Turkiy davlatlar tashkiloti Ta’lim vazirlarining VII uchrashuvi “Insonga e’tibor va sifatli ta’lim yili” davlat dasturini amalga oshirishda O‘zbekiston ta’lim tizimidagi yana bir yangi va muhim sahifani ochib berdi.

Turkiy davlatlar uchun ahamiyatli va muhim bo‘lgan ushbu vazifani muvaffaqiyatli amalga oshirdik desak mubolag‘a bo‘lmaydi. 

2 kun davomida ko‘hna Samarqand zaminida Turkiy mamlakatlardan tashrif buyurgan ta’lim vazirlari va mas’ul vakillari ishtirokida maktabgacha va maktab ta’limidan tortib, oliy ta’limga bo‘lgan muhim masalalar qamrab olindi. Manfaatli muzokaralar olib borildi, keng qamrovdagi ijobiy tashabbuslar ilgari surildi.

Jumladan, O‘zbekiston tomonidan tashkilotga a’zo davlatlar o‘rtasidagi hamkorlikni yangi bosqichga olib chiqish borasida bir nechta takliflarni ilgari surdik.
Delegatsiya a’zolari tomonidan YUNESKO Toshkent deklaratsiyasi doirasida belgilangan vazifalar va maktabgacha ta’lim sohasidagi hamkorlikni rivojlantirish zaruriyati muhim ekanligi e’tirof etildi.

Kun tartibidagi muhim masalalardan biri bu qardosh maktablar o‘rtasida hamkorlik dasturini amalga oshirish bo‘ldi. Xususan, o‘qituvchi va o‘quvchilar almashinuvini joriy etish orqali tajriba almashish va ta’lim sifatini oshirish muhimligi qayd etildi.
Shuningdek, tadbir doirasida ta’lim vazirliklari bilan Turkiy davlatlar Kengashi Orxun almashinuv dasturida hozirda 49 ta universitet o‘rin olganligi va ushbu dasturni yangi pog‘onaga olib chiqish masalasini ko‘rib chiqdik.

Shuningdek, O‘zbekistonda xalqaro olimpiadalarni o‘tkazish tajribasi shakllanganini e’tiborga olgan holda 2024-yilda Turkiy davlatlar Kengashi doirasida Toshkent shahrida Xalqaro Al-Xorazmiy yosh matematiklar olimpiadasini tashkil etish va o‘tkazish mas’uliyatini o‘z zimmamizga oldik.

Ikki kun davom etgan uchrashuvda ta’lim sohasida Turkiy davlatlar bilan hamkorlikni yangi bosqichga olib chiqish, ta’lim va fan salohiyatini rivojlantirish uchun ilmiy bilimlar almashish vazifalarini belgilab oldik.

Bugun har bir mamlakat ta’limni rivojlantirish bo‘yicha yangicha format yaratmoqda. Davlatlar o‘rtasida munosabatlarni yanada rivojlantirish orqali esa yosh avlodni dunyoga tenglasha oladigan qilib tarbiyalashimiz mumkin.

Qardosh davlatlar bilan do‘st va hammaslak bo‘lsak, albatta, ta’lim sifatini rivojlantirib, yuqori bosqichga olib chiqamiz. Bu nafaqat O‘zbekiston, balki har bir davlat taraqqiyoti uchun juda muhim va zarur bo‘ladi. 
Imkoniyatlarimiz teng huquq va teng imkoniyatli boʻlishi zarur. Bolani tug‘ilgandan boshlab o‘qitishga erisha olsak, muvaffaqiyatga erishamiz.

Maktabgacha va maktab ta'limi vaziri Hilola Umarova

#Sóragan_edingiz
#Infografika

❓Abdulla Oripov nomidagi ijod maktabiga o'quvchilar nechinchi sinfdan qabul qilinadi?

✅ Abdulla Oripov nomidagi ijod maktabiga o'quvchilar 7-sinfdan qabul qilinadi. Ya'ni mazkur ijod maktabida o'qish istagida bo'lgan, umumiy o'rta ta'lim maktablarining 6-sinfini tugatgan o'quvchilar imtihon jarayonlarida qatnashishlari mumkin.

❓Abdulla Oripov nomidagi ijod maktabiga faqat viloyat hududidan hujjat topshiriladimi?

✅ Abdulla Oripov nomidagi ijod maktabiga respublikamizdagi barcha maktab o‘quvchilari hujjat topshirishlari mumkin.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram