#Adliya_xabari

Adliya vazirligi huzuridagi X. Sulaymonova nomidagi Respublika sud ekspertiza markazining Sud-ekspertlik ilmiy-tadqiqot instituti Idoralararo ilmiy-uslubiy Kengashining navbatdagi yig‘ilishi bo‘lib o‘tdi.

Kengash a’zolari hamda huquqni muhofaza qiluvchi organlarning vakillari ishtirok etgan ushbu tadbirda sohada amalga oshirilayotgan islohotlar hamda o‘tgan davr mobaynida qilingan ishlar, shuningdek rejalashtirilgan masalalar alohida muhokama qilindi.

👉Batafsil

@adliyangiliklari

#Davlat_xizmatlari #Aholiga_yordam

Davlat xizmatlari markazlariga kelayotgan ijtimoiy himoyaga muhtoj aholi va nogironligi bo’lgan shaxslarga qulaylik yaratish maqsadida ijtimoiy xizmat darchalari orqali navbatsiz qabullar yo’lga qo’yilgan.

Eslatib o’tamiz, davlat xizmatlari markazlariga kirish joylarida nogironlik aravachalari hamda eshitish va nutqida nuqsoni bo‘lgan shaxslarga davlat xizmatlaridan erkin foydalanish uchun “Surdo-online” planshetlari ham qo’yilgan.

@adliyangiliklari

#Adliya_xabari

Yuristlar malakasini oshirish markazi tomonidan “Oila mediatsiyasi” boʻyicha qisqa muddatli oʻquv kurslari tashkil etildi

👉Batafsil

@adliyangiliklari

#Adliya_xabari

Bugun, 23-dekabr kuni Adliya vazirligi tomonidan ''Konstitutsiyada belgilangan huquqlarni tushuntiradigan eng yaxshi material” tanlov g‘oliblarini taqdirlash marosimi bo‘lib o‘tdi.

👉Batafsil

@adliyangiliklari

#Sayyor_qabul

BESH KUNDA — BESHTA QABUL

Navoiy viloyat adliya boshqarmasi tomonidan aholi muammolarini joyiga chiqqan holda o‘rganish va huquqiy yechim topish maqsadida “Sayyor qabullar haftaligi” tashkil etib borilmoqda. Haftalik doirasida boshqarma boshlig‘ining birinchi o‘rinbosari Z. Farmanov tomonida beshta hududda sayyor tartibda muloqotlar o‘tkazildi. Xatirchi, Nurota, Karmana, Konimex va Qiziltepa tumanlarida istiqomat qiladigan fuqarolar hududlarda bo‘lib o‘tgan qabullar davomida mas’ullarga murojaat qilishdi.

Xususan, uy-joy ta’minoti, bandlik, yoshga doir ish stajini tiklash, subsidiya, bank-kredit, kommunal xizmatlar,elektr energiyasi va yo‘l ta’miri, mehnat va oilaviy munosabatlarni tartibga solishga doir masalalar murojaatlarning asosini tashkil etdi.

Dildora Izzatova Konimex tumandagi “Yuksalish” mahallasida istiqomat qiladi. Bir paytlar chet elga ishlashga ketgan turmush o‘rtog‘i chegaradan o‘tayotganda buyumlari qatori pasport hujjatlarini ham o‘g‘irlatgan. Shundan buyon oila boshi ishsiz. Ayolning 0,5 stavkadagi ish haqi evaziga qora qozon qaynab turibdi. Murojaat o‘rganilib, fuqaroga avvalo, turmush o‘rtog‘ining shaxsini tasdiqlovchi hujjatlarni rasmiylashtirish bo‘yicha dastlabki harakatlar amalga oshirildi.

Sarvinoz Davlatova esa bugungi kunda yolg‘iz ona. Turmush o‘rtog‘ining vafotidan so‘ng yashash joyi bilan bog‘liq kadastr muammolari yechimida qator qiyinchiliklarga uchramoqda. Tadbir joyida fuqaroning masalasi tahlil etilgach, kadastr hujjatlarini to‘liq rasmiylashtirib berish uchun ayolga davlat xizmatlari ko‘rsatildi.

Qabullar mobaynida fuqarolarga kadastr hujjatlarini rasmiylashtirish, kommunal to‘lovlarni amalga oshirish,e-auksionda ishtirok etish, tibbiy va manzil ma’lumotlari olish, farzandini maktabgacha ta’lim muassasasiga ro‘yxatga qo‘yish yo‘nalishida davlat xizmatlari ko‘rsatildi.

@adliyangiliklari