#Navoiy_ģazallari
#Buyuk_saodat

«Ey, nasimiy, subh ahvolim...»

✍ Alisher Navoiy g'azali
🎤 Abdulla Oripov nomli ijod maktabining "Ilhom chashmasi" to'garagi rahbari Nilufar Umarova o'qidi.

https://t.iss.one/abdullaoripovmaktabi

#Navoiy_dahosiga_ehtirom

Bundan besh asr muqaddam Hazrat Alisher Navoiy: "Turk nazmida chu men tortib alam, ayladim ul mamlakatni yakqalam", deb yozgan edi. Ya'ni ul zot ona tili bayrog'ini baland ko'tarib, butun el-ulusni, yurtlarni shu bayroq ostida birlashtirdim, deb iftixor qilgan.

✍️Shavkat Mirziyoyev,
O'zbekiston Respublikasi Prezidenti.

🔰Abdulla Oripov nomidagi ijod maktabida ijod maktabi, viloyat namunali maqom ansambli, Qarshi ixtisoslashtirilgan madaniyat maktabi hamda Sayido Nasafiy nomidagi viloyat axborot-kutubxona markazi bilan hamkorlikda o‘zbek adabiyotining yirik vakili, mutafakkir, buyuk shoir, davlat arbobi Alisher Navoiy tavalludining 582 yilligiga bag‘ishlab “Alisher Navoiy – millat timsoli” mavzusida adabiy-badiiy tadbir o'tkazildi.

📌 Ushbu tadbirda O'zbekiston xalq ustasi Bahodir Niyozov, O'zbekiston Yozuvchilar uyushmasi viloyat bo'limi yetakchi mutaxassisi Davron Sultonov, Qarshi shahar harbiy prokuraturasi adliya kapitani Ozod Bahramov, DXX viloyat boshqarmasi mayori L.Xidirov va xodimlari, O'zbekiston Respublikasi Mudofaa vazirligi havo kuchlari qo'mondonligi harbiy qism xodimlari, O'zbekiston Respublikasi Milliy gvardiya viloyat boshqarmasi xodimlari hamda harbiy xizmatchilari, Janubi-g'arbiy maxsus harbiy okrug matbuot xizmati, DXX chegara qo'shinlari harbiy qismlar xodimlari ishtirok etishdi.

✅ Tadbirni ijod maktabi direktori v.v.b. Yoqutoy Djamalova kirish so'zi bilan ochib berib, Alisher Navoiy haqiqatan millat timsoli ekani, u buyuk zotni nafaqat har yili fevral oyida eslash, xotirlash va ma'naviy-ma'rifiy tadbirlar o'tkazish, balki Navoiyni yil davomida unutmaslik zarur. Nega deganda, uning ijodi bizga har kuni kerak, uning duru javohirlariga to'la shohbaytlari, asarlaridagi yoshlarni kasb-hunarga yo'llovchi, ta'lim-tarbiyani targ'ib etuvchi misralari hayotimizning shioiriga aylanib ulgurdi, - deya ta'kidlab o'tdi.

🔆O'z navbatida, O'zbekiston xalq ustasi Bahodir Niyozov so'zga chiqib, Navoiy dahosi haqida o'z fikr-mulohazalarini bildirgani, ayniqsa, Navoiy g'azallaridan o'qib bergani tadbirga o'zgacha fayz ulashdi.

📚 Ta'kidlash joiz, har yili ijod maktabida Alisher Navoiy tavalludiga o'zgacha yondashiladi. Bu yil esa yil nomiga e'tibor qaratildi, ya'ni Alisher Navoiyning insonparvarlik g'oyalari, ilm va kasb-hunarni ulug'lashi, umumbashariy g'oyalar haqidagi asarlariga murojaat etildi.

🎭 Tadbir dasturi teatrlashtirilgan, sahnalashtirilgan kompozitsion yo'nalishda yoritildi. Unda o'quvchilar bilan bir qatorda o'qituvchilar ham obraz yaratdilar. "Lison ut-tayr", "Muhokamat ul-lug'atayn", "Xamsa", "Hazm ul-javohir" asarlaridagi fikrlar, obrazlar talqin etildi.

💥 Shu bilan birga o'zbek adabiyotida Alisher Navoiy siymosi yaratilgan asarlar, shuningdek, To'lan Nizomning "Alisher" dostonidan sahnaviy parchalar havola etildi.

⭐️ Tadbirda ijodkor o'quvchilar o'z ijodlaridan o'qib berdilar.

✨ Maktab foyesida Alisher Navoiy asarlari ko'rgazmasi namoyish qilindi.

📹Tadbirda ommaviy axborot vositalari xodimlari ishtirok etishdi.

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Intagram |

#Navoiy_axloqi

Navoiyning nomi abadiyatga muhrlanishida uning kamtarinlik, xokisorlik va taqvodorlik kabi insoniy fazilatlari ham katta rol o‘ynagan. Bejizga uning muhriga “Dunyoda g‘aribdek yoki bir yo‘lovchidek bo‘lgin! Faqir Alisher”, deya yozilmagan. U butun umri davomida “Faqirligim faxrimdir” hadisiga amal qilgan.

Mirxondning “Ravzatu-s-safo” asarida keltirilishicha, Navoiy muhrdorlik ishiga kirishgach, ilk bor farmonga muhr bosish marosimida shunday hol ro‘y beradi: Barchaning xayolida Navoiy barcha amirlardan yuqoriga muhr bosadi degan o‘y aylanardi. Biroq u shunday bir joyga muhr bosadiki, biror kishi undan quyiroqqa muhr bosa olmasdi. Bu holatni Mirxond shunday tasvirlaydi: “ul janobning qo‘liga ma’lum soatda muhr bossin uchun nishon berganlarida nafsi siniq bo‘lganidan va bag‘oyat ulug‘ tavozuliligidan nishonning shunday joyiga muhr bosdikim, undan tubanroqqa muhr bosishga joy qolmadi”.

Bu voqea barchaning Navoiyga nisbatan ixlosini bir necha baravarga oshiradi, hatto Navoiy muhr bosgan yer keyinchalik mansabdorlar orasida talash bo‘ladi, ularning har biri o‘sha yerga muhr bosish ishtiyoqida bo‘ladilar.

Axloq – inson javhari. Bu javharning eng katta raqibi, yemiruvchisi nafsdir. Yuqoridagi voqelik va quyidagi misralar ulug‘ mutafakkir nafsning qanday kuch ekanini yaxshi bilganini ko‘rsatadi:

Debsabu sayha chekib andoqki pil,
Changaki nafs ollida xoru zalil.

https://t.iss.one/Navoiyshunoslik_Alisher_Navoiy

#Navoiy_tavalludining_583_yilligi

✅ Gʻazal mulkining sultoni sifatida barcha turkiy xalqlar orasida yuksak qadrladigan buyuk shoir va davlat arbobi Alisher Navoiy ijodi chinakam ma’noda o‘zbek adabiyotining ulkan xazinasidir.

❗️Navoiy o‘z davrida ikki — turkiy va forsiy tillarda birdek ijod qilgan kam sonli ijodkorlardan. Uning barcha asarlarida inson va borliq, uning ichki kechinmalari va tuyg‘ulari, ijtimoiy-siyosiy, ilmiy-falsafiy yo‘nalishlarga doir dolzab mavzular katta badiiy mahorat bilan tasvirlangan.

⚡️Yoshlarni ilm olishga undovchi, Vatanga sadoqat hamda ota-ona va yaqinlarni qadrlash ruhida tarbiyalaydigan nazmiy asarlari necha asrlarki xalqimiz tomonidan sevib mutolaa qilinadi.

Alisher Navoiy — o‘zbek adabiyoti va tarixining buyuk shaxslaridan biridir.

#Navoiy_day

...Besh asrkim nazmiy saroyni,
Titratadi zanjirband bir sher.
Temur tigʻi yetmagan joyni,
Qalam bilan oldi Alisher...

📚Abdulla Oripov

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram