#Adliya_xabari

Qonunchilik hujjatlari loyihalarining ta'sirini baholash bo‘yicha seminar o‘tkazildi

Bugun, 8-noyabr kuni AQSh Xalqaro taraqqiyot agentligi (USAID) bilan hamkorlikda 30 dan ortiq vazirlik va idoralarning mas'ul xodimlari ishtirokida “Qonunchilik hujjatlarini tartibga solish ta'sirini baholash: islohotlarni amaliyotga tatbiq etish” mavzusida seminar o‘tkazildi.

Tartibga solish ta'sirini baholash loyihalar bo‘yicha muammoni hal qilishga qaratilgan yechimlar va ular qabul qilinishi natijasida kelib chiqadigan ijobiy va salbiy oqibatlarni aniqlash va eng samarali usulni tanlash, amaldagi hujjatlar bo‘yicha ularning samaradorligini tahlil qilish maqsadida o‘tkaziladi.

Tadbirda “Ijtimoiy munosabatlarni huquqiy tartibga solishning barqarorligini ta'minlash, sifati va samaradorligini oshirish chora-tadbirlari to‘g‘risida” gi Prezident Farmoni bilan qonunchilik hujjatlari loyihalari ta'sirini baholashning soddalashtirilgan va kengaytirilgan tartibi joriy qilinganligi, hamda, amaldagi qonunchilik hujjatlarining samaradorligini tahlil qilish va baholash tizimi takomillashtirilganligi ta'kidlab o'tildi.

Shuningdek, Adliya vazirligi tomonidan AQSh Xalqaro taraqqiyot agentligi bilan hamkorlikda davlat organlarining tartibga solish ta'sirini baholashga mas'ul xodimlarining bilim va malakalarini oshirishga qaratilgan 10 ta moduldan iborat Tartibga solish ta'sirini baholash bo‘yicha o‘quv qo‘llanma ishlab chiqilgan. Unda TSTBga oid barcha masalalar sodda va ravon tilda tushuntirib berilgan. Seminar doirasida ushbu qo‘llanmaning taqdimoti ham o‘tkazildi.

📌 Kanalga ulanish

#Adliya_xabari

Adliya vaziri Akbar Toshqulov BMTning Qochoqlar ishlari bo‘yicha Oliy komissari yordamchisi Ruvendrini Menikdivela xonim bilan uchrashdi

O‘zbekiston adliya vaziri Akbar Toshqulov 8-noyabr kuni Turkmanistonning Ashxobod shahrida bo‘lib o‘tayotgan “Markaziy Osiyoda fuqarosizlikka barham berish” mavzusidagi konferensiya doirasida BMTning Qochoqlar ishlari bo‘yicha Oliy komissari yordamchisi Ruvendrini Menikdivela xonim bilan uchrashdi.

Uchrashuvda BMTning Qochoqlar ishlari bo‘yicha Oliy komissari boshqarmasi bilan ikki tomonlama hamkorlik masalalarini rivojlantirish va istiqboldagi rejalar bo‘yicha qisqacha suhbat o‘tkazildi.

Tomonlar tug‘ilganligi qayd etilmagan hamda shaxsini tasdiqlovchi hujjatlarga ega bo‘lmagan fuqarolarga zarur hujjatlarni rasmiylashtirish, shuningdek, fuqarosizlikni qisqartirish bo‘yicha hamkorlikdagi amaliy chora-tadbirlarni yo‘lga qo‘yish bo‘yicha fikr almashdilar.

Uchrashuv so‘ngida Adliya vazirligi bilan BMTning Qochoqlar ishlari bo‘yicha Oliy komissari boshqarmasi o‘rtasida kelgusidagi hamkorlik aloqalarini yanada mustahkamlashga kelishib olindi.

📌 Kanalga ulanish

#Adliya_xabari

FHDY organlarida Elektron navbat tizimini optimallashtirish loyihasi mas’ullar tomonidan muhokama qilindi
 
FHDY organlariga tashrif buyuruvchilar oqimini o‘rganish va tahlil qilish hamda ish samaradorligini oshirish maqsadida ishlab chiqilgan yangi talqindagi Elektron navbatni boshqarish tizimi soha vakillari ishtirokida ko‘rib chiqildi.

Uchrashuv davomida tizimning fuqarolar tomonidan FHDY organlariga onlayn elektron navbatga yozilishi yoki bevosita murojaat qilganda elektron navbat chiptalarini olish bilan oldingi navbatda turgan fuqarolar soni haqidagi ma’lumotlarga ega bo‘lishi, navbatlar haqidagi ma’lumotlarni monitoring qilish hamda tashrif buyuruvchilar oqimini tahlil qilish orqali yuklamalarni boshqarish imkoniyatlari muhokama qilindi.

Shundan so‘ng, adliya vaziri o‘rinbosari Xudoyor Meliyev tomonidan tashrif buyuruvchilarga sifatli davlat xizmatlarini ko‘rsatish, FHDY organlariga onlayn navbatga yozilish imkoniyatlarini kengaytirish hamda monitoring qilish imkoniyatlarini yaratish borasida soha vakillariga bir qator topshiriqlar berildi.

📌 Kanalga ulanish

#Adliya_xabari

Bugun Adliya vazirligi tomonidan “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi Qonun ijrosini tashkil etish yuzasidan matbuot anjumani oʻtkazildi.

👉Batafsil

📌 Kanalga ulanish