#Adliya_tabrigi

Har yili 26-aprel kuni jahon miqyosida Xalqaro intellektual mulk kuni nishonlanadi. Bundan asosiy maqsad intellektual mulk huquqini himoya qilish sohasidagi muammolar va ularning yechimlariga jamoatchilik e’tiborini qaratish, har bir yaratmani butun dunyo taraqqiyotiga hissa qoʻshishini yangi bosqichga olib chiqishdan iborat.

Mamlakatimizda xorijiy davlatlardagi kabi intellektual mulkni himoya qilishga sezilarli darajada talab ortib bormoqda. Mualliflar, ijodkorlar, aqliy ijod vakillari intellektual mulkni qimmatli boylik kabi himoya qilish, unga egalik qilish va rivojlantirish kabi masalalarning tub mohiyatini allaqachon anglab yetmoqdalar.

Demak, ushbu soha insonlar turmush darajasini sezilarli oʻzgartirishda muhim omillardan biri ekanligini koʼrsatmoqda. Shunday ekan intellektual mulk kuni nafaqat kasb egalarining balki har bir fuqaroning bayramidir!

АDLIYA VAZIRLIGI BАRCHА FUQАROLАRIMIZNI BUTUNJАHON INTELLEKTUАL MULK KUNI BILАN TАBRIKLАYDI!

@adliyangiliklari

#Adliya_tabrigi

Adliya vazirligi bolajonlarni 1-iyun — Xalqaro bolalarni himoya qilish kuni bilan tabriklaydi!

Farzandingizga beradigan eng yaxshi hadyangiz — vaqtingizdir!

@adliyangiliklari

#Adliya_tabrigi

9-iyun — Xalqaro arxivlar kuni!

Barchangizni butun dunyoda arxiv jamoatchiligi tomonidan keng nishonlanadigan 9-iyun — Xalqaro arxivlar kuni bilan samimiy tabriklaymiz.

Mamlakatimiz ijtimoiy-iqtisodiy rivojlanishi yo‘lidagi sharafli va fidokorona faoliyatingizda hamisha muvaffaqiyat yor bo‘lsin!

Hurmat bilan
Adliya vazirligi jamoasi

@adliyangiliklari

#Adliya_tabrigi

Aziz yurtdoshlar!

Jamiyatimizda o‘zaro hurmat, mehr-muruvvat, saxovat va hamjihatlik, sabru qanoat va shukronalik singari ulug‘ fazilatlarni mustahkamlovchi muqaddas ayyom – Qurbon hayiti bilan barchangizni samimiy muborakbod etamiz.

Yurtimizda tinchlik bardavom bo‘lsin, xonadonlarimizdan osoyishtalik, ahillik, fayzu baraka hech qachon arimasin.

Hurmat bilan Adliya vazirligi jamoasi

@adliyangiliklari

#Adliya_tabrigi

O‘zbekiston Respublikasi Adliya vazirligi Nodavlat notijorat tashkilotlar boshqarmasi boshlig'i o'rinbosari 1-darajali adliya maslahatchisi Shaxnoza Yakubdjanova bugun, 19-iyun kuni 55 yoshni qarshiladi.

Adliya vazirligi sodiq va tajribali hamkasblarni doimo qadrlaydi va Shaxnoza Agzambekovnani hayotidagi muhim sana bilan samimiy qutlaydi!

Shaxnoza Agzambekovna adliya organlaridagi mehnat faoliyatini 1986-yilda boshlagan. Vazirlik markaziy apparatida 20 yildan oshiq vaqtdan beri mehnat qilib, jamoaning jonkuyar va tajribali a'zosiga aylangan.

Adliya vazirligi jamoasi Shaxnoza Yakubdjanovani yubiley bilan tabriklaydi, mustahkam sog‘lik, uzoq va mazmunli umr, xonadoniga fayzu-baraka, oilaviy baxt va mas'uliyatli faoliyatida ulkan muvaffaqiyatlar tilaydi!

@adliyangiliklari

#Adliya_tabrigi

Hurmatli jurnalistlar!

Sizni 27-iyun – Matbuot va ommaviy axborot vositalari xodimlari kuni bilan tabriklaymiz!

Siz o‘z qalamingiz bilan yurtimizda tinchlik-osoyishtalik, o‘zaro hamjihatlik muhitini yanada mustahkamlashga, aholining huquqiy ongi va huquqiy madaniyatini oshirishga munosib hissa qo‘shib kelmoqdasiz.

Barchangizni qutlug‘ kasb bayramingiz bilan samimiy tabriklab, xayrli tashabbuslaringizda kuch-quvvat, mustahkam sog‘liq, oilangizga totuvlik, ezgu ishlaringizda muvaffaqiyatlar tilaymiz.

Xonadoningizdan fayzu baraka arimasin. Bayramingiz muborak bo‘lsin!

Hurmat bilan, Adliya vazirligi jamoasi

@adliyangiliklari

#Adliya_tabrigi

Aziz yurtdoshlar!

Sizlarni xalqimizning eng ulug‘, eng aziz bayrami – O‘zbekiston davlat mustaqilligining 33 yilligi bilan chin qalbdan muborakbod etamiz.

Bugungi qutlug‘ ayyomda barchangizga sihat-salomatlik, oilaviy baxt va xotirjamlik tilaymiz.

Yurtimizda tinchlik bardavom bo‘lsin, xonadonlarimizdan osoyishtalik, ahillik, fayzu baraka hech qachon arimasin.

Hurmat bilan
Adliya vazirligi jamoasi

@adliyangiliklari

#Adliya_tabrigi

Oʻzbekiston Respublikasi Adliya vazirligi Huquqni qoʻllash departamenti boshligʻi vazifasini bajaruvchi, 1-darajali adliya maslahatchisi Nozimbek Rustambekov 2-sentabr kuni 50 yoshni qarshiladi. Adliya vazirligi oʻz ishiga sodiq va tajribali hamkasblarni doimo qadrlaydi va Nozimbek Mansurbekovichni hayotidagi muhim sana bilan samimiy qutlaydi!

Nozimbek Mansurbekovich Adliya vazirligida mehnat faoliyatini 2019-yilda boshlagan. Vazirlik markaziy apparatida 5 yildan buyon mehnat qilib, jamoaning jonkuyar va tajribali aʼzosiga aylangan. Adliya vazirligiga qadar ham N. Rustambekov qariyb 20 yil huquq sohasida faoliyat yuritgan, shu jumladan, 10 yil prokuratura tizimida.

Adliya vazirligi jamoasi Nozimbek Mansurbekovichni yubiley bilan tabriklaydi, mustahkam sogʻlik, uzoq va mazmunli umr, xonadoniga fayzu-baraka, oilaviy baxt va masʼuliyatli faoliyatida ulkan muvaffaqiyatlar tilaydi!

Hurmat bilan,
Adliya vazirligi jamoasi

@adliyangiliklari

#Adliya_tabrigi

Hurmatli Davlat xavfsizlik xizmati xodimlari!

Sizlarni 26-sentabr – Davlat xavfsizlik xizmati organlari xodimlari kuni munosabati bilan samimiy muborakbod etamiz.

Mamlakatimizning konstitutsiyaviy tuzumini, suverenitetini, hududiy yaxlitligini turli tahdidlardan himoya qilish hamda qonun ustuvorligini ta'minlashdagi sharafli xizmatlaringizda ulkan zafarlar yor bo'lsin.

Hurmat bilan Adliya vazirligi jamoasi

@adliyangiliklari

#Adliya_tabrigi

Aziz ustoz va murabbiylar!

Sizlarni 1-oktabr – Oʻqituvchi va murabbiylar kuni bilan samimiy qutlaymiz.

Mamlakat kelajagi, yosh avlod ta'lim-tarbiyasi yoʻlidagi sharafli va mas'uliyatli faoliyatingizda ulkan muvaffaqiyatlar yor boʻlsin!

Hurmat bilan Adliya vazirligi jamoasi

@adliyangiliklari