#Davlat_xizmatlari

Yana bir yangi xizmat ishga tushdi!

Hukumat qarori (317-son, 07.06.2022-y.) bilan tasdiqlangan davlat xizmati koʻrsatishning maʼmuriy reglamentiga asosan:

👶🏻Bolalarni sogʻligʻiga zarar yetkazuvchi axborotdan himoya qilish sohasidagi ekspertlarni akkreditatsiya qilish boʻyicha davlat xizmati ishga tushurildi.

Ariza beruvchi DXMga bevosita yoki Yagona interaktiv davlat xizmatlari portali (YIDXP) orqali elektron murojaat qiladi.

🔹 Ariza beruvchi oliy maʼlumotga, pedagogika, yoshga oid psixologiya va fiziologiya, bolalar psixiatriyasi sohalarida bilimlarga (diplom yoki sertifikatga) ega boʻlishi kerak.

🔹 Soʻrovnoma toʻldirilgandan so'ng, 7 ish kunida oʻrganib chiqiladi.

🔹Ariza beruvchini akkreditatsiya qilish toʻgʻrisida qaror qabul qilingach, talabgor 1 kun ichida akkreditatsiyadan oʻtkaziladi.

🔹Ekspert akkreditatsiya qilinganligi toʻgʻrisida guvohnoma 5 yil muddatga beriladi.

📌 Mazkur davlat xizmatlari koʻrsatilganligi uchun yigʻim undirilmaydi.

@adliyangiliklari

#Adliya_hudud

Samarqand shahar davlat xizmatlari markazida ID-kartalarni rasmiylashtirish xizmati ishga tushdi.

Ushbu xizmatni sifatli ko‘rsatish uchun markazda barcha shart-sharoit yaratilgan bo‘lib, zarur texnik asbob-uskunalar olib kelinib, o‘rnatilgan. Muhimi, ushbu xizmatdan markaz orqali foydalanish istagida bo‘lganlar onlayn tarzda Yagona interaktiv davlat xizmatlari portali (my.gov.uz) orqali ham elektron ariza berishlari mumkin. Hujjatni rasmiylashtirish muddati — 1 kun.

👉Batafsil

@adliyangiliklari

​#Adliyaspartakiadasi

Ruslanbek Davletov: Biz katta adliya jamoasimiz — sport esa bizni yanada jipslashtiradi!

“Yurtimizda jismoniy tarbiya va sportni ommalashtirish, ayniqsa, xodimlarimiz o‘rtasida sog‘lom turmush tarzini targ‘ib qilish va jamoaviy ruhni kuchaytirish maqsadida Adliya vazirligi tizimida birinchi marta “Adliya spartakiadasi”ga start berdik.

Spartakiadada markaziy apparat va hududiy adliya organlaridan 135 nafar ishtirokchi sportning 10 turi bo‘yicha o‘zaro bellashadi.

Biz barcha ishtirokchilar o‘zidagi bor salohiyatni to‘liq namoyon etib, musobaqalarda eng so‘nggi soniyalargacha sog‘lom raqobat ruhida kurash olib borishiga ishonamiz. Biz kutgan natija aynan mana shu — o‘zaro sog‘lom va adolatli muhitni yanada kuchaytirish.

G‘oliblar musobaqa mezonlaridan kelib chiqib o‘z ishtiroki, erishgan natijasiga qarab munosib taqdirlanadi. Eng katta yutuq esa — bizning jipsligimiz, maqsadga tomon oxirigacha intilishimiz va eng yuksak marralarni ham qo‘rqmay oldimizga qo‘yishga ishonchimiz bo‘ladi.

Haqiqiy adliyacha timbilding!

Adliya xodimi deganda ham ishda, ham oilada, ham sportda, umuman jamiyat hayotida boshqalarga namuna bo‘ladigan ko‘p qirrali shaxs ko‘z oldimizda gavdalanishi kerak. Biz adliyachilarni shunday tasavvur qilamiz va shunga intilamiz.

Ishonamizki, bu kuchli start bo‘ladi: xodimlarimiz sport bilan bundan keyin ham doimiy shug‘ullanib borishadi”.

Ruslanbek Davletov,
adliya vaziri.

@adliyangiliklari

#Davlat_xizmatlar

Sayyor xizmat — keksalarga tayyor xizmat

Andijon shahar davlat xizmatlari markazi xodimlari tomonidan 83 yoshli otaxon Odiljon Teshaboyevga xonadoniga borgan holatda sayyor xizmat ko‘rsatildi.

@adliyangiliklari

Adliya vaziri: muammolarimiz ko‘p, ular ustida hali ishlashimiz kerak!

📹 Adliya vaziri R. Davletovning Gaaga shahrida (Niderlandiya) bo‘lib o‘tgan Butunjahon odil sudlov forumi (The World Justice Forum 2022) dagi ma'ruzasidan.

Ma'ruzaning to‘liq shakli 👉videoda

@adliyangiliklari

​#Adliya_munosabat

FHDY organlari tugatilmaydi

Ijtimoiy tarmoqlarda FHDY organlari tugatilarmish degan asossiz mish-mishlar tarqaldi.

Shu munosabat bilan ushbu masalaga oydinlik kiritib o‘tishni zarur deb topdik.

Hozirgi kunda nikoh uylarini qayta tashkil etib, ularni FHDY bo‘limlariga aylantirish rejalashtirilmoqda.

Amaldagi tartibga ko‘ra, Nikoh uylari faqat nikohni rasmiylashtiradi. FHDY bo‘limlari tomonidan esa 4 ta (tug‘ilish, nikoh, ajrim va o‘lim) turdagi harakatlar amalga oshiriladi.

Aslida, Nikoh uylari mustaqilligimizning ilk yillarida barcha FHDY organlarida yetarlicha sharoit bo‘lmagan, binolar bilan bog‘liq muammolar fonida aholining nikohni tantanali qayd etilishiga bo‘lgan ehtiyojini ta'minlash uchun ayrim hududlarda tashkil etilgan edi.

Hozirgi kunda, FHDY organlarining moddiy-texnik bazasi mustahkamlanishi tufayli barcha FHDY organlarida nikohni tantanali qayd etish uchun alohida xonalar va sharoitlar yaratilgan.

Shundan kelib chiqib, nikoh uylarini saqlab turishning zaruriyati qolmaganligi sababli, nikoh uylarini qayta tashkil etib, ularni FHDY bo‘limlariga aylantirish rejalashtirilmoqda.

Bundan ko‘zlangan maqsad esa adliya organlari faoliyatini optimallashtirish, xodimlarga kelayotgan ish yuklamasini to‘g‘ri taqsimlash, binolardan unumli foydalanishdir.

Adliya vazirligi
Jamoatchilik bilan aloqalar bo‘limi

@adliyangiliklari

📹 Jahongir Choriyev yuridik texnikum o‘quvchisi. Kelgusida, tengqurlari singari “yurisprudensiya” mutaxassisligi bo‘yicha ta'lim olish jarayonini davom ettirishni o‘z oldiga maqsad qilgan.

Adliya vazirligi tomonidan "Yuridik texnikumlar bitiruvchilari uchun oliy ta'lim muassasalariga suhbat asosida o‘qishga kirish bo‘yicha yo‘llanmalar berish" mavzusida matbuot anjumani o‘tkazilgani Jahongir va uning sinfdoshlari uchun ayni muddao bo‘ldi.

Batafsil 👉videoreportajda

@adliyangiliklari

#Adliyaspartakiadasi

Joriy yilning 11—12-iyun kunlari Adliya vazirligi tomonidan tizim xodimlari uchun o‘tkazilayotgan “Adliya spartakiadasi” – ana shunday xayrli tashabbuslardan biri bo‘ldi.

Bellashuvning birinchi kuni. Jazirama yoz, havo ham faslga yarasha issiq. Ammo bu holat spartakiada ishtirokchilarini zarracha cho‘chitayotgani yo‘q.

Adliya xodimlari o‘rtasida sportga bo‘lgan qiziqish yuqoriligini nafaqat shu shashtdan, balki ularning ushbu musobaqaga puxta tayyorgarlik ko‘rganidan ham bilish qiyin emas: zarur anjomlar shay, barcha sport formasida.

Soha xodimlari uchun mazkur yirik tadbir ilk marotaba o‘tkazilayotgani uchun ham – hamma uning boshlanishini intiqlik bilan kutmoqda. Tashkiliy jarayonlar esa, ko‘rib turganingizdek a'lo darajada.

Batafsil 👉videoda

@adliyangiliklari

​#daydjest

Adliya vazirligi faoliyatining haftalik daydjesti

6-iyun
▪️ Oʻzbekiston Respublikasi adliya vaziri oʻrinbosari X.Meliyev Jahon banki ekspertlari bilan uchrashdi.

7-iyun
▪️ "Yuridik texnikumlar bitiruvchilariga OTMga suhbat asosida o‘qishga kirish bo‘yicha yo‘llanmalar berish" mavzusida matbuot anjumani o‘tkazildi.

8-iyun
▪️ “Yuridik texnikumlar bitiruvchilariga OTMga suhbat asosida o‘qishga kirish bo‘yicha yo‘llanmalar berish" mavzusida onlayn muloqot bo‘lib o‘tdi. Onlayn muloqotda Adliya vazirligi va Yuridik universitetning mas'ul xodimlari ishtirok etib, fuqarolarning savollariga javob berdi.

▪️ Toshkentda 20 dan ortiq davlat tashkilotlari xizmatchilarining funksional tahlil borasidagi ko‘nikmalarini rivojlantirish maqsadida seminar bo‘lib o‘tdi.

9-iyun
▪️ Oliy Majlis Senati va Qonunchilik palatasi bilan hamkorlikda huquqiy eksperiment o‘tkazishning huquqiy asoslarini takomillashtirishning dolzarb muammolari va ularni bartaraf etish hamda huquqiy mexanizmlarini belgilash masalalari bo‘yicha davra suhbati tashkil qilindi.

▪️ Adliya vazirligida Toshkent shahar yuridik texnikum o‘quvchilari uchun “Ochiq eshiklar” kuni tashkil etildi.

10-iyun
▪️ Samarqand shahar davlat xizmatlari markazida ID-kartalarni rasmiylashtirish xizmati ishga tushdi.

▪️ Moliya vazirligi bilan hamkorlikda Xalqaro reyting va indekslar bilan ishlashda ilmiy salohiyat hamda amaliy faoliyat uyg‘unligini ta’minlash masalalariga bag‘ishlangan ishchi seminar o‘tkazildi.

11-iyun
▪️ Adliya vazirligi tomonidan tizim xodimlari uchun “Adliya spartakiadasi” tahskil etildi.

@adliyangiliklari

❗️Давлат органларининг телеграмдаги расмий саҳифаларини кузатиб боринг!

Ўзбекистонда расмий ахборотнинг биринчи манбаси - ахборот хизматлари ҳисобланади. Ҳозирги кунда барча давлат органлари телеграмда ўз саҳифаларини юритишмоқда.

Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

🔔 Давлат органларининг расмий каналлари билан танишиб, аъзо бўлишни тавсия қиламиз.

​#Adliya_hudud

Hududiy adliya organlari faoliyatidan

🔹 Kasbilik Nazokat momoning 5 yillik sarsongarchiligi tugadi.

🔹 Dehqonobod tuman adliya bo‘limi mas’ullari tuman markazidan 200 km uzoqlikdagi Duob va Terakli qishloq ayollari muammosini yaqindan o‘rgandi.

🔹 Kasbi tumanda istiqomat qiluvchi ayolning murojaati ijobiy yechim topdi.

🔹 Shahrisabz shahar adliya bo‘limi aralashuvi bilan 33 nafar kutubxonachiga 64 million so‘mdan ortiq mablag‘ undirib berildi.

🔹 Qashqadaryo viloyat adliya boshqarmasi aralashuvi bilan 9 nafar MFY xodimlari oyligiga 30 foizlik ustama to‘lab berildi.

🔹 Qashqadaryo viloyat adliya boshqarmasi tomonidan viloyatning barcha tumanlarida fuqarolar va tadbirkorlar uchun sayyor qabullar tashkil etildi.

🔹 Oltiariqda adliya bo‘limi 4 yillik “bosh og‘rig‘i”ga barham berdi.

🔹Farg‘ona viloyat adliya boshqarmasi tomonidan aholi muammolarini hal qilish bo‘yicha yordam ko‘rsatilyapti.

🔹Qumqo‘rg‘on tuman adliya bo‘limi aralashuvi bilan fuqarolarga 500 mln so‘mga yaqin ustama pullari undirib berildi.

🔹 Uzun tuman adliya bo‘limi aralashuvi bilan xodimlarga o‘z vaqtida to‘lab berilmagan 11 mln so‘mdan ortiq ustama pullarini undirib berildi.

🔹 Tuproqqal’a, Bog‘ot, Yangibozor, Urganch va Xiva tumanlarida hamda Xiva va Urganch shaharlaridagi bozorlar va savdo komplekslarida sayyor davlat xizmatlari ko‘rsatildi.

🔹 Xorazm viloyat adliya boshqarmasi aralashuvi bilan 8 nafar fuqaroga 100 mln so‘m oylik ish haqlari hisob-kitob qilindi.

🔹Xorazm viloyat adliya boshqarmasi tomonidan Xiva va Urganch shaharlari hamda Xiva, Xonqa, Gurlan, Qo‘shko‘pir, Yangibozor tumanlarida fuqarolar va tadbirkorlar uchun sayyor qabullar o‘tkazildi.

🔹Sirdaryoda shartnomaga amal qilmagan injiniring kompaniyasi ham asosiy qarz, ham penya, ham davlat boji to‘ladi.

🔹Sirdaryo viloyatida xususiy amaliyot bilan shug‘ullanuvchi 4 nafar notariusning litsenziyasi vaqtincha to‘xtatildi.

🔹Asakada nogiron farzandi bor ayollarga beriladigan parvarishlash nafaqasidan 250 million so‘m “urib qolingan”ligi aniqlandi.

🔹Andijon shahar davlat xizmatlari markazi xodimlari tomonidan 83 yoshli otaxon Odiljon Teshaboyevga xonadoniga borgan holatda sayyor xizmat ko‘rsatildi.

🔹Baliqchi tumanida “Adliya mahallada” shiori ostida fuqarolar uchun sayyor qabul o‘tkazildi.

🔹 Yangiqo‘rg‘on tuman yuridik xizmat ko‘rsatish markazi tomonidan maktabgacha ta’lim tashkiloti hamshiralariga ustma pullari to‘lanmay kelinayotganligi aniqlandi.

🔹 Namangan viloyat adliya boshqarmasi tomonidan Chust tumanida yashovchi fuqaroning murojaati qanoatlantirildi.

🔹 Namangan tuman adliya bo‘limi tomonidan shifokorga qo‘shimcha ish haqi, tadbirkorga esa buzib tashlangan do‘koni uchun kompensatsiya undirib berildi.

🔹 Uychi tumanida rus tili fani oʻqituvchilariga 272 mln soʻmdan ortiq ustama haqlari undirib berildi.

🔹 Yangi Namanganda tashkil etilgan sayyor qabulda turli masalalarga doir 38 ta murojaat qabul qilindi.

🔹Navoiyda aholi va tadbirkorlarga davlat xizmati ko‘rsatishda eng ko‘p qonun buzayotgan idoralar ochiqlandi.

🔹Navoiy viloyatida 2022-yilning 1-iyun holatiga aholiga 146 497 ta davlat xizmati ko‘rsatildi.

🔹Qiziltepa tumanidagi “Sharif-Sharof kelajagi” fermer xo‘jaligi baliqchilik bilan shug‘ullangani bois soliq organlari tomonidan daromadidan yuqori, qariyb 14 barobar katta miqdorda soliqqa tortildi.

🔹Eronlik tadbirkor Navoiyda biznes ochdi.

🔹 Toshkent shaharidagi xususiy amaliyot bilan shugʻullanuvchi 13 nafar notariusning litsenziyasi vaqtincha toʻxtatildi.

🔹 Yakkasaroy tuman adliya bo‘limi aralashuvi bilan 21 ta MFY xodimlarining qo‘shimcha to‘lovlari undirildi.

🔹 Yunusobod tuman adliya bo‘limi ko‘magi bilan mahalla raisi ishga tiklandi hamda 13,5 mln so‘m kompensatsiya puli undirib berildi.

🔹9 nafar nogironligi bo‘lgan talabaning 13 mln so‘mdan ortiq to‘lanmagan stipendiyasi Oqdaryo tuman adliya bo‘limi aralashuvi bilan to‘lanishi ta'minlandi.

🔹Samarqand shahar davlat xizmatlari markazida ID-kartalarni rasmiylashtirish xizmati ishga tushdi.

@adliyangiliklari

#Adliya_xabari

🏢Adliya vazirligi tomonidan joriy yilning 13–17-iyun kunlari ilk marotaba “Intellektual mulk haftaligi” o‘tkaziladi.

Haftalik doirasida:
▫️O‘zbekiston milliy teleradiokompaniyasi,
▫️O‘zbekiston Milliy media assosiasiyasi,
▫️O‘zbekiston jurnalistika va ommaviy kommunikasiyalar universiteti,
▫️O‘zbekkonsert davlat muassasasi,
▫️“Kun.uz”, “Qalampir.uz”, “Daryo.uz” Internet nashrlarida sayyor uchrashuvlar o‘tkaziladi.

Hafta davomida intellektual mulk muhofazasi va himoyasi bilan bog‘liq mavzular, yangiliklar va muammolar hamda ularning yechimi muhokama qilinishi rejalashtirilgan.

@adliyangiliklari

#Adliya_aksiya

🚕 "Huquqiy taksi" loyihasi

Huquqiy savollarga to‘g‘ri javob bering va manzilga bepul yetib oling!

“Qoidalarga yo‘l ham bo‘ysunadi” loyiha doirasida "Huquqiy taksi" aksiyasi.

@adliyangiliklari