​#Adliyadan_javob

❓Qanday holatlarda foydalanuvchining Mobil-ID tizimidagi identifikatsiyasi bekor qilinadi?

— Quyidagi holatlarda foydalanuvchining Mobil-ID tizimidagi identifikatsiyasi bekor qilinadi:
▪️ ilgari Mobil-ID tizimida identifikatsiyadan oʻtgan mobil telefon raqam boshqa foydalanuvchi tomonidan identifikatsiyadan oʻtkazish uchun taqdim etilganda (avvalgi foydalanuvchi);
▪️ Mobil-ID tizimida identifikatsiyadan oʻtkazilgan mobil telefon raqam mobil aloqa operatori egaligiga oʻtganda, bundan mobil telefon raqam muzlatilgan hollar mustasno;
▪️foydalanuvchi Mobil-ID tizimidagi identifikatsiyasini bekor qilishni soʻrab murojaat qilganda;
▪️foydalanuvchi vafot etganda.

Foydalanuvchining vafot etganligi “FHDYning yagona elektron arxivi” axborot tizimidan integratsiya asosida avtomatik ravishda aniqlanadi.

Asos: Vazirlar Mahkamasining 2022-yil 30-avgustdagi 479-son qarori bilan tasdiqlangan “Oʻzbekiston Respublikasida jismoniy shaxslarni Mobil-ID tizimida identifikatsiyalash tartibi toʻgʻrisida”gi nizomning 34-bandi.

@adliyangiliklari

#Infografika #FHDY_xizmatlari #Bu_qiziq

🏫FHDY organlari tomonidan 2022-yilning 9 oyi davomida 688 421 ta tugʻilish holati qayd etilgan.

👶🏻O'g'il bolalar — 356 425 ta
👧🏻 Qiz bolalar — 331 988 ta

🔅Shu jumladan, ushbu davr mobaynida O'zbekistonda tug'ilgan o'g'il bolalarga Muhammadali ismi, qizlarga esa Soliha ismi eng ko'p qo'yilgan.

Kanalga ulanish👇👇👇
https://t.iss.one/davxizmat

#Adliya_aralashgach

Adliya aralashuvi bilan 174 nafar tibbiyot xodimlarining kechiktirilgan ta'til pullari undirib berildi

Marhamat tuman adliya bo‘limi tomonidan tuman tibbiyot birlashmasida normativ-huquqiy hujjatlarning ijro etilishi hamda mehnat qonunchiligi talablariga rioya etilishi holati yuzasidan yuzasidan o‘rganish va monitoring ishlari amalga oshirildi.

Monitoring davomida tibbiyot birlashmasi tomonidan joriy yilning sentabr oyi uchun yillik mehnat ta'tillariga chiqqan 174 nafar xodimlarga ta'til pullari to‘lab vaqtida berilmaganligi aniqlangan.

Vaholanki, Mehnat kodeksining 148-moddasi 2-qismida ta'til uchun haq to‘lash jamoa shartnomasida belgilangan muddatlarda, lekin ta'til boshlanmasidan oldingi oxirgi ish kunidan kechikmay amalga oshirilishi belgilangan.

Shunga asoslanib, tibbiyot birlashmasi boshlig‘i nomiga qonunbuzilish holatlarini bartaraf etish yuzasidan taqdimnoma kiritilib, jami 235 million so‘m miqdoridagi ta'til pullari hisoblanib, to‘lab berilishi ta'minlandi.

@adliyangiliklari

Xudoyor Meliyev: Hujjatlar korrupsiyaga yo‘l ochib berar ekan, bu illatni bartaraf qilib bo‘lmaydi

2022 — 2026 yillarga mo‘ljallangan Yangi O‘zbekistonning taraqqiyot strategiyasida belgilangan yuzta maqsaddan biri — jamiyatda korrupsiyaga nisbatan murosasiz munosabatni shakllantirishdir.

Batafsil 👉 https://uza.uz/posts/413375

@adliyangiliklari

​#Adliyadan_javob

❓Mobil-ID tizimidan qanday maqsadlarda foydalaniladi?

Mobil-ID tizimidan quyidagi maqsadlarda foydalaniladi:
▪️OneID tizimi orqali davlat organlari va tashkilotlarining portal va axborot tizimlariga kirishda foydalanuvchilarning shaxsini tasdiqlash (autentifikatsiya qilish);
▪️Mobil-ID tizimidan foydalanayotgan foydalanuvchining haqiqiyligini tasdiqlash (verifikatsiya qilish);
▪️elektron davlat xizmatlaridan foydalanish boʻyicha foydalanuvchilar tomonidan berilgan arizalarni tasdiqlash;
▪️ foydalanuvchi oʻzining shaxsiga doir maʻlumotlarni davlat organlari va tashkilotlari “Elektron hukumat” tizimi orqali olganda bu haqida xabarnomalar qabul qilish;
▪️ foydalanuvchi oʻzining shaxsiga doir maʻlumotlarni davlat organlari va tashkilotlari, xoʻjalik birlashmalari, nodavlat tashkilotlar “Elektron hukumat” tizimi orqali olishi uchun ruxsat berish;
▪️qonunchilikda nazarda tutilgan boshqa holatlarda.

Asos: Vazirlar Mahkamasining 2022-yil 30-avgustdagi 479-son qarori bilan tasdiqlangan “Oʻzbekiston Respublikasida jismoniy shaxslarni Mobil-ID tizimida identifikatsiyalash tartibi toʻgʻrisida”gi nizomning 29-bandi.

@adliyangiliklari

#Adliya_infografika

⚡️Davlat xizmatlarini ko'rsatishda joriy yilning o‘tgan 9 oyi mobaynida eng ko‘p qonun buzilishi holatlari aniqlangan vazirlik va idoralar:

▫️Kommunal idoralar – 44 731 ta
▫️Kadastr idoralari – 10 118 ta
▫️Qurilish idoralari – 7 655 ta
▫️Sog‘liqni saqlash muassasalari – 4 830 ta
▫️Hokimliklar – 4 755 ta

@adliyangiliklari

Hurmatli fuqarolar!

O‘zbekiston Respublikasi Vazirlar Mahkamasining 2022-yil 1-iyundagi 326-son “Fuqarolar ishtirokidagi audit o‘tkaziladigan obyektni aniqlash va davlat moliyaviy nazorati organlari faoliyati samaradorligini jamoatchilik tomonidan baholab borish tartibi to‘g‘risidagi nizomni tasdiqlash haqida”gi qarori tasdiqlandi.

Joriy yilning 1-oktabridan boshlab fuqarolar tomonidan tanlab olingan nazorat obyektlarida nazorat tadbirlarini o’tkazish hamda Moliya vazirligi huzuridagi Davlat moliyaviy nazorati inspeksiyasi va ichki audit xizmatlari faoliyati samaradorligini baholashni nazarda tutuvchi fuqarolar ishtirokidagi audit tizimi joriy etildi.

Barchamizda “Fuqarolar ishtirokidagi audit” tizimi nima ekanligi, nima uchun bu tizim kerak hamda u orqali nimalarga erishiladi kabi savollar paydo bo‘lishi mumkin.

Ayni vaqtda “Fuqarolar ishtirokidagi audit” tizimi orqali nazorat obyektlarini tanlash jarayoni davom etmoqda.

2022-yil 3-oktabr holatiga “www.davlatauditi.uz” portali orqali 250 dan ortiq fuqarolar tomonidan nazorat tadbirlari o‘tkazish maqsadida 23 ta budjet tashkiloti tanlandi.

Tanlash jarayonida ishtirok eting va budjet mablag‘larini yanada samarali sarflanishiga o‘z hissangizni qo‘shing!

Faol bo‘lganingiz uchun minnatdormiz!

@adliyangiliklari

🔻3974 ta kontrafakt o'quvchilar sumkalari almashtirib berildi
 
🔰Xabaringiz bor ijtimoiy tarmoqlarda “1-sinfga borgan ayrim qizaloqlarga qop-qora ryukzaklar berildi” sarlavhali materialda Andijon va Farg‘ona viloyatlarining bir nechta maktablarida birinchi sinf o‘quvchilari uchun Prezident sovg‘asi sifatida tarqatilgan maktab sumkalarida "Gucci", "Fila", "Nike" kabi xorijiy brendlar logotipidan foydalanganligi qayd etilgan edi.

💢Ushbu holat yuzasidan Adliya vazirligi tomonidan o‘rganish olib borildi. O‘rganish davomida Baliqchi tumanida faoliyat yurituvchi «H.P.O.» xususiy korxonasiga tegishli ishlab chiqarish obyektlarida davlat ro‘yxatidan o‘tkazilgan xorijiy tovar belgilari, jumladan "GUCCI”, “FILA”, “NIKE”, “ADIDAS”, “Hello Kitty” kabi kontrafakt o‘quvchilar sumkalarini ishlab chiqarganligi hamda  "O‘quv ta’lim-ta’minot" davlat muassasasining shartnomasiga asosan Andijon va Farg‘ona viloyatidagi umumta’lim maktablarining 1-sinf o‘quvchilariga tarqatilganligi aniqlandi.

♻️Holat yuzasidan Adliya vazirligi tomonidan "H.P.O" xususiy korxonasiga nisbatan Ma’muriy javobgarlik to‘g‘risidagi kodeksining 177-moddasi bilan ma’muriy bayonnoma rasmiylashtirilib, jinoyat ishlari bo‘yicha Baliqchi tuman sudiga yuborildi. Sud qaroriga muvofiq huquqbuzarga BHMning 15 barobari miqdorida jarima jazosi tayinlandi.

❗️Shuningdek, Adliya vazirligining tegishli taqdimnomasiga asosan 3974 ta kontrafakt o'quvchilar sumkalari o'quvchlardan qaytarib olinib, sifatli o'quvchilar sumkalariga almashtirib berildi va bu kabi holatlar bartaraf etildi.

Kanalga ulanish ➡️ @adliyaimd

#Adliyadan_maxsus

Adliya vazirligi sanoat mulkini himoya qilish boshqarmasi tomonidan tovar belgilarining huquqiy muhofazasi va himoyasiga oid maxsus qo‘llanma ishlab chiqildi.

Sizning e’tiboringizga qo‘llanmaning elektron shaklini taqdim etmoqdamiz.

📗Mazkur qo‘llanmada tovar belgilarini ro‘yxatdan o‘tkazishda talabnomaga qo‘yiladigan talablar, uni tuzish, topshirish, ko‘rib chiqish, ro‘yxatdan o‘tkazish jarayonlari, shuningdek tovar belgilarining huquqiy muhofazasi va himoyasiga oid masalalar bayon etilgan.

Qo‘llanmada murojaatchilarga qulaylik yaratish maqsadida tovar belgilarini ro‘yxatdan o‘tkazish uchun topshiriladigan talabnomalarni rasmiylashtirishga oid namunalar keltirilgan.

Patent vakillari, tadbirkorlar, huquqshunoslar va boshqa manfaatdor shaxslar uchun mo‘ljallangan.

@adliyangiliklari

​#Adliyadan_javob

❓Xabardor qiluvchining xabardor qilish tartibida amalga oshiriladigan faoliyatini (harakatlarini) toʻxtatib turish asoslari qanday?

— Xabardor qiluvchining xabardor qilish tartibida amalga oshiriladigan faoliyati (harakatlari) quyidagi asoslarga koʻra muayyan muddatga toʻxtatib turiladi:
▪️vakolatli organning tashabbusiga binoan;
▪️xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi ish sudda koʻrib chiqilganda, sudning hal qiluv qarori qonuniy kuchga kirgunga qadar.

Asos: Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi qonuni 41-moddasi.
______________

❓Xabardor qiluvchining xabardor qilish tartibida amalga oshiriladigan faoliyatini (harakatlarini) tugatish asoslari qanday?

— Xabardor qiluvchining xabardor qilish tartibida amalga oshiriladigan faoliyati (harakatlari):
▪️xabardor qiluvchi tomonidan oʻz faoliyatini (harakatlarini) tugatish toʻgʻrisida vakolatli organga yuborgan xabarnomaga;
▪️ xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi sudning qaroriga asosan tugatiladi.

Asos: Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi qonuni 44-moddasi.

@adliyangiliklari

#Adliya_hudud

“Sirli mijoz” dan “Rozi mijoz”gacha

👉 Batafsil

@adliyangiliklari

​#Adliyadan_javob

❓Nikoh tuzishga monelik qiladigan holatlar qaysilar?

Nikoh tuzishga:
▪️ loaqal bittasi roʻyxatga olingan boshqa nikohda turgan shaxslar oʻrtasida;
▪️ nasl-nasab shajarasi boʻyicha toʻgʻri tutashgan qarindoshlar oʻrtasida, tugʻishgan va oʻgay aka-ukalar bilan opa-singillar oʻrtasida, shuningdek, farzandlikka oluvchilar bilan farzandlikka olinganlar oʻrtasida;
▪️ loaqal bittasi ruhiyat buzilishi (ruhiy kasalligi yoki aqli zaifligi) sababli sud tomonidan muomalaga layoqatsiz deb topilgan shaxslar oʻrtasida yoʻl qoʻyilmaydi.

Asos: Oʻzbekiston Respublikasi Oila kodeksining 16-moddasi.

@adliyangiliklari

#videodaydjest

📹 Adliya tizimidagi oʻtgan hafta davomida qanday muhim voqealar, o‘zgarishlar ro‘y berdi? Ular haqida haftalik daydjesti.

@adliyangiliklari

#Xabardormisiz

Xalqaro imtihon tizimlari bo‘yicha yuqori ball-daraja to‘pladingizmi?

Unda sizga imtihon topshirish xarajatlari to‘liq qoplab beriladi.

Buning uchun xalqaro sertifikat olganingizga 180 kundan ko‘p bo‘lmagan bo‘lishi va siz 31 yoshdan oshmagan bo‘lishingiz kerak.

Batafsil video orqali tanishing👆.

@adliyangiliklari

O‘zNNTMA NNT rahbarlari uchun malaka oshirish kurslariga talabgorlar arizalari qabuli boshlanganligini e'lon qiladi.

Malaka oshirish joyi: O‘zbekiston Respublikasi Prezidenti huzuridagi Davlat boshqaruvi akademiyasi.

Malaka oshirish muddati: 2022-yil noyabr oyi.

Qabul kvotasi: 50 nafar NNT rahbarlari.

Hujjatlar [email protected] elektron pochtasiga yuboriladi.

1. Ariza (word va skaner shakllarda);
2. NNT rahbarining ma'lumotnomasi/obyektivkasi (word shaklda);
3. NNT rahbari etib saylanganligi/tayinlanganligi to‘g‘risidagi hujjatdan ko‘chirma (skaner shaklda);
4. NNT rahbarining shaxsini tasdiqlovchi hujjat nusxasi (pasport yoki ID kartasi skaner shaklda);
5. NNT guvohnomasi nusxasi (skaner shaklda).
6. NNT rahbarining fotosurati – 1 dona (9 x 12 hajmda, oq fonda, JPG shaklda).

❗️ Arizalar 2022-yil 26-oktabrga qadar qabul qilinadi.

☎️ Aloqa uchun:
(55) 503-05-13
(94) 669-50-77
(99) 887-30-83

@adliyangiliklari

#Adliya_aralashgach

Yolg‘iz ayolning pensiyasi nega to‘xtatildi?

👉Batafsil

@adliyangiliklari