#Kitobxonlik_haftaligi
#Kitob_taqdimoti

🔰Ta'kidlash joiz, Oʻzbekiston Respublikasi Vazirlar Mahkamasining “2020-2025-yillarda kitobxonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida”gi qaroriga ko'ra, har yili aprel oyining birinchi haftaligi "Kitobxonlik haftaligi" etib belgilangan.

📚Ushbu haftalik doirasida Abdulla Oripov nomidagi ijod maktabida Qashqadaryo viloyat hokimligi, viloyat Maktabgacha va maktab ta'limi boshqarmasi, ijod maktabi va O'zbekiston Yozuvchilar uyushmasi viloyat bo'limi bilan hamkorlikda O'zbekiston Yozuvchilar uyushmasi a'zosi, shoira, ijod maktabining "Ijodiy to'garak" rahbari Nilufar Umarovaning "Havorang nasimlar" va yozuvchi, Ijodiy-madaniy masalalar bo'yicha targ'ibotchisi Azizbek Norovning "Azal va abad yo'li" kitoblari taqdimoti bo'lib o'tdi.

❇️ Tadbirda umumta'lim maktabi o'qituvchilari va o'quvchilari, Qarshi davlat universiteti professor-o'qituvchilari va talabalari, O'zbekiston Yozuvchilar uyushmasi a'zolari, harbiy qism xodimlari, vohalik yozuvchi-shoirlar, Qarshi shahar Kambag'allikni qisqartirish va bandlik bo'limi boshlig'i Nargiza Xonqulova, "Yurt tarovati" gazetasi bosh muharriri Nasiba Ibragimova, yosh ijodkorlar, ijod maktabining iqtidorli o'quvchilari hamda OAV vakillari ishtirok etdilar.

✅ Tadbirni ijod maktabining direktori v.v.b. Yoqutoy Djamalova kirish so'zi bilan ochib berdi va olib bordi.

✔️Tadbirda Qarshi davlat universiteti professori, filologiya fanlari doktori Nafas Shodmonov, O'zbekiston Yozuvchilar uyushmasi bo'limi boshlig'i, shoira Farog'at Xudoyqulova, Yozuvchilar uyushmasi viloyat bo'limi rahbari G'ulom Abdiyev, O'zbekiston Yozuvchilar uyushmasi a'zosi Bo'ritosh Nosirova, Qarshi shahar hokimining maslahatchisi Orasta Tosheva, Qarshi davlat universiteti dotsenti Shohida Karomova, Respublika Ma'naviyat va ma'rifat markazi viloyat bo'limi bosh mutaxassisi, jurnalist va ijodkor Bekzod O'ktam, viloyat Sog'liqni saqlash boshqarmasi matbuot kotibi, jurnalist Nuriddin Egamov so'zga chiqib, taqdimoti o'tkazilayotgan ikkala kitob va ikkala ijodkor, ularning ijodiy faoliyati haqida o'z fikr-mulohazalari bildirib o'tdilar.

💥Ijod maktabining ijodkor-o'quvchilari Nilufar Umarovaning she'rlaridan badiiy kompozitsiya namoyish etishdi, Azizbek Norovning hikoyalari haqida o'z qarashlari bildirishdi.

🎸Ijod maktabining 8-sinf o'quvchisi Javohir Abdurasulov Nilufar Umarovaning "Yomg'ir" she'riga kuy bastalab, gitarada qo'shiq ijro etgani va ayni vaqtda xorijda yashab ijod qilayotgan yozuvchi Sherzod Komil Xalilning "Azal va abad yo'li" asari haqida video murojaati kitob taqdimotiga o'zgacha ruh va kayfiyat bag'ishladi.

💠Tadbir so'nggida viloyat hokimining maslahatchisi Ziyoda Aminova so'z yuritib ikki ijodkorga viloyat hokimligining esdalik sovg'asi va kitoblar to'plamini taqdim etdi. Kitob mualliflari Nilufar Umarova va Azizbek Norov so'z olib, o'z taassurotlari bilan o'rtoqlashishdi.

❎ Kitob taqdimoti samimiy va adabiy gurunglarga boy tarzda o'tgani bilan yodda qoladigan bo'ldi.

🖥Eslatib o'tamiz, taqdimot ZOOM dasturi orqali to'g'ridan-to'g'ri translyatsiya qilindi.

📌Bizni ijtimoiy tarmoqlarda kuzatib boring👇
|telegram| web sayt| facebook| youtube |