#Konsert
#Musiqa_tơgaragi

🔰Abdulla Oripov nomidagi ijod maktabida har chorakda har bir to'garak a'zolarining hisoboti qabul qilinadi. Shu ma'noda, bugun ijod maktabi faollar zalida "Musiqa" to'garagining hisobot konserti bo'lib o'tdi.

✅ Unda o'qituvchilar, o'quvchilar, maktab jamoasi, o'quvchilarning ota-onalari va OAV xodimlari ishtirok etishdi.

✔️Konsertda Zavqiddin Boboxo'jayev rahbarligidagi "Musiqa" to'garagining a'zolari I-chorak davomida musiqa asboblarida o'rgangan, o'zlashtirgan kuy va qo'shiqlarini ijro etishdi.

🎻 Xususan, konsert repurtuarida milliy, zamonaviy, estrada va mumtoz yo'nalishda asosan jonli ijro etilgan kuy va qo'shiqlar tadbir ishtirokchilariga zavq-u shavq ulashdi, o'qituvchi-yu o'quvchilar madaniy hordiq olishdi.

- 🎙"Musiqa" to'garagining konserti menga juda yoqdi, - deydi ijod maktabining turk tili o'qituvchisi Junayedbey Bag'ji. - Ayniqsa, tadbir ishtirokchilarida katta taassurot qoldirdi. Buni ularning yuz-u ko'zidan ham guvoh bo'lish mumkin.

🎼 Ta'kidlash joiz, to'garak rahbari Zavqiddin Boboxo'jayev o'z kasbiga sadoqati va mehr-muhabbati bilan maktab jamoasi orasida hurmatga sazovor. Qisqa fursatda ko'plab shogirdlariga turli-tuman musiqa asboblarida mahorat bilan chalish, kuy va qo'shiq ijro etishni o'rgatdi. Kundan-kunga ushbu to'garakka qatnovchi o'quvchilar soni ortib bormoqda.

🏆 Shuningdek, tadbir davomida Agentlikning "Oʻquvchi almashish" dasturi doirasida ijod maktabimizda bir hafta davomida mehmon bo'lgan Erkin Vohidov nomidagi ijod maktabining matematika fani o'qituvchisi Shuhrat Meliboyev va 10 nafar o'quvchilar maktabimizdagi o'quv jarayonlari va darsdan tashqari tadbirlarda faol ishtirok etganlari uchun maktab rahbariyati tomonidan taqdirlandilar.

- 🎙So'nggi yillarda Abdulla Oripov va Erkin Vohidov nomidagi ijod maktablari o'rtasida hamkorlik aloqalari ancha kuchaydi. Buni Abdulla Oripov nomidagi ijod maktabida o'tayotgan bir haftamiz davomida yana bir bor his qildik, guvohi bo'ldik. Olam-olam taassurotlarga ega bo'ldik. Ayniqsa, maktab rahbariyatiy-u jamosining e'tibori, shuningdek, Qarshi shahridagi diqqatga sazovor joylar bo'ylab uyushtirgan sayohatlarimizdan juda mamnun bo'ldik.

🎥 Konsert viloyat televideniyesi orqali tasvirga olindi.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram