#Adliya_loyiha

Адлия вазирлиги томонидан яна бир янги акцияга старт берилди. Жорий йилнинг 31 майида “Фермерга мадад” акциясининг амалга оширилиши юзасидан матбуот анжумани ўтказилди.

Акция жорий йилнинг июнь—декабрь ойларида соҳа мутахассислари иштирокида тузилган ишчи гуруҳлар томонидан республиканинг барча ҳудудларида ўтказилади.

Акция доирасида фермерлар мурожаатлари ўрганилади, муаммоларни аниқлаш бўйича сўров ўтказилади, манзилли ва сайёр тадбирлар, интерактив усуллар, онлайн ва офлайн мулоқот платформалари орқали амалга оширилади.

👉Батафсил: https://www.minjust.uz/uz/press-center/news/102023/

​#Adliya_loyiha

Adliya vazirligi tomonidan "Davlat boji to‘g‘risida"gi qonunga o‘zgartish va qo‘shimchalar kiritishga oid qonun loyihasini jamoatchilik muhokamasiga qo‘yildi.

Qonun loyihasi bilan davlat boji stavkalari miqdorlari unifikatsiya, optimizatsiya qilinmoqda va kamaytirilmoqda.

Masalan, avtomototransport vositalarini boshqa shaxsga o‘tkazish avtotransport uchun 810 ming so‘m (3 BHM) miqdorida belgilanmoqda. Amaliyotda bu yili va ot kuchiga qarab 2,7 mln so‘mgacha borar edi.

Ko‘chmas mol-mulkni boshqa shaxsga o‘tkazishni rasmiylashtirish Toshkent, Nukus va viloyat markazlarida 405 ming so‘m (1,5 BHM) miqdorida belgilash ko‘zda tutilmoqda.

❗️Mazkur qonun loyihasi bilan quyidagi havola orqali tanishish mumkin:

▫️ https://regulation.gov.uz/uz/d/53525

Muhokama 16-dekabrga qadar davom etadi.

@adliyangiliklari

#Adliya_loyiha

⚡️Адлия вазирлиги нотариал ҳаракат учун божларни камайтириш таклифи билан чиқмоқда

#Adliya_loyiha

⚡️Манфаатлар тўқнашуви алоҳида Қонун билан тартибга солинмоқда

Адлия вазирлиги томонидан манфаатлар туқнашувининг олдини олиш тўғрисида қонун лойиҳалари ишлаб чиқилди ва жамоатчилик муҳокамасига қўйилди.

✅Қонун лойиҳаларида қуйидагилар назарда тутилмоқда:

– давлат ташкилоти ходими ёки унинг яқин қариндоши акциядори, муассиси (иштирокчиси), бошқарув органи аъзоси ҳисобланадиган юридик шахс ушбу ходимларга алоқадор шахс ҳисобланиши белгиланмоқда;

– давлат ташкилоти фаолиятида манфаатлар тўқнашуви тартибга солишда ваколатли органлар, яъни Коррупцияга қарши курашиш агентлиги, давлат ташкилотларининг одоб-ахлоқ комиссиялари, кадрлар бўлинмалари ва коррупцияга қарши ички назорат тузилмаларининг вазифалари белгиланмоқда;

– давлат ташкилоти ходими томонидан манфаатлар тўқнашуви тўғрисидаги маълумотларни маълум қилиш қуйидаги шаклларда амалга оширилиши белгиланмоқда:

– манфаатлар тўқнашуви тўғрисидаги маълумотларни декларация қилиш;

– мавжуд манфаатлар тўқнашуви тўғрисида хабар бериш.

Шунингдек, давлат ташкилоти ходимининг яқин қариндошлари ва унга алоқадор бўлган шахслар мазкур ходимнинг меҳнат қилаётган ташкилоти билан ҳуқуқий муносабатга киришаётганида манфаатлар тўқнашуви тўғрисида ёзма ёки электрон шаклда хабар бериши лозимлиги белгиланмоқда.

Бундан ташқари, манфаатлар тўқнашувига оид талабларни бузганликнинг ҳуқуқий оқибатлари белгиланмоқда. Хусусан:

– манфаатлар тўқнашувини маълум қилмаслик ёки унинг тартибга солинмаганлиги учун интизомий ёки қонунчиликда белгиланган бошқа жавобгарликка тортиш учун асос бўлиши;

– давлат органлари ва ташкилотлари ходимларининг ҳар бир ҳолатда манфаатлар тўқнашуви ҳақида хабар бермаганлиги учун БҲМнинг
уч баравардан беш бараваригача (такроран бўлса – БҲМнинг беш баравардан ўн бараваригача), мансабдор шахсларининг ушбу вазиятларни тартибга солмаганлиги учун БҲМнинг беш баравардан ўн бараваригача жаримага (такроран бўлса – БҲМнинг ўн баравардан ўн беш бараваригача);

– маъмурий баённома тузиш ваколатлари қонунчилик ҳужжатларига мувофиқ ваколатли бўлган Коррупцияга қарши курашиш агентлигига
юклатилмоқда;

– манфаатлар тўқнашувига йўл қўйган ҳолда қабул қилинган қарорлар ва тузилган битимлар бекор қилиниши суд тартибида ҳақиқий эмас деб топилиши, шунингдек ушбу қарорлар ҳақиқий эмас деб топилган тақдирда олинган фойда суд тартибида давлат даромадига ўтказилиши;

– манфаатлар тўқнашувини аниқлаш механизмлари белгиланмоқда.

Мазкур қонун лойиҳалари қабул қилинса, давлат ташкилотида давлат хизматчилари томонидан коррупцияга оид ҳуқуқбузарликлар содир қилиниши олди олиниши ҳамда халқаро коррупцияга қарши кураш соҳасидаги 3 та индексда Ўзбекистон позициясига ижобий таъсир этиши кутилмоқда.

Қонун лойиҳаларини ишлаб чиқишда мазкур соҳада илғор тажрибага эга бўлган хорижий давлатларнинг (Чехия, Латвия, Хорватия, Грузия, Канада, Молдова ва бошқалар) амалиёти ўрганилган.

Қонун лойиҳалари билан ушбу ҳаволалар орқали танишинг ва жамоатчилик муҳокамасида ўз таклифларингиз билан фаол иштирок этинг!

👉🏻https://regulation.gov.uz/oz/d/60813 ,
👉🏻https://regulation.gov.uz/oz/d/60954

Адлия вазирлиги
Жамоатчилик билан алоқалар бўлими

#Adliya_loyiha

⚡️Adliya vazirligidan xalq uchun foydali loyiha: tug‘ilganlik va nikohni qayd etishda ortiqcha qog‘ozbozlik bartaraf etiladi

Hozirgi vaqtda tug‘ilganlik, nikohni qayd etishda ortiqcha qog‘ozbozlik va byurokratik holatlar saqlanib qolmoqda.

❗️FHDY organlari xodimlarining fuqarolar bilan bevosita muloqotga kirishishi tug‘ilganlik, nikoh va nikohdan ajralganlikni qayd etishda korrupsiyaviy xavf-xatarlarni yuzaga keltirishi mumkin.

Fuqarolar tibbiyot muassasalaridan tug‘ilganlik haqidagi tibbiy ma'lumotnomani olib, FHDY bo‘limlariga tug‘ilganlikni qayd ettirish uchun kelmasliklari natijasida qayd qilinmagan tug‘ilishlar soni yildan-yilga ortib bormoqda.

Mazkur holatlarni bartaraf etish maqsadida,l Adliya vazirligi tomonidan Vazirlar Mahkamasining “Fuqarolik holati dalolatnomalarini yozish tartiblarini yanada takomillashtirish chora-tadbirlari to‘g‘risida”gi qarori loyihasi ishlab chiqildi.

☑️ Loyihada quyidagilar nazarda tutilmoqda:

▫️ tug‘ilganlikni tibbiyot muassasalari orqali FHDY bo‘limlarida qayd etish tartibi belgilanmoqda. Bunda tug‘ilganlik holati FHDY bo‘limlarida qayd qilinganligi haqida tibbiyot muassasalari tomonidan beriladigan QR-kodli ma'lumotnoma tug‘ilganlik haqidagi gerbli guvohnomaga tenglashtiriladi;

▫️ nikoh tuzish va nikohdan ajratishni qayd etish uchun FHDY bo‘limiga ariza berish eksperiment tariqasida davlat xizmatlari markazlari orqali joriy etiladi;

▫️ nikohga kirish haqida ariza berilganda nikohlanuvchi shaxslarning yashash joyidagi mahalla fuqarolari yig‘inini xabardor qilish tartibi bekor qilinmoqda;

▫️ nikohdan ajratish haqida ariza berilganda er-xotinni yarashtirish bo‘yicha tegishli choralar ko‘rish uchun er-xotinning yashash joyidagi oila va xotin-qizlar bo‘limlariga elektron tizim orqali xabar berish tartibi joriy etiladi;

▫️ FHDY organi rahbari lavozimiga adliya organlari va muassasalarida boshqaruv lavozimlarda ishlayotgan xodimlarni tayinlash mumkinligi belgilanmoqda;

▫️ fuqarolarning familiya, ism va ota ismini o‘zgartirishda tekshiruv o‘tkazish uchun ichki ishlar organiga axborot tizimi orqali so‘rovnoma yuborish va xulosa olish tartibi joriy etilmoqda.

Ushbu loyihaning qabul qilinishi tug‘ilganlik holatlarini o‘z vaqtida qayd qilishga, tug‘ilganlik, nikohni qayd etishda ortiqcha qog‘ozbozlik va byurokratik holatlarga barham berishga, soha xodimlari o‘rtasida korrupsiyaviy holatlar sodir etilishining oldini olishga hamda FHDY sohasida axborot-kommunikatsiya texnologiyalaridan keng foydalanishga xizmat qiladi.

📌Qaror loyihasi bilan https://regulation.gov.uz/oz/d/63232 havolasi orqali tanishishingiz mumkin.

@adliyaxabarlari

#Adliya_loyiha

🗓 Imkon. Matonat. 4 kun qoldi...

Eng uzoq yoʻl ham birinchi qadamdanoq boshlanadi.

📌 Kanalga ulanish

#Adliya_loyiha

🗓 Imkon. Matonat. 3 kun qoldi...

Bu shunchaki hayot xronikasi emas, balki qiyinchiliklarni yengib o‘tish va ruhiy kuchning chuqur, shaxsiy qissasidir.

📌 Kanalga ulanish