#Adliyadan_javob

❓ FHDY organlari yozuvlarni tuzish orqali qanday fuqarolik holatlari dalolatnomalarini qayd etadi?

— FHDY organlari yozuvlarni tuzish orqali quyidagi fuqarolik holatlari dalolatnomalarini qayd etadi:
▫️tug‘ilganlik;
▫️nikoh tuzish;
▫️nikohdan ajralish;
▫️o‘lim.
Fuqarolik holati dalolatnoma yozuvlari davlat ahamiyatiga molik hujjatlar hisoblanadi, bir nusxada tuziladi va FHDY organlarida qayd etilgan vaqtdan boshlab 75 yil mobaynida saqlanadi.

Farzandlikka olish, otalikni belgilash, familiya, ism va ota ismini o‘zgartirish hamda boshqa voqea va faktlar yuqorida sanab o‘tilgan fuqarolik holatlari dalolatnomalarida ularga tegishli o‘zgartirishlar kiritish orqali aks ettiriladi.

Asos: Vazirlar Mahkamasining 2016-yil 14-noyabrdagi 387-son qarori.

@adliyangiliklari

#Adliyadan_javob

❓ Qanday holatlarda dalolatnoma yozuvlarini qayd etish rad qilinishi mumkin?

— Dalolatnoma yozuvlarini qayd etish quyidagi holatlarda rad qilinishi mumkin:
▫️agar dalolatnoma yozuvini qayd etish qonunchilikka zid bo‘lsa;
▫️agar taqdim etilgan hujjatlar ularga nisbatan tegishli Qoidalarda va boshqa qonun hujjatlarida qo‘yiladigan talablarga muvofiq bo‘lmasa;
▫️agar dalolatnoma yozuvini qayd ettirish uchun murojaat qilgan shaxs bunga huquqli bo‘lmasa yoki sud tomonidan muomalaga layoqatsiz deb topilgan bo‘lsa.

Fuqarolik holati dalolatnoma yozuvlarini qayd etish rad qilingan shaxsning talabiga ko‘ra FHDY organi o‘n besh kun muddatda ushbu shaxsga yozma yoki elektron shaklda rad etish sababini ma’lum qilishi lozim.
________________

❓ FHDY organlari tomonidan qanday asosga ko‘ra gerbli guvohnomalar beriladi?

— Fuqarolik holatini qayd etish fuqarolarning huquq va burchlari paydo bo‘lishiga sabab bo‘lib xizmat qiluvchi gerbli guvohnoma berish uchun asos bo‘ladi.

Tug‘ilganlik haqidagi guvohnoma — bolaning tug‘ilganligini, uning ota-onasi kim ekanligini tasdiqlovchi yagona hujjatdir.
Nikoh qayd etilganligi haqida guvohnoma — nikohdan o‘tgan shaxslarning er-xotinligini tasdiqlovchi va ular o‘rtasida o‘zaro huquq va majburiyatlarning vujudga kelganligini ifodalovchi hujjatdir.

Nikohdan ajralganlik haqida guvohnoma — nikohda bo‘lgan shaxslarning nikohi tugatilganligini tasdiqlovchi hujjat hisoblanadi.
O‘lim to‘g‘risidagi guvohnoma — shaxsning o‘limini va uning huquqiy layoqati tugatilganligini tasdiqlovchi hujjat hisoblanadi.

Asos: Vazirlar Mahkamasining 2016-yil 14-noyabrdagi 387-son qarori.

@adliyangiliklari

#Adliyadan_javob

❓ Farzandlikka olishni rasmiylashtirishda FHDY organiga qanday hujjatlar taqdim etiladi?

— Farzandlikka olishni rasmiylashtirishda FHDY organiga:
▫️sudning qonuniy kuchga kirgan farzandlikka olish haqidagi qaroridan ko‘chirma;
▫️farzandlikka olinayotgan bolaning tug‘ilganlik haqidagi guvohnomasi;
▫️farzandlikka oluvchi(lar)ning shaxsini tasdiqlovchi hujjatlar taqdim etiladi.
______________________

❓ Familiya, ism, ota ismini o‘zgartirish to‘g‘risidagi arizaga nimalar ilova qilinadi?

— Familiya, ism, ota ismini o‘zgartirish to‘g‘risidagi arizaga quyidagilar ilova qilinadi:
▫️ariza beruvchining tug‘ilganlik haqidagi guvohnomasi;
▫️agar ariza beruvchi nikohda turgan bo‘lsa, u holda nikoh tuzilganligi haqidagi guvohnomasi, agar nikohdan ajratilgan bo‘lsa, nikohdan ajralganlik haqidagi guvohnomasi;
▫️agar ariza beruvchining voyaga yetmagan bolalari bo‘lsa, u holda bolalarining tug‘ilganlik haqidagi guvohnomalari;
▫️ariza beruvchining pasportidan yoki shaxsini tasdiqlovchi boshqa hujjatidan ko‘chirma;
▫️agar ariza beruvchi voyaga yetmagan yoki sud qarori bilan muomalaga layoqatsiz deb topilgan bo‘lsa, u holda ota-onasining yoxud vasiy yoki homiyning arizasi;
▫️1 dona (3x4 o‘lchamli) fotosurat.

Asos: Vazirlar Mahkamasining 2016-yil 14-noyabrdagi 387-son qarori.

@adliyangiliklari

❗️Давлат органларининг телеграмдаги расмий саҳифаларини кузатиб боринг!

✅ Ўзбекистонда амалга оширилаётган маъмурий ислоҳотлар натижасида вазирлик ва идоралар сони оптималлаштирилди, айрим ташкилотлар бир-бирига қўшилди ёки қисқарди. Шунинг учун, биз давлат органлари ва ташкилотларининг Телеграмдаги каналлари рўйхатини янгиладик.

🔵 Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

📌 Давлат органларининг расмий каналларининг янгиланган рўйхати билан танишиб, аъзо бўлишни тавсия қиламиз.

Telegram | Facebook | Instagram | Медиабанк

#Bilasizmi

📌Mashhur brendlar oʻz mahsulotlarining kontrafakt nusxalariga qarshi qanday kurashadilar?

Ushbu ruknimizda, ana shunday kurashning qiziqarli va noodatiy usullariga misollar keltiramiz.

👉Batafsil

👉На русском

@adliyangiliklari

#Adliyadan_javob

❓Tovar belgisiga bo‘lgan huquqni buzganlik uchun qanday javobgarlik bor?

Tovar belgisidan ruxsat berilmagan tarzda foydalanish O‘zbekiston Respublikasi qonunchiligiga ko‘ra javobgarlikka olib kelishi mumkin. Xususan, “Ma’muriy javobgarlik to‘g‘risida”gi Kodeksning 177-moddasiga asosan bunday qonun buzilishi holati uchun jarima belgilangan.

Shuningdek, O‘zbekiston Respublikasi “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonunining 37(1)-moddasiga ko‘ra tovar belgilaridan qonunga xilof ravishda foydalanish yuridik shaxslarga nisbatan bazaviy hisoblash miqdorining yuz baravaridan ikki yuz baravarigacha boʻlgan miqdorda jarima (moliyaviy sanksiya) qo'llanilishiga sabab bo‘ladi.

👉На русском

@adliyangiliklari

#Adliyadan_javob

❓Tovar belgisidan foydalanmaslik qanday oqibatlarga olib keladi?

Tovar belgisidan oxirgi uch yil davomida O‘zbekiston Respublikasi hududida uzrli sababsiz uzluksiz foydalanilmagan taqdirda, uning ro‘yxatdan o‘tkazilganligi istalgan manfaatdor shaxsning talabi bo‘yicha sudning qaroriga asosan bekor qilinishi mumkin.

👉На русском

@adliyangiliklari

#Muhum

Dunyo bo'yicha eng qimmatbaho mulk – bu intellektual mulkdir.

✅Bizda-chi?
✅Intellektual mulk huquqlari qanday himoyalangan?
✅Tovar belgilarining muhofazasi va himoyasi qay darajada?
✅Mualliflik huquqiga amal qilish madaniyati bormi?

Adliya vazirligi Intellektual mulk departamentining 👉@adliyaimd kanali orqali soha yangiliklaridan xabardor bo'ling!

@adliyangiliklari