#Adliya_hudud

Adliya organlarida “Konstitutsiya burchagi” tashkil etildi

Konstitutsiya xalqimiz xohish-irodasini ifoda etgan xalqchil hujjat. Unda belgilangan har bir modda inson shaʼni, qadr-qimmati, huquq va erkinliklari taʼminlanishi kafolatidir. Shuning uchun konstitutsion savodxonlik muhim ahamiyatga ega.

Oʻzbekiston Respublikasi Konstitutsiyasi qabul qilinganligining 32 yilligi munosabati bilan Samarqand viloyat adliya boshqarmasi tomonidan barcha davlat xizmatlari markazlarida “Konstitutsiya burchagi” tashkil etildi.

Adliya organlariga tashrif buyurgan fuqarolar burchakdan oʻrin olgan qisqa axborot flayerlari, huquqiy adabiyotlar, yangi tahrirdagi Konstitutsiya bilan tanishishi, mutaxassislardan bu borada oʻzlarini qiziqtirgan savollariga, balki, huquqiy masalalarda javob olishi mumkin.

Suratda Qoʻshrabot tuman DXMdagi “Konstitutsiya burchagi”.

📌 Kanalga ulanish

#Adliya_hudud

Adliya xodimlari mahallalarda

Toshkent shahar adliya boshqarmasi tomonidan „Adliya kuni“ tadbirlari doirasida poytaxtning Shayxontohur tumani „Gulobod“ MFYda aholi uchun sayyor qabul oʻtkazildi.

Sayyor qabulda 30 ga yaqin fuqarolar ishtirok etishib, ulardan 10 ga yaqin murojaat kelib tushdi. Shundan 3 ta murojaatga joyida huquqiy tushuntirish berildi, 2 ta murojaat boʻyicha sayyor davlat xizmatlari koʻrsatildi. Qolgan murojaatlar ish yurituviga qabul qilindi.

Jumladan, meros rasmiylashtirilmagan va bugungi kunga qadar mulk huquqi eʼtirof etilmagan 6 nafar fuqaroning murojaati yuzasidan notarius tomonidan huquqiy tushintirish berilib, merosni rasmiylashtirish boyicha fuqarolarning arizalari qabul qilindi.

📌 Kanalga ulanish