qishloq qurilish bank” ATB;
▫️Investitsiyalar va tashqi savdo vazirligi;
▫️Davlat soliq qo‘mitasi;
▫️Transport vazirligi;
▫️“O‘zbekneftegaz”AJ.

Tanlovning final bosqichi Toshkent viloyati, Bo‘stonliq tumanidagi “OLMOS” konvension markazida joriy yilning 1-aprel kuni bo‘lib o‘tadi.

Bunda final bosqichi ishtirokchilari bir yil davomida amalga oshirgan ishlari, xususan, erishgan yutuqlari haqida komissiya a'zolariga taqdimot qiladilar.

Tanlov orqali nafaqat yuridik xizmat xodimlari o‘rtasida raqobat muhiti shakllanadi, balki tanlov ishtirokchilari o‘zaro fikr almashib, do‘stona aloqalarni mustahkamlashiga zamin yaratiladi.

@adliyangiliklari

#Adliya_xabari

Toshkent davlat yuridik universitetining Ixtisoslashtirilgan filialida mavjud bo'sh (vakant) ish o'rinlariga tanlov e'lon qilindi.

Adliya organlari va muassasalariga xodimlarni ishga qabul qilish Adliya organlari va muassasalarida HR-menejment tizimi to'g'risidagi nizomga muvofiq ochiq tanlov asosida amalga oshiriladi.

Tanlovda ishtirok etish uchun arizalar quyidagi veb-sayt orqali 2022-yilning 9-apreliga (shu kuni ham) qadar qabul qilinadi.

👉 https://vacancy.adliya.uz/vacancy/556#

Batafsil ma'lumot uchun: 55-501-11-58 (1005 ichki raqami)

@adliyangiliklari

#Mutaxassis_sharhi

“Qurol to‘g‘risida”gi Qonunga muvofiq, qurol fuqaroviy qurol, xizmat quroli va jangovar qurol turlariga bo‘linadi.

Elektroshok qurilmalari (elektroshoker) o‘zini o‘zi himoya qilish quroli sifatida fuqaroviy qurol turiga kiradi.

Elektroshok qurilmalar uchun qanday me'yorlar belgilangan?

👉Batafsil

@adliyangiliklari

#Adliya_hudud

Xorazm viloyat adliya boshqarmasi tomonidan viloyat Sog‘liqni saqlash boshqarmasi boshlig‘ining koronavirus infeksiyasiga chalingan bemorlarni da’volash uchun vaqtinchalik shifoxonada faoliyat yuritadigan xodimlarga oylik maoshlarini to‘lash to‘g‘risida tegishli buyruqlariga asosan Xorazm viloyat Ko‘p tarmoqli tibbiyot markazi tomonidan tibbiyot xodimlarga pul mablag‘larining hisob-kitob qilinishi tahlil qilindi.

Tahlil natijalariga koʻra koronavirus infeksiyasi tarqalishiga qarshi kurashish tadbirlariga jalb etilgan 27 nafar tibbiyot xodimlariga pul mablag‘lari hisob-kitob qilinmaganligi ma’lum bo‘ldi.

Shularga asosan, adliya boshqarmasi tomonidan 2022-yilning 10-mart kuni viloyat ko‘p tarmoqli tibbiyot markaziga taqdimnoma kiritilib 27 nafar tibbiyot xodimlariga 2022-yilning fevral oyi uchun jami 78 mln 967 ming so‘m pul mablag‘i hisob-kitob qilinishi ta’minlandi.

@adliyangiliklari