#fikr_qiling

Yoʻlakda oʻqiyotgan talabalar — biz uchun savol emasmi?

Yaqinda bir oʻquv markaz rahbarining Xitoyga - Dalian Universitetiga borgani va u yerning kutubxonasiga tashrifi davomidagi hayajonli videosi tarmoqlarda sizdi. Unda Universitet kutubxonasi yozgi taʼtil boʻlishiga qaramay talabalar bilan gavjum ekani, hatto boʻsh joy yoʻqligidan talabalar yoʻlaklarda mutolaa qilishga majbur boʻlishayotgani aks etgan edi. Qiziqib ma'lumot qidirdim: topdimki, Universitet kutubxonasi juda katta maydonga ega boʻlib, bir vaqtning oʻzida 1857 nafar oʻquvchini qabul qila olar ekan, demak shunda ham oʻrindiqlar yetishmasa, unda ayni vaqtda (yozgi ta'til boʻlishiga qaramay) universitet kutubxonasida 2 000dan koʻp talabalar bor!

Hoʻoʻoʻsh!.. Bizda-chi? Bizning kutubxonalarda-chi? Bizning talabalar-chi?..

Bunday savollar juda-juda koʻp:

Qachondan boshlab kitob sahifalari zerikarlidek tuyula boshladi?

Nega bizning ba’zi talabalar dars yakunlangach, imkon topishi bilan boshqa joyga oshiqadi, ammo kutubxonaga emas?

Nega “kanikul” biz uchun — ta’til, ular uchun esa — ilmdan orqada qolmaslik fursati?

Nega xitoylik yoshlar harorat, charchoq, yozgi hordiq degan narsalarni unutib, o‘qishga oshno bo‘ladi, biz esa… e’tibordan chetda qolamiz, umuman e'tiborni butunlay boshqa narsalarga qaratamiz?!

O‘pkalanishim bor… ammo umidim ham bor!

Men sizdan ham, sizga yetarlicha motivlar topib bera olmayotganim uchun oʻzimdan ham ranjiyapman, Aziz talabam. Chunki siz — yuksak imkoniyatlarga ega, mustaqil mamlakatning, mustahkam tizimning, katta orzular bilan o‘qishga kirgan yoshlarisiz. Ammo ko‘pincha bu orzular ilmsiz orzuga, bu imkoniyatlar faqat diplom olishga qaratilgan niyatga aylanib qolgan va bu juda qoʻrqinchli!

Men sizga ishonaman. Ammo siz ham ilmga shunchalik ishonishingizni xohlayman. Zero, Imom Buxoriy aytganidek: "Ilmdan boshqa najot yoʻq va boʻlmagay!"

⏺Ilm – bu hozirgi va kelajak hayotingizning eng katta kafolati.
⏺ Ilm – bu atrofdagilarni lol qoldiradigan mahorat.
⏺ Ilm – bu mehnat bilan suyangan halol boylik.
⏺ Ilm – bu sizni yolgʻizlikdan, dangasalikdan, keraksiz havolardan qutqaradigan qudrat.
⏺ Ilm – bu qalbingizga nur, boshingizga izzat, ko‘zingizga mehr beradi.

Lekin buning uchun siz yoʻlakda oʻqiyotgan dalianlik talaba kabi intilishingiz kerak. Kitobni shunchaki emas - quchib, oddiy quchib ham emas, ko‘ngil bilan quchoqlab; qog‘oz(varoq)ni ko‘rmay, undagi hikmatni ko‘rib, his qilib o‘qishingiz kerak.

Men sizni shunday tasavvur qilmoqchiman:

🗣Kutubxonada tonggi soat 8:00 da navbatda turgan yosh sifatida.

🗣“Menga joy qoladimi?” degan xavotir bilan emas, “bugun yana nimalarni o‘rganaman?” degan ruhlanish bilan yurgan talaba sifatida.

🗣Bahona emas, shijoat topgan. Ekran emas, ma’rifat izlagan. Like emas, fikr to‘plagan yosh sifatida.

Azizlarim, agar kutubxonalarimiz boʻm-boʻsh boʻlsa, demak hayotimiz ham oʻzidan nimalarnidir yoʻqotmoqda, u ham shunday boʻm-boʻsh!

Bugun birinchi qadamni siz bosing:

Kutubxonaga kiring;
Joy boʻsh boʻlsa — egallang;
Joy boʻlmasa — yo‘lakda o‘qing mayli, ammo qolganlar sizni ko‘rib ilhomlansin.

Chunki ertaga sizning orqangizdan o‘nlab, yuzlab talabalar o‘qishga oshno bo‘ladi.

Soʻnggi soʻz...

Men sizdan ranjimayapman, aslida. Men faqat sizni o‘zingiz bilmagan o‘zingizga qaytarmoqchiman. Sizning yuragingizdagi o‘sha haqiqiy iltijo, haqiqiy kuchni uyg‘otmoqchiman.

Chunki siz bunga loyiqsiz!

😄@A_Yunusov_kundaligidan

#dolzarb90kun #AnisTeam #NazmOlami #Battle

🎤 “SHE’RIY BATTLE” — OLTINCHI JANG!

🕗 Bugun soat 20:30 da — faqat Andijon davlat chet tillari instituti rasmiy Telegram kanalida, jonli audiochatda!

🎙 Yozgi tun — yana ilhom portlashi! "Anis Team" jamoasining so‘z maydonidagi qizg‘in janglari davom etmoqda! She’rlar nafaqat aytiladi — ular yurakda yonadi, ruhingizni larzaga soladi!

📣 Bugungi ringda — yangi qarama-qarshilik!
🔺 Qo‘chqarova Durdona — satrlari yurakni mahliyo qiladigan, obrazli ifodaning ustasi!
🔺 Soyibnazarova Kamolaxon — so‘z qudrati bilan ilhomni uyg‘otuvchi, hislarga sehrli jo‘rnavis!

💥 Mavzular: Vatan | Ona | Muhabbat — har bir yurakda aks sado beruvchi teran tuyg‘ular!

🏆 G‘olib — ekspert bahosi orqali aniqlanadi va keyingi bosqichga yo‘l oladi!

🗣 Fasilitator: Nurshoda Latifova
📍 Manzil: @adchti_uz — Institutning rasmiy Telegram kanali

🎭 She’riy duel — bu so‘zlar kurashi, yuraklarning to‘qnashuvi!

🕢 Bugun 20:30 — qatnashing, tinglang, baholang va g‘olibni birinchi bo‘lib biling!

📩 Ishtirok etishni istaysizmi? Unda @Nurshoda_Latif ga yozing!
🌟 “Anis Team” — so‘zga, qalbga va iste’dodga sahna yaratadi!

🏛 Andijon davlat chet tillari instituti axborot xizmati

Sahifalarimizni kuzatib boring

✈️ adchti.uz
🕊Telegram 📱Facebook 📱Instagram 📺YouTube

#dolzarb90kunlik #suzish

SUZISH BOʻYICHA TOʻGARAK FAOLIYATI DAVOM ETMOQDA

👍Andijon davlat chet tillari institutida “Dolzarb 90 kunlik” loyihasi doirasida talabalar uchun sog‘lom turmush tarzini targ‘ib etish va jismoniy faollikni oshirish maqsadida suzish bo‘yicha to‘garaklar tashkil etildi.

🔴Mazkur to‘garaklar reja asosida haftaning belgilangan kunlarida malakali sport murabbiylari rahbarligida olib borilmoqda. Unda ishtirok etayotganlar suzish texnikalari, suvda o‘zini tutish qoidalari hamda jismoniy chiniqish bo‘yicha amaliy mashg‘ulotlarda qatnashmoqdalar.

🟢Suzish mashg‘ulotlari yoshlarning sog‘ligini mustahkamlash, ularni sport bilan muntazam shug‘ullanishga jalb qilish va yozgi ta’til davrini mazmunli o‘tkazishga xizmat qilmoqda.

✅Mazkur sport to‘garagi “Dolzarb 90 kunlik” loyihasining sog‘lom turmush tarzini shakllantirishga qaratilgan muhim yo‘nalishlaridan biri hisoblanadi.

🏛 Andijon davlat chet tillari instituti axborot xizmati

Sahifalarimizni kuzatib boring

✈️ adchti.uz
🕊Telegram 📱Facebook 📱Instagram 📺YouTube

#Dolzarb90kunlik #Volleybol #ADCHTI #YoshlarFaolligi

VOLLEYBOL TOʻGARAKLARI FAOL DAVOM ETMOQDA

👍Andijon davlat chet tillari institutida “Dolzarb 90 kunlik” loyihasi doirasida talabalar bo‘sh vaqtini mazmunli tashkil etish, sog‘lom turmush tarzini targ‘ib qilish maqsadida muntazam sport mashg‘ulotlari davom etmoqda.

🔴 Bugun institut Talabalar turar joyida volleybol bo‘yicha to‘garak mashg‘uloti bo‘lib o‘tdi. Unda talabalar sport maydonida jamoaviylik, chaqqonlik va texnik ko‘nikmalarini oshirib, faol ishtirok etdilar.

🟢 Bunday sport tadbirlari talabalar hamda uyushmagan yoshlar orasida sog‘lom muhit va do‘stlik ruhini mustahkamlash, ularni jismonan chiniqtirish hamda bo‘sh vaqtni mazmunli o‘tkazishga xizmat qilmoqda.

🏛 Andijon davlat chet tillari instituti axborot xizmati

Sahifalarimizni kuzatib boring

✈️ adchti.uz
🕊Telegram 📱Facebook 📱Instagram 📺YouTube

#dolzarb90kun #NazmOlami

👍Andijon davlat chet tillari instituti faol hamda koʻngilli talaba-yoshlaridan iborat "Anis Team" jamoasi fasilitatori Nurshoda Latifova tomonidan "Dolzarb 90 kunlik" dasturi doirasida tashkil qilingan "She'riy battle" loyihasi oltinchi soni boʻlib oʻtdi. Gʻolib hakamning qaroriga koʻra aniqlanadi va bu haqida toʻliq ma'lumot beramiz.

🏛 Andijon davlat chet tillari instituti axborot xizmati

Sahifalarimizni kuzatib boring

✈️ adchti.uz
🕊Telegram 📱Facebook 📱Instagram 📺YouTube

👍👍👍👍👍👍👍

Bugun 3-avgust haftaning yakshanba kuni. Ushbu kunda ro‘y bergan muhim voqealar bilan tanishing.

#bayramlar
🌏Xalqaro tarvuz kuni.
🇳🇪Niger – Daraxt ekish kuni.

#muhim_voqealar
🔹1492 – Kolumbning Yangi Dunyoga birinchi sayohati boshlandi.
🔹1778 – Milanda “La Scala” opera teatri ochildi.
🔹1926 – Londonning birinchi svetoforlari Pikadilli maydonida o‘rnatildi.
🔹1946 – AQSH basketbol assotsatsiyasi tashkil topdi.
🔹2004 – Merkuriyni o‘rganish uchun MESSENGER sayyoralararo avtomatik  stantsiyasi (SAS) ishga tushirildi.

#tavalludlar
🔹1928 – Qunduz Mirkarimova – raqqosa, baletmeyster va pedagog, O‘zbekiston xalq artisti
🔹1959 – Koiti Tanaka – yapon olimi, Nobel mukofoti sohibi.
🔹1977  – Anjela Bizli – britaniyalik tadbirkor, “Wikia” loyihasining asoschisi va vitse-prezidenti.
🔹1983 – Ulug‘bek Qodirov – aktyor.

🏛 Andijon davlat chet tillari instituti axborot xizmati

Sahifalarimizni kuzatib boring

✈️ adchti.uz
🕊Telegram 📱Facebook 📱Instagram 📺YouTube