#Ijodiy_uchrashuv
#Kitob_taqdimoti

🔰 Abdulla Oripov nomidagi ijod maktabida shoir Shuhrat Sayyidning "Yassaviyni eslab", "Xaziniyni eslab", "Shavqiyni eslab" turkum kitoblari taqdimoti va ijodiy uchrashuv o'tkazildi.

🔷Tadbirda O'zbekiston Yozuvchilar uyushmasi a'zosi, "Sharq yulduzi" jurnali bosh muharriri Sirojiddin Rauf, O'zbekiston Yozuvchilar uyushmasi raisi maslahatchisi, shoir Salim Ashur, Qoraqalpog'iston xalq shoiri,O'zbekistonda xizmat ko'rsatgan madaniyat xodimi Rustam Musurmon, O'zbekiston Yozuvchilar uyushmasi viloyat bo'limi boshlig'i G'ulom Abdiyev, ijod maktabi direktori Y.Djamalova, ijodkor o'quvchilar hamda ustozlar ishtirok etdilar.

📌 Mehmonlar bilan bo'lib o'tgan suhbat, adabiy saboqlar hamda ayni vaqtda mehmon bo'lib turgan Muhammad Yusuf nomidagi ijod maktabi o'quvchilari va Abdulla Oripov nomidagi ijod maktabi o'quvchilari tomonidan taqdim etilgan she'rlar tadbir ishtirokchilarida iliq taassurot qoldi.

✳️ Ijodiy uchrashuv O'zbekiston Qahramoni, xalq shoiri Abdulla Oripov muzeyida bo'lib o'tdi. Buyuk shoirning hayoti va ijodiga oid eksponatlar bilan yaqindan tanishildi.

📚Tadbir so'nggida shoir Shuhrat Sayyidning yangi kitoblari o'quvchi- yoshlarga va tadbir ishtirokchilariga taqdim etildi.