#ЭЪТИРОФ

#Birmiz_qalban birgamiz
#O‘zMTDP
#ZIYORAT KARVONI
#Xotira abadiy-qadr muqaddas

У КУНЛАРНИ ЭСЛАШ ОҒИР...
Иккинчи жаҳон уруши жангоҳларида ҳалок бўлган, ўша машъум кунлардан омон қайтиб, яна куч ва шижоатини юрт равнақи учун сарфлаган инсонларни хотирлаш, ҳозир ҳаёт бўлган уруш қатнашчилари ҳолидан хабар олиш, уларга ғамхўрлик кўрсатиш анъанага айланиб бораётгани эътиборга молик.
Ўзбекистон Миллий тикланиш демократик партияси Қашқадарё вилоят кенгаши фаоллари, Қарши шаҳар кенгаши депутати Латиф Расулов “Зиёрат карвони” маърифий лойиҳаси доирасида Иккинчи жаҳон уруши қатнашчиси Усмон Донаев хонадонида бўлди.
У.Донаев 1941 йилда Косон туманидан урушга кетган. 7 фарзандни вояга етказиб, 150 нафардан ортиқ невараю чеварасининг меҳри оғушида умргузаронлик қилаётган Усмон бобо урушдан кейин кўп йиллар қишлоқ хўжалиги соҳасида масъул лавозимларда ишлаб, эл-юрт ҳурматига сазовор бўлди.
– Болаларим, дунёдаги энг даҳшатли нарса бу уруш, – дейди Усмон бобо Донаев. – Буни ўз бошимдан кечирганим учун айтаяпман. Урушнинг энг қизғин паллаларида Варшава, Минск ва Берлингача бўлган оғир жангларда иштирок этдим. Ўша кунлар азобининг ҳар дақиқаси хотирамдан ўчмаган. У кунларни эсласам, ҳамон вужудим титраб кетади. Шунинг учун ҳам фарзандларим, невараларимнинг шундай замонда яшаётганидан беҳад қувонаман. Уларга тинч ўтган ҳар тонгнинг буюк неъмат эканини, ҳар бир инсон бу кунларнинг қадрига етиб, тинчликни асраш учун ҳаракат қилиши лозимлигини уқтираман.
Дарҳақиқат, инсонга ҳурмат кўрсатиш, эзгу ишларини кадрлаш, ёши улуғларни ардоқлаш миллий қадриятларимиздан бири сифатида муҳим тарбиявий аҳамиятга эга. Аждодларимизнинг фидойилиги навқирон авлод учун ўзига хос ибрат мактабидир.
Усмон бобонинг уруш хотиралари барча учун кизик. Жумладан Абдулла Орипов номли Ижод мактабининг 6-синф укувчиси Мафтуна Нарсиллаева Усмон бобо Донаевнинг жанг майдонлари, очарчилик йиллари ва бугунги фарахбахш кунлар хакида сухбатини тинглар экан тинчлик замонида яшаётганига шукрона айтди.

#yoz_5_tashabbus_bilan_soz #onlayn_oromgoh
#Biz_birgamiz_va_yengamiz_
#o‘quvchilar ijodidan
#Buyuk_ehtirom
#yoshlar_kelajagimiz

Men shoirman
Istasangiz shu,
Òzimniki erur shu sozim,
Birovlardan olmadim tuyg‘u,
Òzgaga ham bermam ovozim.
Abdulla Oripov.

"She'riyatda kutilmagan yangi nafas paydo bo'ldi? Tomchini kuzatgan bo'lsangiz, tòlishganidan keyin tomadi. Abdulla Oripovning she'rlari ham ana shunday. Oldin sòzma sòz, keyin satrma satr yuragi qonida qaynab pishadi ",- degan edi Abdulla Qahhor. Aslida ham shunday, Abdulla Oripov ijodi xalq yuragida iz qoldiradigan samimiy sehrli satrlardir. Shoir she'rlarida xalq qalbiga yaqinlikni ,xalq dilidagi quvonch va shodlik armon va dardlarini juda chuqur his etilishi tabiiy. Atoqli shoir xuddi qum barxanidan oltin zarbalarini saralab olganidek, bir qarashda oddiy xalqona, ammo ma'no -mazmun jihatidan nodir sòzlarni topib, òrnida ishlatishi bilan ularni dilni yayratadigan sehrli kuy, ohangga aylantira oladi.
Zero,buyuk yozuvchi Chingiz Aytmatov bu ulug' shoir haqida shunday deydi: " Katta shoir hamisha òz vaqtida maydonga keladi,u-hamisha tarixiy . Abdulla Oripov menga XXI asrga qadam qo'ygan davrlarimizning buyuk madaniy ahamiyatiga molik ana shunday shoiri bo'lib gavdalanadi.
Ona yurt-jonajon Òzbekiston mavzusi Abdulla Oripovning eng baland maqomlarda qalamga olgan mavzudir. Unda asarlarida, chinakam vatanparvarlik va kindik qoni tomgan zaminga sadoqatini, muhabbatini his etmaslikning iloji yo'q. Sababi, milliy qadriyatlarimizni kòz qorachig'idek asrab, tuyg'ulari va betakror ijodi bilan sug‘orilganini yana bir bor ta'kidlashning ziyoni yòq.Ona zaminga muhabbatini qalamda tebratib ''O'zbekiston Respublikasi madhiyasi" muallifi degan ulug'vor nomiga sazovor bo'ldi. Shu asnoda,adabiyotshunos olim, akademik Matyoqub Qòshjonov "Abdulla Oripov -Vatan kuychisi. U Vatanni borligicha butun go'zalligi bilan birga kòradi. Va xalqi ham uni shundayligicha sevadi. ",-degan edi.
1995-yil bitilgan ''Sohibqiron " she'riy dramasi ijodida ham,adabiyotimiz rivojida ham alohida òrin tutadi. Shoirning o‘zi" Sohibqiron asarimni o'tmishga boqib, bugun uchun yozganman",- degan edi.
Unda shoir Amir Temur hayotining so'nggi yillari tasviri orqali "Kuch-adolatda" degan aqidani òziga shior qilib olib, tarqoq uluslarni birlashtirib, buyuk davlat tuzgan, qadami yetgan yerda bunyodkorlik ishlarini amalga oshirgan, harbiy sarkardalik bobida bebaho meros qoldirgan, elsevar buyuk inson qiyofasini yorqin gavdalantirgan.
Atoqli shoirimiz mohir tarjimon sifatida ham mashhur. U buyuk italyan shoiri Dante Aligerining shoh asari bo'lmish "Ilohiy komediyaning " ,"Dòzax"
qismini tòlig'icha tarjima qilib, "A'rof"qisminidan 9 qo'shiqni mahorat bilan o'zbek tiliga ògirgandir.
Xalqimiz qadim -qadimdan shoirtabiat ekani bilan hammaga ma'lum. Biz tòy qilsak, quvonchimizni she'rga solib "yor-yor"aytamiz.Hatto boshga musibat tushgan paytlarda ham azamiz -hasratlarimiz qofiyalanib, she'rga aylantirib bòzlaymiz.
Faqat unvoniga kòra emas, haqiqatdan ham butun vatandoshlarimiz suygan, ardog'ida bo'lgan Xalq shoiri Abdulla Oripov òlmas satrlari bilan qalbimizda mangu saqlanib qolishi shubhasiz. Vatanimiz, Prezidentimiz Shavkat Miromonovich Mirziyoyev Abdulla Oripovning el-yurt oldidagi xizmatlarini hisobga olib,uning nomini abadiylashtirish masalasiga juda katta e'tibor qaratdi.Xususan,Qarshi shahrida tashkil etilgan Abdulla Oripov nomli ijod maktabi hamda shoir hayotida doir muzey buning yorqin dalilidir.
Ushbu maktabning faol òquvchisi sifatida juda ham g'ururlanaman. Sababi,shunday buyuk shoir nomi berilgan ijod maskani menga yanada ilhom baxsh etadi.

Abdulla Oripov nomli Ijod maktabining 10- sinf o'quvchisi Hamrayeva Sevinch

#yoz_5_tashabbus_bilan_soz
#onlayn_oromgoh
#biz_birgamiz_va_yengamiz_
#o‘quvchilar_ijodidan_

Atlas
Matolar shohidir asli xon atlas,
Kiysangiz uyg‘otar hammada havas.
Yo‘l-yo‘l atlas bo‘lar o‘zbekning yuzi.
Zamon bilan bo‘lar doim hamnafas.

Rangdor yo‘llari ko‘p bunga bir qarang,
Har bitta yo‘llari juda rang-barang.
Rang-barang yo‘llarga chiqdik bugun biz,
O‘zbek xalqimizdan qolsin deya iz.

Uning yo‘llarida ko‘pdir bo‘yog‘i,
Azizdir cho‘lida o‘sgan giyohi.
Tanlagan yo‘lida tanidi jahon,
Hilpirab har joyda o‘zbek bayrog‘i.

Bir yo‘l tanladiki, bizning bu diyor,
Jahonda tanildi u bo‘lib nomdor.
Chiqqanda rang-barang atlas yo‘llarda,
Men bugun xalqimni ko‘rdim baxtiyor.

Do‘ppi

Boshimda oppoq do‘ppi,
Gullari mitti-mitti.
Kiysangiz yarashadi,
Zardo‘z, iroqi do‘ppi.

Xorijliklar kelganda,
Qo‘llariga olganda.
Havas bilan qarashar,
Rosa qoyil qolishar.

Necha yil, asr o‘tib,
Urfdan chiqmas u hamon.
Issiq, sovuq kun o‘tib,
Do‘ppi kiygan bosh omon.

Abdulla Oripov nomli Ijod maktabining 9-sinf o‘quvchisi Yo‘ldosheva E'zoza.

#O‘QUVCHILAR_IJODIDAN

Hayot

Qalbingdan lolalar chiqsinlar unib,
Faqat g'uborlarni uzoqlarga ot.
Har doim hayotda yashagin kulib,
Toki kulish uchun yaralgan hayot.

Orzularing birla samolarga uch,
Maqsadga harakat o'zi bir bayot,
Muhabbatdan, darddan topa olgin kuch,
Toki sevish uchun yaralgan hayot.

Baxt izla, baxtingdan qurgin qasrlar,
Hech qachon o'zgadan izlama najot.
Muhabbat yashasin million asrlar,
Toki muhabbat-la yaralgan hayot.

Hatto dardingdan ham izlayvergin baxt,
Baxtsizlik, qalbsizlik bo'lsin doim yot,
Sof qalbing, yuraging senga toj-u taxt,
Toki yashash uchun berilgan hayot.

Abdulla Oripov nomli Ijod maktabi 11-sinf o'quvchisi Umirova Zaynabbibi

#O‘quvchilar_ijodidan

NEGA KARANTINGA E'TIBORSIZMIZ?! (e'tiborsizlarga)

Bugun hayotning sinovli kunlari,
Shifokor bedordir hatto tunlari.
Hozir хushyorlik va do'stlik onlari,
Nega karantinga e'tiborsizmiz?!

Hattoki niqobni to'g'ri ilmaymiz,
Bemorlar oh chekar, buni bilmaymiz.
Hatto qo'llarimiz tez-tez yuvmaymiz,
Nega karantinga e'tiborsizmiz?!

Ko'chaga ham ehtiyojsiz chopamiz,
Birov so'rasa bahona topamiz.
Axir biz akamiz, yoki opamiz,
Nega karantinga e'tiborsizmiz?!

Niqob taqqanlarni qilyapmiz kulgu,
"Hech narsa bo'lmaydi"-bu gaplar orzu.
Bu ofat biz uchun bo'ldi zo'r ko'zgu,
Nega karantinga e'tiborsizmiz?!

Abdulla Oripov nomli Ijod maktabining 6-sinf o‘quvchisi Omonova Madina

#O'zbek_ruhiyati_me'mori
#Tanlovga

Abdulla Oripov xotirasiga

Unib she'riyatning kurtaklarida,
Tongning quloğiga shivirladi dil.
Ona Qõnĝirtoĝning etaklarida,
Ilhomning otlarin choptirdi dadil.

Qalbini yõrgaklab adolat ila,
Vujudin erkalar ilohiy hislar.
Qutqular sõylabon tinmadi sira,
Hasad sirtmoĝini otib iblislar.

Zaminning sochini õrganda yillar,
Vatanga shodlikdan munchoqlar terdi.
Sabrning tõnini kiyganda dillar,
Mehrga quvonchdan guldasta berdi.

Ma'rifat mash'alin sõz-la yoqqanda,
Kimlardir malomat toshlarin otdi.
Tundagi yulduzlar xira tortganda,
She'riyat tonglari shoir-la otdi.

Millatning dardini kuylabon dadil,
Qalblarga komillik kõzgusin tutdi.
Tafakkur baĝrida yashabon yakdil,
Vatanning betakror madhini bitdi.

Ijodi har lahza otmoqda ildiz,
Jismj bõlmasa ham nomi tirikdir.
She'riy samo ichra bu mitti yulduz,
Buyuk kahkashonlar ichra buyukdir.

Misrasi charx urib ijod boğida,
Quvonchga tõlibon xalqning vujudin.
Ruhi sakson bahor quchar choĝida,
She'riyat nur ila yõllar maktubin.

Adabiyot boĝida mangudir yodi,
Ul zot shijoati qora kõzlarda.
Yurak kitobidan õchmas bayoti,
Bobom she'riyati bizning qõllarda.

Abdulla Oripov nomidagi ijod maktabining 10-sinf õquvchisi Omonova Sevinch

Ona qalbi
#O'tkir_Hoshimov
#Daftar_hoshiyasidagi_bitiklar
#Badalova_Shahnoza

Oldingdan oqqan suv
#O'tkir_Hoshimov
#Daftar_hoshiyasidagi_bitiklar
#Badalova_Shahnoza

O'zbek ishi
#O'tkir_Hoshimov
#Daftar_hoshiyasidagi_bitiklar
#Badalova_Shahnoza

#O'tkir_Hoshimov
#Daftar_hoshiyasidagi_bitiklar

#O'tkir_Hoshimov
#Daftar_hoshiyasidagi_bitiklar

#O'tkir_Hoshimov
#Daftar_hoshiyasidagi_bitiklar