​#Adliya_xabari

Yuridik texnikumlar faoliyati yuzasidan seminar tashkil etildi

Joriy yilning 6-aprel kuni Adliya vazirligida ZOOM platformasi orqali tashkil etilgan seminarda Adliya vazirligi boshqarma boshlig‘I J. Nuritdinov, Toshkent davlat yuridik universiteti va yuridik texnikum rahbariyati hamda mas’ullar ishtirokida yuridik texnikumlarning moliyaviy barqarorligi va faoliyatini yanada kuchaytirish va ularning faoliyatiga amaliy yordam berish masalalari muhokama qilindi.

Seminarda yuridik texnikumlarning moliyaviy barqarorligi, bitiruvchilarning bandligini ta’minlash, o‘quvchilarning amaliyotini tashkil etish va pedagoglar tomonidan dars jarayonlariga zamonaviy metodikani qo‘llash hamda Yuridik texnikumlarda 2022/2023-o‘quv yili qabuliga tayyorgarlik ko`rish bo‘yicha tavsiya va topshiriqlar berildi.

Shuningdek, Yuridik texnikumlarning reytingini yanada ko‘tarish, bunda Vazirlar Mahkamasining 2021-yil 22-noyabrdagi “O‘zbekiston Respublikasi Adliya vazirligi tizimidagi ta’lim muassasalari faoliyatini yanada takomillashtirish chora-tadbirlari to‘g‘risida”gi 705-son qarorining ijrosini amalga oshirish yuzasidan tushuntirish va tavsiyalar berildi.

@adliyangiliklari

#videodaydjest

📹 Adliya tizimidagi oʻtgan hafta davomida qanday muhim voqealar, o‘zgarishlar ro‘y berdi? Ular haqida haftalik daydjesti.

@adliyangiliklari

#Adliya_tanlov

📢📢 Huquqiy fanlar bo‘yicha tanlovlar o‘tkaziladi

Adliya vazirligi yuridik texnikumlari o‘quvchilari uchun huquqiy fanlardan “Huquqiy fanlar olimpiadasi” va “Jinoyat, fuqarolik, iqtisodiy va ma'muriy sud ishlari bo‘yicha namunaviy sud protsessi” tanlovlari o‘tkaziladi.

Maqsad yuridik texnikumlarning bilimli va iqtidorli o‘quvchi-yoshlarini aniqlash va ularning intellektual salohiyatini oshirish, olimpiada ishtirokchilariga yuqori malakali mutaxassislar, shu jumladan yosh olimlar va pedagog xodimlarni jalb qilgan holda “ustoz-shogird” an'analarini yanada mustahkamlash, iqtidorli yoshlarni qo‘llab-quvvatlash va ularga keng imkoniyatlarni yaratishdir.

Shuningdek, yuridik texnikumlar o‘quvchilarning nazariy bilimlarini yuridik amaliyot bilan bog‘lash ko‘nikmasini shakllantirish, o‘quvchilarning sudda nutq so‘zlash qobiliyatini rivojlantirish, o‘quvchilarda jamoada ishlash qobiliyatini, tezkor fikrlash, tahlil qilish hamda optimal qarorlarni qabul qilish ko‘nikmasini rivojlantirish, o‘quvchilarda kasb etika va umumiy kasbiy-huquqiy madaniyatni shakllantirish maqsadida Adliya vazirligining yuridik texnikumlari o‘quvchilari o‘rtasida “Jinoyat, fuqarolik, iqtisodiy va ma'muriy sud ishlari bo‘yicha namunaviy sud protsessi” tanlovlarini o‘tkazish tartibi ham tasdiqlandi.

Ta'kidlash joizki, har ikkala tanlov ham yuridik texnikumlar o‘quvchilarining intellektual qobiliyatini rivojlantirish va huquqshunoslikka nisbatan hurmat ruhini kuchaytirishga xizmat qiladi.

Adliya vazirligi
Jamoatchilik bilan aloqalar bo‘limi

@adliyangiliklari

​#Adliya_xabari

Adliya vazirligi tizimidagi ta’lim muassasasi yana bir davlat grantini qoʻlga kiritdi

Oʻzbekiston Respublikasi Innovatsion rivojlanish vazirligi hay’atining 5-aprel kuni boʻlib oʻtgan yigʻilishida Toshkent davlat yuridik universiteti tomonidan tayyorlangan “Qishloq xo‘jaligi klasterlari uchun elektron tijorat mexanizmlari asosida tovar (ish, xizmat)larning onlayn savdosiga oid raqamli platforma va uning mobil ilovasini yaratish” nomli innovatsion loyiha ko’rib chiqildi.

Uzoq va qizg’in davom etgan muhokamalar natijasiga ko‘ra mazkur loyiha 801 mln soʻmlik mablagʻ bilan moliyalashtirishga loyiq deb topilib, tegishli qaror qabul qilindi.

Ta’kidlash joizki, mazkur loyiha natijasida mamlakatimizda faoliyat olib borayotgan tadbirkorlik subyektlarining huquqlari kafolatlari yanada mustahkamlanadi hamda klasterlik faoliyatining huquqiy asoslari takomillashtiriladi. Shuningdek, loyiha natijasida sohada iqtisodiy ko’rsatkichlarni yaxshilashga hamda klasterlik faoliyati bilan bog’liq amaliyotda yuzaga kelayotgan muammolarga huquqiy yechim topishga erishish mumkin.

Eslatib o‘tamiz, 2022-yil mart oyida Toshkent davlat yuridik universiteti tomonidan tayyorlangan “Yuridik terminlar elektron tezaurusi va innovatsion multimedia platformasini yaratish” nomli loyiha 985 mln soʻmlik davlat grantini qo‘lga kiritgan edi.

@adliyangiliklari

Yakkasaroy tumanida Davlat xizmatlari markazining yangi, zamonaviy binosi ochildi

🏢 Elektron navbat, infokiosk, salomatlik burchagi, bolalar maydonchasi va – elektron xizmatlardan mustaqil foydalanish imkoniyati. Markaz bir vaqtning o‘zida murojaatchilarga 180 dan ortiq turdagi xizmatlarni ko‘rsatadi.

Tafsilotlar — Toshkent shahar hokimligi videolavhasida.
———

В Яккасарайском районе Ташкента открылся новый современный Центр государственных услуг.

Система электронной очереди, инфокиоск, уголок здоровья, детская площадка, мини-библиотека и — самостоятельное пользование электронными услугами. Центр одновременно оказывает заявителям более 180 видов услуг.

Подробнее — в видео хокимията города Ташкента.

@adliyangiliklari

​#Adliya_hudud

Namanganda o‘qituvchilarga 423 million so‘mdan ziyod ustama haqlari berilmayotgani aniqlandi

Yangi Namangan tumani yuridik xizmat ko‘rsatish markazi tomonidan umumiy o‘rta ta'lim maktablari xodimlari hamda pedagog-o‘qituvchilariga lavozim maoshlariga qo‘shimcha ustama haq va rag‘batlantirish to‘lovlari qonunchilik hujjatlariga muvofiq to‘lanayotganligi yuzasidan monitoring o‘tkazildi.

Monitoring davomida Yangi Namangan tumanidagi umumiy o‘rta ta'lim maktablarining 150 nafardan ziyod xodimlari hamda pedagog-o‘qituvchilariga lavozim maoshlariga qo‘shimcha ustama haq va rag‘batlantirish tarzidagi to‘lanishi lozim bo‘lgan 423 million 681 ming 646 so‘m mablag‘lar to‘lab berilmaganligi aniqlandi.

Hozirgi kunda mazkur mablag‘lar qayta hisob-kitob qilinib, umumiy o‘rta ta'lim maktablari xodimlariga to‘lab berish masalasi hal etilmoqda.

Yangi Namangan tumani yuridik xizmat ko‘rsatish markazi

@adliyangiliklari

​​Adliya vaziri davlat xizmatlarini ko‘rsatish milliy tizimini rivojlantirish bo‘yicha ishlab chiqilgan Prezident Farmoni loyihasi bo‘yicha davlat rahbariga axborot berdi

Prezident Shavkat Mirziyoyev raisligida bo‘lib o‘tgan videoselektor yig‘ilishda davlat xizmatlarini ko‘rsatishni soddalashtirish, byurokratik to‘siqlarni qisqartirish hamda davlat xizmatlarini ko‘rsatish milliy tizimini rivojlantirishning qo‘shimcha chora-tadbirlari ham muhokama qilindi.

Yig‘ilishda adliya vaziri R.Davletov davlat xizmatlarini ko‘rsatishda saqlanib qolayotgan muammolar va ushbu soha rivojlanishini yangi bosqichga olib chiqish bo‘yicha axborot berdi.

Xususan, Adliya vazirligi tomonidan ishlab chiqilgan Prezident Farmoni loyihasida davlat xizmatlari ko‘rsatish tizimini modernizatsiya qilishning yaqin besh yilga mo‘ljallangan strategiyasi va uni 2022—2023-yillarda amalga oshirish bo‘yicha “yo‘l xaritasi”da belgilangan chora-tadbirlar haqida davlat rahbari va yig‘ilish ishtirokchilariga ma'lumot berildi.

Loyihaga ko‘ra, shaxsni identifikatsiya qilishning “Mobil-ID” tizimi joriy etilishi taklif qilinmoqda. Mobil-ID tizimi — shaxsni mobil telefon raqami orqali identifikatsiyalaydi va unga elektron raqamli imzosiz barcha davlat xizmatidan foydalanish imkonini beradi.

Yagona interaktiv davlat xizmatlari portali orqali 38 ta davlat xizmatidan foydalanishda elektron raqamli imzo bilan tasdiqlash talabini bekor qilish taklif qilinmoqda.

Shu bilan birga, sohani rivojlantirish maqsadida elektron va kompozit davlat xizmatlari ko‘lami kengaytiriladi, davlat xizmatlari sohasi “qog‘ozsiz” tizimga o‘tkaziladi, muddat va hujjatlar qisqartiriladi, yangi davlat xizmatlari yo‘lga qo‘yiladi, Markazlarda nogironligi bo‘lgan shaxslarga inklyuziv muhit yaratiladi va bepul “Wi-Fi” hududlari tashkil etiladi.

Loyiha bilan shaxsga doir ma'lumotlarning konfidensialligi va ishonchli himoya qilinishini ta'minlash maqsadida ma'lumotlarni “Elektron hukumat” tizimi orqali so‘rab olishning yangi tartibini joriy etish taklif qilinmoqda.

Yig‘ilishda davlat xizmatlarini kamida 70 foizini elektronlashtirish, bunda davlat xizmatlaridan mobil ilovalardan foydalanish imkoniyatini kengaytirish bo‘yicha ishlarni davom ettirish zarurligi ta'kidlandi.

Davlatimiz rahbari davlat xizmatlari markazlari orqali aholiga tez, qulay va sifatli xizmatlar ko‘rsatish uchun barcha imkoniyatlar ishga solinishi kerakligi, joylarda markazlarning yangi binolarini qurishni tezroq yakunlash zarurligi bo‘yicha topshiriq berdilar.

Adliya vazirligi
Jamoatchilik bilan aloqalar bo‘limi

@adliyangiliklari

#Adliya_hudud

Adliya bo‘limi aralashuvi bilan 29 nafar shaxslarga ishdan bo‘shatish nafaqasi undirib berildi

👉Batafsil

@adliyangiliklari