#Adliya_xabari

Texnik jihatdan tartibga solish sohasidagi muammolar muhokama qilindi

Joriy yilning 18-yanvarida O‘zbekiston Respublikasi Prezidenti raisligida eksport, investitsiya va mahalliy sanoatda 2024-yilda turgan vazifalar bo‘yicha o‘tkazilgan yig‘ilishda adliya vaziriga bergan topshiriqlar ijrosini ta'minlash maqsadida Adliya vazirligida tadbirkorlar bilan ochiq muloqoti bo‘lib o‘tdi.

Muloqot davomida standartlashtirish hamda texnik jihatdan tartibga solish sohasida yuzaga kelayotgan muammolarni aniqlash va ularni huquqiy jihatdan bartaraf qilish masalalari muhokama qilindi.

Ushbu ochiq muloqotda 60 nafardan ortiq tadbirkorlar hamda ushbu sohaga mas'ul bo‘lgan tashkilot vakillarining o‘z faoliyati davomida duch kelayotgan turli xil muammolari va byurokratik to‘siqlar yuzasidan fikrlari va takliflari tinglandi.

Jumladan, tadbirkorlar tovarlarni eksport va import qilishda hamda ishlab chiqarilgan mahsulotlarni standartlarshtirishda, sifat menejmenti tizimi bo‘yicha xalqaro standartlarni qo‘llash, xorijiy sertifikatlarni tan olish, xalqaro standartlarni joriy qilish maslalari muhokama qilinib, ularning yechimi yuzasidan 50 ga yaqin takliflar bildirildi.

Tadbir yakunida adliya vaziri tomonidan bildirilgan fikr va takliflar o‘rganib chiqilib, ulardan sohani takomillashtirish bo‘yicha ishlab chiqilayotgan normativ-huquqiy hujjat loyihasida inobatga olinishi ta'kidlandi.

@adliyangiliklari

#Adliya_xabari

#Siz_hisobot_topshirdingizmi aksiyasi davom etmoqda

Davlat tashkilotlari bilan NNTlar o‘rtasidagi o‘zaro hamkorlikni yanada yaxshilash hamda ro‘yxatdan o‘tkazuvchi idoralarga hisobotlar topshirish tartibini tushuntirishga bag‘ishlangan #Siz_hisobot_topshirdingizmi aksiyasi doirasida tadbir tashkil etildi.

Tadbirda nodavlat notijorat tashkilotlarning 2023-yildagi faoliyati to‘g‘risidagi hisobotlarni www.e-ngo.uz portali orqali elektron shaklda taqdim qilish tartibi va ularning muddatlari bo‘yicha ishtirokchilarga batafsil maʼlumot berildi.

Shuningdek, hisobotlarni vaqtida topshirmaganlik uchun qonunda belgilangan meʼyoriy choralar to‘g‘risida NNTlar xabardor qilindi.

@adliyangiliklari

#Adliya_xabari

Adliya vaziri o'rinbosari Sh. Rabiyev ishtirokida Farg'ona viloyati yuridik texnikumida talabalar bilan uchrashuv o'tkazildi.

Uchrashuv rasmiy ma’ruzalardan xoli, erkin muloqot shaklida tashkil etildi. Ochiq muloqot davomida yoshlarning muammolari, taklif va mulohazalari tinglandi hamda oʻquvchilarni qiziqtirgan savollarga batafsil javoblar berildi.

@adliyangiliklari

#Adliya_xabari

Adliya vaziri oʻrinbosari Sh. Rabiyev Fargʻona shahridagi “Shodiyona” Mahalla fuqarolari yigʻinida mahalla yettiligi bilan uchrashdi.

Mahallalarda hokim yordamchisi, xotin-qizlar faoli, yoshlar yetakchisi kabi yangi mutaxassislar ish boshlaganiga hali koʻp vaqt boʻlmadi, ammo ularning faoliyati natijasi qisqa vaqtda yaqqol koʻzga tashlandi.

Buni aholining mahallaga ilgarigidek moddiy yordam soʻrab emas, koʻproq tadbirkorlik faoliyatini yoʻlga qoʻyish uchun murojaat qilayotgani, xotin-qizlar va yoshlar yaratilayotgan sharoitdan unumli foydalanishga intilayotganidan bilish mumkin.

Aholining bu boradagi intilish va saʼy-harakatlarini qoʻllab-quvvatlash maqsadida adliya vaziri oʻrinbosari mahalla yettiligi hamda faollar bilan ochiq muloqot qildi.

Samimiy suhbatlar davomida, avvalo, talab va takliflar oʻrganildi. Aholini huquqiy sohada qiynab kelayotgan masalalar tinglandi.

@adliyangiliklari

#Adliya_va_yoshlar

Adliya vazirligining yuridik texnikumlari o'quvchilari muzeylarga tashrif buyurishdi

Respublikamizdagi 14 ta yuridik texnikum o'quvchilari "Tarixiy xotirasiz kelajak yo'q" shiori ostida muzey, me'moriy majmua va bir qator tarixiy joylarga sayohat uyushtirdilar.

Sayohat davomida o'quvchilar yurtimizning boy madaniy tarixi hamda qadimiy eksponatlar bilan tanishdilar.

@adliyangiliklari

#Adliya_xabari

Fargʻona viloyatida adliya vaziri oʻrinbosari Sh. Rabiyev “Ishga marhamat!” monomarkazida boʻlib, kasb-hunar oʻrganayotgan yoshlar bilan uchrashdi.

Uchrashuv davomida yoshlarni qiynayotgan muammolar va ular duch kelayotgan masalalar tinglanib, har bir yoshga tegishli taklif va tavsiyalar hamda masalalar yuzasidan huquqiy maslahatlar berildi.

@adliyangiliklari