Abdulla Oripov nomidagi ijod maktabida o'quvchilardan barcha fanlardan o'tilgan mavzularni o'zlashtirish natijalarini aniqlash maqsadida monitoring testlari olinmoqda. Monitoring natijalariga qarab o'quvchilar bilan o'tilgan mavzular tahlil qilinadi. Monitoring maktabimiz o'quv ishlari bo'yicha direktor o'rinbosari va maxsus fanlar bo'yicha direktor o'rinbosarlari nazorati ostida o'tyapti.

#adabiy_suhbat
#Odil_Yoqubov_95_yoshda

Prezident ta'lim muassasalari agentligi tizimidagi Abdulla Oripov nomli ijod maktabida O'zbekiston xalq yozuvchisi Odil Yoqubov tavalludining 95 yilligiga bag‘ishlangan "O'zbek nasrining buyuk darg'asi" mavzusida ma'rifiy tadbir bo‘lib o‘tdi. Tadbir Qarshi davlat universiteti filologiya fakulteti Adabiyotshunoslik kafedrasi hamda shahar bolalar kutubxonasi bilan hamkorlikda tashkil etildi. QarDU dotsenti, filologiya fanlari nomzodi Saodat Mo'minova tomonidan yozuvchu mahorati, o'zbek adabiyotiga qo'shgan ulkan hissasi, asar qahramonlari haqida ma'lumotlar berildi. Ijod maktabi o'quvchilarining Odil Yoqubov romanlaridan badiiy ifodali o'qishlari, o'tkazilgan viktorina savollarga atroflicha javob berganlari mutaxassislar tomonidan yaxshi baholandi. Tadbir davomida Odil Yoqubov hayoti va faoliyatiga doir hujjatli film namoyish etildi.

@abdullaoripovmaktabi

#Zulfiya_Davlat_mukofoti
#Shahar_bosqichi

Bugun Qarshi ixtisoslashtirilgan san'at maktabida shahar hokimligi Oila va mahallani qo'llаb-quvvatlash bo'limi tomonidan Zulfiya Davlat mukofoti shahar bosqichi bo'lib o'tdi. Unda Prezident ta'lim muassasalari agentligi tizimidagi Abdulla Oripov nomli ijod maktabining 11-sinf o'quvchisi Hamrayeva Sevinch adabiyot yo'nalishida ishtirok etib, 1-o'rinni egalladi.

@abdullaoripovmaktabi

#Bir_million_dasturchi
#Zamonaviy_bilim
#Hamkorligidagi_trening

✅Prezident ta'lim muassasalari agentligi tizimidagi Abdulla Oripov nomli ijod maktabida
TATU Qarshi filiali oqituvchisi Shukurova Marhabo rahbarligida iqtidorli talabalar Sayfiyev Alixon, Ro'ziyeva Madina va Nomozova Elmiralar tomonidan ijod maktabi o'quvchilari uchun trening mashg'ulotlari tashkillashtirildi.

🔸 Unda elektron ta'lim resurslarini tayyorlash hamda bir million dasturchi loyihasida ishtirok etish , sertifikat olish bo'yicha taqdimotlar qilib berildi.

🔹O'quvchilar o'zlarini qiziqtirgan savollarga batafsil javob oldilar.

👉@abdullaoripovmaktabi

#Ijod_sehri
#ona_tilim_faxrim

✅Prezident ta'lim muassasalari agentligi tizimidagi Abdulla Oripov nomli ijod maktabining ona tili va adabiyot muallimasi Olimjonova Mohigul hamda 10-sinf o‘quvchisi Sobirova Dilnavoning O'zbek tilini sharaflovchi maqolalari respublika "Tong yulduzi" gazetasi sahifalarida

👉 @abdullaoripovmaktabi