#Adliya_xabari

O‘zbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi Suma Chakrabarti bilan uchrashuv bo‘lib o‘tdi

Bugun, 14-yanvar kuni adliya vaziri Akbar Toshqulov O‘zbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi Suma Chakrabartini qabul qildi.

Uchrashuvda adliya va huquq sohasida hamkorlik aloqalari hamda amalga oshirilishi rejalashtirilayotgan yangi tashabbuslar muhokama qilindi.

Jumladan, adliya vaziri A.Toshqulov xorij tomoniga maxsus huquqiy rejim asosida faoliyat yurituvchi Raqamli texnologiyalar xalqaro markazi («ENTERPRISE UZBEKISTAN») va uning huzurida Xalqaro tijorat sudini tashkil etish, milliy qonunchilikni JST bitimlariga muvofiqlashtirish xamda siyosiy-huquqiy sohadagi xalqaro reyting va indekslarda O‘zbekiston Respublikasining pozitsiyalarini yaxshilash bo‘yicha olib borilayotgan ishlar haqida so‘zlab berdi.

S.Chakrabarti o‘z navbatida, Raqamli texnologiyalar xalqaro markazi
va uning huzurida tashkil etilayotgan sud xalkaro standartlariga mos kelishi kerakligini ta'kidlab, bu borada olib borilayotgan islohotlarni yuqori baholadi. Mazkur soha hamda xalqaro reyting va indekslar sohasida xalqaro ekspertlarni jalb qilishda amaliy yordam ko‘rsatishini ta'kidlab o‘tdi.

Shuningdek, S.Chakrabarti JSTga a'zolik masalasi murakkabligini ta'kidlab, O‘zbekiston Respublikasida amalga oshirilayotgan tizimli islohotlar natijasida yaqin orada JSTga a'zo bo‘lishga ishonch bildirdi.

Uchrashuv yakunida tomonlar O‘zbekiston Respublikasi adliya va huquq tizimida xalqaro va milliy islohotlarda yaqin hamkorlik qilishga tayyorliklarini bildirilar.

📌 Kanalga ulanish

#Adliya_xabari

Respublika ishchi guruhi Buxoro viloyatida tadbirkorlar bilan uchrashdi hamda mahallada sayyor qabul oʻtkazdi

Prezident Administratsiyasi va Adliya vazirligi masʼullaridan iborat respublika ishchi guruhi Buxoro viloyatida dastlab Savdo-sanoat palatasi viloyat hududiy boshqarmasi, soliq, qurilish boshqarmasi, kadastr palatasi agentligi va boshqa tegishli idoralar masʼullari ishtirokida davlat xizmatlaridan foydalanishda mavjud tizimli muammolarni aniqlash boʻyicha viloyatdagi tadbirkorlik subyektlari bilan uchrashuv oʻtkazdi.

Muloqotda 100 nafarga yaqin tadbirkorlik subyektlari ishtirok etdi. Tadbirda davlat xizmatlarini koʻrsatilishidagi tizimli muammolarga oid fikr-mulohazalar, ularni bartaraf etishga oid takliflar tinglandi. Shuningdek, tadbirkorlik faoliyatga oid murojaatlari eshitilib, qonunchilik yuzasidan zarur huquqiy tushuntirishlar berildi. Oʻrganish talab qiladigan ayrim murojaatlar koʻrib chiqish uchun nazoratga olindi.

Ishchi guruh kunning ikkinchi yarmida Buxoro viloyatida “Huquqiy mahalla” loyihasi doirasida amalga oshirgan ishlarni oʻrgandi. Xususan, Jondor tumani “Ushot” mahallasida loyiha doirasida amalga oshirilgan ishlar taqdimoti bilan tanishdi. Mahallada mavjud 712 ta xonadon xatlovdan oʻtkazilib, 4 523 ta huquqiy muammolar mavjudligi aniqlandi. Ulardan 4 140 tasi yoki 91,5 foizi hal etilgan.

Jumladan, 348 nafar shaxsga mulk soligʻi boʻyicha imtiyozlar qoʻllanildi; 30 nafardan ortiq fuqaro oʻzini oʻzi band qilinishi taʼminlandi; mahalla binosida “Adliya kutubxonasi” tashkil etildi; uyma-uy yurilgan holda aholiga 250 ta sayyor tartibda davlat xizmatlari koʻrsatildi; “mahalla yettiligi” aʼzolariga yagona huquqni qoʻllash amaliyotini yoʻlga qoʻyish borasida metodik yordam koʻrsatildi; “Huquqiy targʻibot kuni” va “Adliya sayli” tadbirlari oʻtkazildi.

Shuningdek, adliya vaziri oʻrinbosari Sh.Rabiyev “mahalla yettiligi” bilan uchrashib, jinoyatchilik va huquqbuzarliklarni oldini olish, aholi bandligini taʼminlash, ijtimoiy himoyaga muhtoj aholini qoʻllab-quvvatlash orqali ularga huquqiy yordam koʻrsatish boʻyicha tavsiyalar berdi hamda ularning faoliyatida yuzaga kelayotgan muammolar va ularni bartaraf etish yuzasidan takliflari bilan oʻrtoqlashdi.

Ishchi guruhi tomonidan “Ushot” mahallasida sayyor qabul oʻtkazildi.

📌 Kanalga ulanish

#Adliya_xabari

Alisher Karimov: Davlat dasturi qonunchilikni modernizatsiya qilishga, aholi uchun qulay sharoitlar yaratishga va barqaror rivojlanishni ta’minlashga qaratilgan

Bugun Toshkentda “Oʻzbekiston – 2030” strategiyasini “Atrof-muhitni asrash va «yashil iqtisodiyot»” yilida amalga oshirish boʻyicha Davlat dasturi va uni tasdiqlash toʻgʻrisidagi Prezident Farmoni loyihasining xalqaro hamjamiyat bilan jamoatchilik muhokamasi boʻlib oʻtdi. Tadbirda adliya vaziri oʻrinbosari Alisher Karimov 2025-yilda Adliya vazirligi tomonidan amalga oshiriladigan ishlar yuzasidan maʼlumot berdi.

👉Batafsil

📌 Kanalga ulanish

#Adliya_xabari

“Oʻzbekistonda qonun ustuvorligi va inson huquqlarini himoya qilishni mustahkamlash” loyihasi doirasida loyiha kengashining yigʻilishi boʻlib oʻtdi

Adliya vazirligida “Oʻzbekistonda qonun ustuvorligi va inson huquqlarini himoya qilishni mustahkamlash” loyihasi doirasida BMT Taraqqiyot Dasturining Oʻzbekistondagi doimiy vakili, Oliy Majlisning Inson huquqlari boʻyicha vakili (ombudsman) va Finlyandiyaning Markaziy Osiyodagi elchisi ishtirokida loyiha kengashining yigʻilishi boʻlib oʻtdi.

Yigʻilish loyihaning 2024-yildagi asosiy natijalari toʻgʻrisidagi hisobotni muhokama qilish, loyiha tomonidan tashkillashtirilgan Ayollar va qizlarga nisbatan zoʻravonlikka barham berish boʻyicha posterlar, fotosuratlar va qisqa video lavhalar tanlovining natijalarini eʼlon qilish hamda taqdirlash marosimini oʻtkazish, shuningdek, 2025-yil uchun ish rejani muhokama qilish va tasdiqlash maqsadida oʻtkazildi.

Tadbirni adliya vazirining oʻrinbosari, loyihaning milliy koordinatori Muzraf Ikramov ochib berib, 2024-yil davomida «Oʻzbekistonda qonun ustuvorligi va inson huquqlarini himoya qilishni mustahkamlash loyihasi doirasida koʻplab ishlar amalga oshirilganligi va ushbu ishlar bepul yuridik yordam koʻrsatish tizimining samarali yoʻlga qoʻyilishida, ushbu sohasida faoliyat olib boradigan NNTlar faoliyatiga koʻmaklashish orqali aholiga bepul yuridik yordam koʻrsatish mexanizmini ishlab chiqishda muhim ahamiyatga ega ekanligi haqida gapirdi.

Tadbirda BMT TD Oʻzbekistondagi doimiy vakili Akiko Fudzii, Oliy Majlisning Inson huquqlari boʻyicha vakili (ombudsman) Feruza Eshmatova, Finlyandiyaning Markaziy Osiyodagi elchisi Ilkka Rayzanen kirish soʻzlari bilan ishtirok etib, BMT TD va Finlyandiya Tashqi ishlar vazirligi hamkorligida amalga oshirilayotgan ishlar Oʻzbekistonda qonun ustuvorligi va inson huquqlarini himoya qilishni mustahkamlashda ijobiy natija berayotganligi va kelgusida ushbu hamkorlikni davom ettirishdan mamnun ekanliklarini bildirdilar.

Tadbirda loyiha rahbari Azamat Salayev soʻzga chiqib, loyiha doirasida 2024-yilda amalga oshirilgan ishlar haqida maʼlumot berdi. Loyihaning 2025-yilga moʻljallangan ish rejasi tasdiqlandi. Shuningdek, tanlov natijalari eʼlon qilinib, taqdirlash marosimi oʻtkazildi.

📌 Kanalga ulanish

#Adliya_xabari

Buxoro viloyatida “Ijro intizomi — samaradorlik omili” mavzusida seminar oʻtkazildi

Prezident Administratsiyasi va Adliya vazirligi masʼullaridan iborat respublika ishchi guruhi ishtirokida Buxoro viloyat hokimligida “Ijro intizomi — samaradorlik omili” mavzusida seminar tashkil etildi. Unda hududdagi korxona va tashkilotlarda ijro intizomiga masʼul xodimlar, shuningdek, video-konfrens-aloqa shaklida shahar va tuman hokimliklaridan masʼullar ishtirok etdi.

Tadbirda adliya vaziri oʻrinbosari Sh. Rabiyev, xususan, “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida”gi Prezident Farmoni hamda “«Ijro.gov.uz» ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida”gi Prezident qarorining mazmun-mohiyati va joriy etilgan tizimning alohida jihatlari haqida maʼlumot berdi.

Respublika ishchi guruhi vakillari ijro intizomini tartibga solishning huquqiy asoslari bilan bir qatorda, “Ijro.gov.uz” tizimi orqali viloyatda nazoratga olingan topshiriqlar ijrosi haqida toʻxtalib oʻtdi.

Ishtirokchilar faoliyati davomida joriy qilinayotgan yangiliklar, qiyinchilik tugʻdirayotgan baʼzi holatlar yuzasidan masʼullardan oʻzlarini qiziqtirgan savollarga atroflicha javob oldi.

Shuningdek, hududda tarmoqlararo ijro intizomini tashkil etishda amalga oshirilayotgan ishlar, mavjud muammolar va ularning yechimlari yuzasidan taklif-mulohazalar bildirildi.

📌 Kanalga ulanish

#Adliya_xabari

Bugun Adliya vazirligi Turkiya patent idorasi bilan hamkorlikda “Geografik koʻrsatkichlar tizimini rivojlantirishda Turkiya tajribasi” mavzusidagi uch kunlik seminarga start berdi.

👉Batafsil

📌 Kanalga ulanish

#Adliya_xabari

Adliya vaziri o‘rinbosari ishtirokida sayyor qabul o‘tkazildi.

Adliya vaziri o‘rinbosari Sh.Rabiyev tomonidan Baliqchi tumani “Chinobod” MFY binosida  sayyor qabul tashkil etildi.

Qabulda viloyat adliya boshqarmasi, tuman adliya bo‘limi mas’ul xodimlari, xususiy amaliyot bilan shug‘ullanuvchi notariuslar, “mahalla yettiligi” a’zolari hamda mutasaddi tashkilotlar rahbarlari ishtirok etdi.

Sayyor qabullar davomida 60 nafardan ortiq fuqarolarning murojaatlari tinglanib, shundan 30 tasi joyida hal etilgan holda huquqiy tushuntirish berildi. O‘rganib chiqish muddat talab etadigan 30 ga yaqin murojaatlar ish yurituviga olindi.

📌 Kanalga ulanish

#Adliya_xabari

Adliya vazirligi ishchi guruhi Fargʻona viloyatida davlat xizmatlari markazlari va FHDY organlari ish faoliyati bilan tanishmoqda.

Ishchi guruh birinchi ish kunida Quva, Toshloq tumanlari hamda Fargʻona va Quvasoy shahridagi davlat xizmatlari markazlari va FHDY organlarida fuqarolar va tadbirkorlarga koʻrsatilayotgan xizmatlar va uning samaradorligini oʻrgandi.

Jarayonlar davomida davlat xizmatchilari bilan individual tarzda suhbatlashilib, xizmat koʻrsatishni izchil yoʻlga qoʻyish borasidagi takliflar va muammolar bilan qiziqildi.

Davlat xizmatlari markazlarida tadbirkorlar ishtirokida sayyor qabullar tashkil etildi. Qabullar davomida tadbirkorlarga davlat xizmatlarini koʻrsatish borasida tizim vakillari va ishbilarmonlar tomonidan oʻndan ortiq takliflar oʻrtaga tashlandi.

Bundan tashqari, xodimlarga ish sifatini yaxshilash, doimiy oʻz bilim va koʻnikmalarini oshirib borish, fuqarolar bilan xushmuomalalik bilan muloqotda boʻlish yuzasidan zarur tavsiya va koʻrsatmalar berildi.

Xorijga chiqish pasporti va ID-kartalarni berishda integratsiya masalalaridagi takliflar alohida eʼtiborga olindi.

📌 Kanalga ulanish